THUPHUANG 20:2 - PATHIAN LEKHABU IRTHIANG C.L. Bible (BSI)

² Dragon, rûlpui tar Diabola le Setana kha a chela, kum sângkhat hrangin a khit ta.

THUPHUANG 20:2 ပူးပေါင်းရင်းမြစ်များ

IRPHUTNA 3:1

Khan Rengpa Pathianin ramsa a isiam murdi laia mirûl hi a vâr irlet tak a nia. Khanchu mirûlin nupangnu kuang khan, “Pathianin irhuana thing rahai hi nin ifâk hrang ni mah a iti ma ni?” a tia.

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

JOBA 1:7

Rengpa’n Setan kuang, “Kho rengata hong mo ni ni?,” a tia. Setana’n Rengpa kuang khan, “A suk a tunga irnêng ki’rfangna rengata,” a tia.

ISAIA 24:22

Suaka intâng khurpadopa siakhômhai angin rênghai chu khumhai a ti, inhnunga soisakhai hrangin sehai hluk a ti.

ISAIA 27:1

Kha ni tena chu, Rengpa’n a khandai lianpa, ngaih tak chu Leviathan, tuia rûlpui intân Dragon irchok soisakna hrangin irlek a ta, that a ti.

EZEKIELA 47:5

Kha hnung chu mûk sângkhat dang ar khi nôka, kha tui kha chu an thûk sabak tâk sikin pal thei ta ma unga, irhliai ti no’n chu irkân lam om thei ta maka.

MATHAIA 19:29

Tukhom ki’rhming sika in mani, urêng mani; farnuhai mani, pa mani, nu mani, nâihai mani, ramhai mani mâksan chu a bâk irzain hmu an ti; kumtuang hringna la dong sa an ti.

MATHAIA 8:29

Voi khat rengin khahai kha an khêka, “Pathian Nâipa, imo ni lo hrang ni iti? Zoro inkung tung mâna deng nin thei hranga ni izuang ma ni?” an tia.

MARKA 4:15

Lam kôla tâkhai kha hiang hi an ni; thu kha an inhriatin Setana a hong lata; an fachî inthek kha a lâkpai pehai zôi ngaia.

MARKA 5:7

Inring takin a khêka, “Jisua, Inchungtaka Pathian Nâipa, imo ni lo hrang ni iti? Deng nin thei loi hrangin Pathian irhmingin nang ki ngên,” a tia.

JOHANA 12:31

Atûn hin rammual chungchâng ngaitua lai a ni, atûn hin rammual roirêltu hi pai suak ni a ti.

JOHANA 16:11

roirêlna lama khom thiamno an ichang a ni, hi rammual roirêltu khom thiamno changin a om tâk sikin.

ROM KHUAA MIHAI KUANGA TÎRTÔN PAULA LEKHATHON 16:20

Irngeina Pathian khan Setana kha nin ke hnuaia nangni insirphatir a ti. Ei Rengpa Jisua Krista lungkhamna kha nin kuang om ri se.

HEBRAI toc2 HEBRAI 2:14

Jisua’n nâipang a ikoihai kha taksa le thisen nei an ni sikin, ama ngei khom anni anga zuang omin an mihriam nitna a zuang inthangpui sa a ni. Kha a zuang thô nasan tak chu thina chunga irchamneitu Diabola kha ar hmangtir theina hrang le,

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

2 PETERA toc2 2 PETERA 2:4

Vântîrtônhaiin thilsual an tho lai khan Pathianin hôihai ma, hremhmuna a paia, Roirêl Ni nghâk hrangin khura inthima khan an iom tâk a ni.

JUDA 1:6

Vântîrtônhai khom an irchamneinahai pom nuam loia, an omna hmun mâksanhai kha, Roirêlna Nikhua roiinpui tika an chungthu rêl hrangin kumtuang thîrhruia khitin inthim hnuaia a isiahai tâk a ni.

THUPHUANG 12:13

Dragon khan hnuaia paithâk a ni ar hriat le chu nâipasal nei nupangnu kha a’rzûl tâka.

THUPHUANG 12:15

Nupangnu kha tuiin a tân theina hrangin a hnunga dragon khan tui, a bâia irthokin tuilian angin an phîsuaka.

THUPHUANG 12:17

Dragon kha nupangnu chunga a ning an mur tak taka, nupangnu irchi la om Pathian thupêk zômhai le Jisua thutak inpuang pomhai kha doi hrangin a fe tâk.

THUPHUANG 12:3

Thilirkhêl dang irvâna an lang nôka. Dragon sen lianpa, lu sari le irki sôm nei, rênglukhum sari khum chit hi a oma.

THUPHUANG 12:4

A’rmeiin irvâna ârsi hmun thuma sena hmunkhat chu a zêma, irnênga a paithâk ta. Nupangnu nâi kha a zuang suak le chu a lei fâk theina hrangin nupangnu matona khan a ngîr ngita.

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 13:2

Sahrâng ki ihmu kha keiârsi a anga, a kehai chu savom ke a anga, a bâi chu kâmkeibaknei bâi a ang. Dragonin sahrâng kuang khan a sintho theina le a rêngtoihmun le ar chamneina liantak kha a pêk.

THUPHUANG 13:4

Sahrâng kuang ar chamneina a pêk sikin dragon kha mi tinin chubai an mûk. Sahrâng khom kha an mûk saa, “Sahrâng anga hi tu mo a om? Tu mo a doi thei hrang?” an tia.

THUPHUANG 20:10

Khanchu, annihai huangtu Diabola kha, sahrâng le deipu dol omnaa, kâta kâng meidîla khan an paihaia, kha khan a sûn a zânin hremna tuangin kumkhua’n om ta an ti.

THUPHUANG 20:7

Kum sângkhat a hek tikin chu, Setana kha an tângna ata insua ni a ta,

THUPHUANG 9:11

Khur mongboia vântîrtôn kha rêng angin an chunga inlal takin an neia; Hebrai chonga a’rhming chu Abadona a nia, Grik chonga a’rhming chu Apoluona, a ni. (A omzia chu “An siattu,” tihna a ni).