THUPHUANG 20:9 - PATHIAN LEKHABU IRTHIANG C.L. Bible (BSI)

⁹ Irnêng pumpuia an dâp zitin an hong kâia, mi irthianghai kul le an khopui indet tak kha an irhuala, khannisian irvân ata mei a zuang chuma, anni kha a kâng irhmanghai tâka.

THUPHUANG 20:9 ပူးပေါင်းရင်းမြစ်များ

IRPHUTNA 19:24

khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira;

2 RÊNGHAI 6:15

Pathian mi siahlo ruatharte an laia a ngîra, zînga a thoiin chu, a suaka sipai tamtak le sakor leh tâli hmangin an khua an irhual chu a hmua, a pu kuang khan, “Ka pu dik loi kêng a ni ta! itin mo ei itho ta hrang? eini tianga ni san hrang an tam,” a tia.

JOBA 38:18

Irnêng irzatziahai hi nin hriat phâk mo? Nin hriatin chu insîr roh.

INPÂKNA HLAHAI 106:18

An pôl laia khan mei inchokin a hong oma; Meichok khan mi siahai kha a kâng irhmang ta.

INPÂKNA HLAHAI 87:2

Rengpa khan Zion kul mikothai kha Jakoba-hai omna murdi nêkin a’rngaiinhlu ual a ni.

INPÂKNA HLAHAI 97:3

A maton tiang chu mei a fea, A kôl vêla ama doituhai chu a kâng irhmang ngai.

ISAIA 30:33

Assuria rêng hâlna hrang meipui irsiam sai a ni tâka, thing tamtak an thîn sa maia, a kâng hrangin Rengpa’n mei le kât ir-al tui angin zuan luangtir a ti.

ISAIA 37:36

Rengpa itîr vântîrtôn chu Assuria-hai tuala fe a ta, mi nuai khat sîngriat le sâng ringa a thata, zîng an hong thoiin chu hnuai chu mithi ruakin a sip tâka.

EZEKIELA 38:16

Phâivopuiin ram a isêm phît angin, ki mi Israelhai chu doihai ni ta, a zoro a hong tung tena chu, ki ram chu doi hrangin, nang tîr ki ti; tu mo ki inih ti hi nam tinhai irhmutirhaina hrang le nangma hmanga ki sinthôna hin ki’rthiangzia inlangtirna hrangin.

EZEKIELA 38:22

Ama chu hripui le thisen insuana’n hrem ki ta, khanchu ama le a sipaihai le nam tamtak ama tianga kophai chunga khan ropuivânsâng le, irial le, mei le kât chu zuang bunthuan ki ti.

EZEKIELA 38:9

Ama le a sipaihai a kuanga nam tamtakhai khan phâivopui angin doi an ta, ram kha sûmphâi angin bôm a ti,” a tia.

EZEKIELA 39:6

Khanchu Magoga le chômbunga omtuhai chunga khan mei insua ki ta; khanchu Rengpa ki nih ti inhre suak an ti.

MIKA 2:13

Suk thengtu kha an matona hong a fea; an suk thenga, mikot dênin an fe thiaia, khataka khan an ife suak a ni; khan, an rêng kha an maton tiang a fea, Rengpa khan an maton a hruaia.

HABAKUKA 1:6

Irngai roi, Kaldai mi, Nam pualoi tak le milung inrem tak, lêngna hmun, an ta ni loi khom nei tuma hmun tina irvâk vêl ngaihai kha! ki ikaithoihai an ni.

NAMBAR 11:1

Khanchu an dengtheinahai sikin mipuihaiin Rengpa inhriat hrangin an chiara, Rengpa’n an hriathai tena chu a ning an mura, mipuihai chunga mei a zuang tîra; an laia meichokin, an riakbuk hmor tiang chu a kâng tâka.

NAMBAR 16:35

Khanchu Rengpa kuang ata mei a zuang suaka, mirimhoi inhlantu irzahni sômringahai chu a kâng thathai tâka.

LUKA 17:29

Khannisianlân, Sodom khua ata Lota a suak ni khan irvân ata mei le kât a thoa, an rêngin a thathai zita.

LUKA 19:43

Ni râlhaiin nir hîlin kul siam an ta, nang irhualin kil tin ata nang an bei zoro la hong tung a ti:

LUKA 21:20

“Khan, sipaihaiin Jerusalem an irhual nin hmu tika chu a siat hrang anai tah ti inhre roi.

LUKA 9:54

Khan, irchutir Jakoba le Johana’n an inhriatin chu a kuang, “Rengpa, hihai kâng zit hranga hin Elija angin irvân ata mei koi thâk hrangin ni nuam mo?” an tia.

DÂN INHNINA 23:14

Nin buka khan enkol hrang le nin râlhai kha nangni inhnêtir hrang le nin râlhai nangni inhnêtir hrangin Rengpa nin Pathian kha a zuang ngai sikin nin buk kha nin irthiang hrang a ni, thil porinche nangni a hmu likin chu nangni rotsanna ti.

2 THESALONIKA toc2 2 THESALONIKA 1:8

Pathian inhre loihai le ei Rengpa Jisua Krista Thurchi Sa iam nuam loihai chunga phuba a lâk tika chu kha mihai khan hremna tuang an ti.

HEBRAI toc2 HEBRAI 13:13

Tho, khasikin khopui pên tiang fe ei ta a mualinphoina lei irkoppui rei.

THUPHUANG 11:5

Anni kha tukhomin innatir an tumin chu an bâi ata mei a hong suaka, an râlhai kha a kâng irhmang ngai, khaang dênin tukhomin innatir an tumin chu ithatin om ngêt an ti.

THUPHUANG 13:13

Sahrâng inhnina khan, mi tin mit hmua irvân ata irnênga mei zuang chôiin sinirkhêl liantak a sina.