THUPHUANG 21:22 - PATHIAN LEKHABU IRTHIANG C.L. Bible (BSI)

²² Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.

THUPHUANG 21:22 ပူးပေါင်းရင်းမြစ်များ

1 RÊNGHAI 8:27

“Khannisian nang Pathian tak hin irnêng mihai laia hin om nuam ual le nang irhoitir ma ung? Irvâna lua om loi ni nia. Ki tempil sina hin om nuam theiin mo?

2 THURCHI SUINA 2:6

A diktakin Pathian ta hrangin tûte’n sin thei no nihai, irvâna khom khin inleng no nia, Pathian ta hrangin mirimhoi hâlna hmun ti loiin chu keima hin a in hrang sin thei le mo ki’rhoi.

2 THURCHI SUINA 6:18

Khannisianlân, nang Pathian hring chu irnênga mihriamhai laia ni om ngêt hrang ma ni? Irngai ro, irvân irzâ taka khin irleng mak chea, hi keima in sin len vâng hin te irleng le khom irhoi mak chea!

ISAIA 66:1

Rengpa’n hiang hin a ti: “Irvân ki rêngtoihmun a nia, irnêng hi ki ke irnghatna a ni; i anga in moh nin ni isin pe hrang, khôn mo ki iom hrang?

MATHAIA 24:2

Ama khan an kuang en roi, “Thudik nangni ki hril, hitaka lung inkhat khom hi a hmuna om no ni; an rêngin paiin om zit an ti,” a tia.

JOHANA 10:30

Keima le Pa chu pumkhat kin ni,” a tia.

JOHANA 13:32

Amaa Pathian chôiindôma a om khan, Pathianin ama khom a makunga chôiindôm a ta, chôiindôm zôi zel a ti.

JOHANA 4:21

Jisua’n, “Nupangnu, ni iam roh, hi tânga kher no khom, Jerusalema kher no khom Pa chubai nin mûkna hrang zoro tung a ti.

JOHANA 4:23

Khannisianlân, a zoro la tung a ti, atûn khom a tung thiai ta, Pathian chubai mûktu tak takhaiin irtha le thutakin Pa chubai mûk an ti, khaang mi kha Pa’n ama chubai mûktu hrangin a izong a ni.

KOLOSA 1:19

Amaa Pathian nina irkip a om hi Pa nuamlam a ni.

KOLOSA 2:9

Krista takpuma khan Pathian famirkipna tinrêng kha a om.

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 11:17

“Rengpa Pathian Itinrêngthothei, A om mai le A om tâka! Ni sinthotheina roiinpuitak kha lâkin roi ni rêl tâk sikin ni kuang lômthu kin sir!

THUPHUANG 14:4

Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

THUPHUANG 15:3

Pathian suak Mosia hla le Belrate hla an saka, “Rengpa Pathian Itinrêngthothei, Ni sinthohai chu a roiinpuiin ar khêl tak tak! Nangma chu nam tinhai laia Inlaltak, Ni lampuihai chu a felin a dik tak tak!

THUPHUANG 16:14

Kha kha ramilhli irtha an ni, sinirkhêl khom an tho ngai. Pathian Itinrêngthothei nikho roiinpui irdoinaa hruai irchunkhôm hrangin irtha inthumhai kha rammual pumpuia rênghai murdi kuang an fea.

THUPHUANG 16:7

Maichâm ata kha, “A ni, Rengpa, Pathian itinrêngthothei, ni roirêlna kha a dikin a fel a ni,” irhai kin hriat sa.

THUPHUANG 19:15

A bâia irthokin khandai ngaihtak a hong suaka, ama khan nam tin inhnê a ti. Thîr khianghrolin an chunga roirêl a ta, Pathian Itinrêngthothei ningmur inrikna grep sômna khura khan sirpha a ti.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

THUPHUANG 5:6

Kha hnung chu, rêngtoihmun inlaina tak, thilhring minlihai le upahai irhîlin Belrate ngîr that tâk anga inlang, irki sari le mit sari nei ki hmua; kha mit sarihai kha chu Pathian irtha sari, irnêng chung pumpuia tîr suakhai kha an ni.

THUPHUANG 7:15

Khasikin, Pathian toihmun makunga ngîrin, sûn le zânin a biak ina sin an tho ngai, khan, rêngtoihmuna toitu khan a puan in an chunga zâr a ti.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.