THUPHUANG 20:4 - PATHIAN LEKHABU IRTHIANG C.L. Bible (BSI)

⁴ Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 20:4 ပူးပေါင်းရင်းမြစ်များ

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

DANIELA 7:22

kumkhontuang pa a honga, roirêlna chu inchungtaka mi irthianghai kuanga pêk a ni ta, mi irthianghaiin ram an dongtum zoro a hong phâk mân an hnêa.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

DANIELA 7:9

Khan, ki thîr mai laiin, rêngtoihmun lei irdo diam hi a oma; kha rêngtoihmun inkhat chunga khan kumkhontuanga om maipu kha a hong toia. A tukrivo chu vur anga vâr a nia, a sam chu samul irthiang ang a nia: a rêngtoihmun chu meichok ang a nia, a tâli chu mei ikâng hrang ang a nia.

MALAKIA 4:5

Irngai u ta, Rengpa zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

MATHAIA 19:28

Jisua’n an kuang, “Thudik nangni ki hril: Zoro thara chu, Mihriam Nâipa a rêngtoihmun roiinpui taka a toi tika, nangni a ni zuituhai khom hi Israel nam sômhleihni chunga roirêlin rêngtoihmun sômhleihnia la toi nin ti.

MATHAIA 24:10

Kha tika chu mi tamtakin an iamna masan an ta, irchel irhlômtir an ta, irkhôkmâk irhlômtir an ti.

MARKA 6:16

Heroda’n chu a len hriatin, “Johana, a lu ki itanpai kha, a hong thoi nôk ta a ni khate,” a tia.

MARKA 6:27

Reng khan a nghâktu sipai inkhat a tîr zôia; intângna ina khan Johana lu kha a tana,

MARKA 9:11

Khan anni’n chu Jisua kuang, “Itho sika mo Dân irchutirtuhaiin Elija kha zuang bak a ti an iti ngai?” tiin an irdona.

LUKA 1:17

Pahai chu an nâihai irngaisaktir hrangin, mi pualoihai chu mi felhai lungrîl irput ang irput hrangin, Rengpa ta hranga a mihai hranga lei sinsiam hrangin Elija irtha dong le a sinthotheina neiin, Rengpa makunga khan a izuang masa hrang a ni,” a tia.

LUKA 14:14

Khanchu, satvurna dong ni ti, nang thuanna hrang nei no nihaia; mi fialhai thoinôkna tika Pathianin nang thuan a ti,” a tia.

LUKA 22:30

khanchu, ki rama chu ki maichâma fâkin, in nin ta, rêngtoihmuna toiin Israel nam sômhleihnihai chunga roirêl pe nin ti.

JOHANA 14:19

Zoro sôtnote hnunga rammualin ni hmu ta no nihai, nangni’n chu ni hmu nin ti, keima ki hring sikin nangni khom la hring nin ti.

ROM KHUAA MIHAI KUANGA TÎRTÔN PAULA LEKHATHON 11:15

Anni pai thâkna lua rammual hi Pathian ruala siam nôkna a ni’n chu, anni lômlût nôkna chu thina ata hring nôkna ni no ni mo?

ROM KHUAA MIHAI KUANGA TÎRTÔN PAULA LEKHATHON 8:17

Pathian nâihai ei niin chu ar chon luatuhai ei ni, Krista tuangna ei irkoppui ngêt hrang a ni.

2 TIMOTHEA toc2 2 TIMOTHEA 2:12

Ei tuangin chu, Ama leh roirêl sa ei ti. Ei hnôlin chu, ni hnôl a ti.

THUPHUANG 1:2

khanchu, Johana’n a ihmu murdihai kha an sîra. Ama hi Pathian thu le Jisua Krista’n thutak a inpuang an sîrna a ni.

THUPHUANG 1:9

Kei Johana, nin urêngpa le Jisua hnung zuinaa a Ram mihai chunga dengtheina hong tung diar taka tuangna lama nin chanpuipa ki ni, Pathian thu le Jisua’n thutak a inpuang thu kin puangna sikin Patmos chômbunga intângin ki oma.

THUPHUANG 11:11

Khan, sûn thum le chomân hnunga chu Pathian kuang ata hringna phûk an sûnga a zuang lûta, an ke’n an ngîra; khanchu a hmuhai khan an chi ok ta.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

THUPHUANG 11:7

Khan, an inhriatna thu an insîr zoiin chu khurmongboi ata sahrâng hong suak hrang khan doihai a ta, inhnêhai a ta, thathai a ti.

THUPHUANG 12:11

Belrate thisen le thutak an inpuang sika khan inhnêna an changa, an hringna khom thi ngam rakin an phal sa.

THUPHUANG 14:11

Kha mihai dengintheina meikhu kha Kumtuangin khu mai a ta, sahrâng le a’rlim chubai mûkhai le ar hming indangna neihai ta hrangin chu, a sûn a zânin zôkna om pe no ni,” a tia.

THUPHUANG 15:2

Khan, hlîmen mei leh irpol tuikhanglian nia irhoi taka inlang ki hmua. Sahrâng le a’rlim le a’rhming nambar inhnêtuhai kha ki hmu sa. Pathian perkhuang chôiin, hlîmen tuikhanglian muanga khan an ngîra.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 2:26

An hnêtu kakai le a mong dêna ki nuamlam sintuhai chu, ka Pa kuanga irthoka ki hmu ang taka irchamneina kha pe ki ti; nam tin chunga thîr khianghrol leh roirêl a ta, pilbêl anga intôk khoi chit hrangin irchamneina pe sa ki ti. Sikhovâr khom pe sa ki ti.

THUPHUANG 20:6

Kha thoinôkna masa taka changhai kha chu an vân a sa’n an irthiang a ni. Khahai chunga khan chu thi hnina khan ircham rêng nei ta mah; Pathian le Krista Ochaihai ni an ta, ama leh kum sângkhat roirêl an ti.

THUPHUANG 22:5

Zân om ta no nia, meiser le misa khom nang ta no ni; Rengpa Pathian khan êl invâr ta a ta, kumtuang kumtuangin rênghai angin roirêl ta an ti.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.

THUPHUANG 4:4

Rêngtoihmun kôl vêla khan rêngtoihmun dang sômhni minli a om saa, kha rêngtoihmunhaia khan upa sômhniminli puan chek sila rângachak rêng lukhum khumin an toi.

THUPHUANG 6:9

Khanchu, Belrate khan irsinsiana a ringana an hong le chu, Pathian thu an insîr sik le Pathian inhriatpuitu an nina tiang iam a om sika thata omhai irtha kha maichâm hnuaia ki hmua.

THUPHUANG 7:3

Vântîrtôn khan an kuang, “Ei Pathian suakhai an michala irsinsiana ei sia mâka chu irnêng le tuikhanglian le thingkunghai kha lan siat no roi,” a tia.