THUPHUANG 20:3 - PATHIAN LEKHABU IRTHIANG C.L. Bible (BSI)

³ Khurmongboia khan a pai thâka, a khura kum sângkhat a hek mâka chu nam tin a huang loina hrangin a kal khak tâka. Kha hnung chu zoro sôtnote hrangin insua nôk ni a ti.

THUPHUANG 20:3 ပူးပေါင်းရင်းမြစ်များ

INPÂKNA HLAHAI 90:4

Nangma irngaiin chu kum sângkhat hi sûn khat ang a nia; Mizân theng tâk ang kha a nia, Zân dârkâr tôite ang kha a ni.

DANIELA 6:17

Khanchu lung an hong lâka, khur kotbâi kha an khâra; rêngin Daniela chungchâng hi a danglam loina hrangin ama kutsabi, a mi lianhai kutsabi leh irsin a pêka.

MATHAIA 24:24

Krista dolhai le deipu dolhai an la isuak hrang a ni, khahai khan thei len vânghai sian chu inthanghai lua an huang theina hrangin irsinsiana le thilirkhêl inthang tho an ti.

MATHAIA 27:66

Khanchu, an fe a, thân lung kha irsinsiana siain, a nghâk hranghai kha an innghâktirhai tâka.

MARKA 4:15

Lam kôla tâkhai kha hiang hi an ni; thu kha an inhriatin Setana a hong lata; an fachî inthek kha a lâkpai pehai zôi ngaia.

LUKA 8:31

Khurmongboia pai thâk loi hrangin Jisua kha an ngêna.

2 KORINTH 11:3

Nin lung sûng kha hong siatin Kristaa nin irpêkna rikip le irthiang kha marak nin ti, ti ki ichi a ni, khaang khan Evi kha mirûl butdi milak khan inthêmin a iom a ni.

2 PETERA toc2 2 PETERA 3:8

Inditom takhaio, hi hi irnghil no roi, Rengpa ta hrangin chu sûn khat hi kum sângkhat ang a nia, kum sângkhat khom hi sûn khat ang a ni.

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 17:2

Irnênga rênghaiin an indit ngaia, irnênga omhai khom a hurna zu khan a vâi inruitir ngai,” a tia.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 20:1

Khan, vântîrtôn irvân ata zuang chuma khurmongboia châbi le thîrhrui lianpa a ichôi ki hmua.