THUPHUANG 21:10 - PATHIAN LEKHABU IRTHIANG C.L. Bible (BSI)

¹⁰ Khanchu, ama khan Irtha’n tâng irsâng lianpa sîpa a ni fepuia, Jerusalem, Khopui Irthiang, Pathian kuang irvân ata zuang chum kha a nin entira.

THUPHUANG 21:10 ပူးပေါင်းရင်းမြစ်များ

1 RÊNGHAI 18:12

Nang ki rotsan zoi le hin, Rengpa irtha hin ki inhriat loina tiang nang hruai a ta, Ahaba ki va hrila, nang a hmu nôk no’n chu a ni ithatpai hrang kêng. Khannisian kei ni siahlo hi ki thoibop ata Rengpa biaktu kêng ki ni.

2 RÊNGHAI 2:16

Ama irtongpui hrangin an fea, a makunga an khûksadela, “Irngai ro, mi hrâttak tak sômringa kin oma, ni pu chu Rengpa irtha’n a hruaia kho tiang tânga mo, phâia mo a imâksan rak a ni ngânin te, lungkham takin keini’n va zong kin ti,” an tia. Elisa’n, “Va zong no roi,” a tia.

EZEKIELA 11:1

Irtha khan a ni hong indomirsânga, nisua tiang panga Rengpa in mikota khan a ni hruaia, mikot bula khan mi sômhni ringa an oma, an laia khan mipui hruaitu, Azura nâipa Jaazania hai, Benaia nâipa Pelatia hai chu ki hmua.

EZEKIELA 11:24

Irtha khan a nin domirsânga, inlârnaa khan Pathian irtha’n Babulon rama sala intânghai kuanga khan a nin tunga. Khanchu inlârna ki ihmu khan chung tiang a ni fesan tâka.

EZEKIELA 3:14

Khanchu, Irtha khan a nin domirsânga, a ni hruai tâka, lungchuk loi tak le ningmur takin ki fe tâka; khannisian Rengpa hrâtna’n a ni hruai inlût ngita.

EZEKIELA 8:3

Khan, kut ni ômtak hin ki michal sîp sama a ni zuang chela, irnêng le irvân kâra Irtha’n a nin dom irsânga. Pathian inlârnaa khan Jerusalema a ni hruaia, tualsûng sûngrîl ual hmâr tianga mikota khan a ni siaa; khatak khan Pathian ningmurtirtu millim chu a oma.

TÎRTÔNHAI SINTHO 8:39

Tui ata an hong suakin chu, Rengpa irtha’n Filipa chu a lâkpai tâka. Thainuzel khan hmu ta maka; khannisianlân, raifân takin a fe tâka.

GALATIA 4:26

Chung tiang Jerusalem chu suak ni mahai, kha kha eini nu hi a ni.

THUPHUANG 1:10

Rengpa nia khan Irtha Irthiangin a ni pôla; khanchu ki hnunga irhai bekul anga inringin,

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

THUPHUANG 17:3

Vântîrtôn khan Irtha ramchâra a ni fepuia, Pathian hrilsiatnaa sip, lu sari nei le irki sômkhat nei, sahrâng seninlâr chunga chuang nupangnu ki hmua.

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.

THUPHUANG 3:12

An hnêtu kha chu ki Pathian biak ina chopuiin siam ki ta, kha hmuna khan om ta a ti. Khan, amaa khan ki Pathian irhming le, ki Pathian khopui Jerusalem thar, ki Pathian kuang ata irvâna irthoka zuang chum hrang irhming le ki’rhming thar irziak ki ti.

THUPHUANG 4:2

Khanchu, voikhat rengin Irtha’n ki om zôi zela, irvân toihmun a hong irsiama, kha toihmuna khan mi inkhat a hong toi saa.