THUPHUANG 2:7 - PATHIAN LEKHABU IRTHIANG C.L. Bible (BSI)

⁷ “Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 2:7 ပူးပေါင်းရင်းမြစ်များ

IRPHUTNA 2:9

Khan irnêng ata Rengpa Pathianin thing satak tak le fâk thei zât tinrêng a inmôngtira, hringna thingkung a laitaka a inmôngtira, a sa le a sia inhriatna thing.

THUVÂRHAI 11:30

Felna ra chu hringna a nia, nunrôngna rêkin chu hringna a lâkpai ngai.

THUVÂRHAI 13:12

Sabeina a dongin chu lungrîl an natira, lunginchong a taka hong tung chu hringna thing a ni.

THUVÂRHAI 15:4

Lungkham chongin hringna a pêka, nunrôngna chong rêkin chu lungrîl an siattir ngai.

THUVÂRHAI 3:18

Mi vârhai chu an vân a sa, vârna khan hringna pe a ti.

EZEKIELA 28:13

Pathian irhuan Eden-a khan ni lei oma, lunghlu chi tinrênghai leh ni’rvoa; rubi, topaz, barli, karnelian, jasper, safir, emeral, garnet le lunghlu danghai leh khan. Rângachak tukrivohai khom ni neia, khaanga siama ni om nî khan, nangma ta hranga siamin an iom a ni.

EZEKIELA 31:8

Pathian irhuana Sidar kung danghai leh hrilirkhî thei ni maka, meisâr kung rêng rêngin khaanga ônhai kha la nei ngai mahai, Tângêm kunghai khomin a ônhai lua pha mahai. pathian irhuan thingkunghai lua’n a satna kha pha mahai.

MATHAIA 11:15

Irngai roi, mikuar nei murdi’n chu!

MATHAIA 13:43

Khanchu, Pathian nâihai chu an Pa Rama misa angin vâr ta an ti. Irngai roi, mikuar nei murdi’n chu!

MATHAIA 13:9

Irngaituana mikuar nei murdi’n chu irngai ri sehai,” a tia.

MARKA 4:9

Jisua’n, “Tukhom inhriatna hranga mikuar nei murdi’n chu inhre ri sehai,” a tia.

MARKA 7:15

Pên tiang rengata mihriam sûnga lût ama porinchetir thei ite om mah, mihriam sûng rengata suak ngaituana hin kêng mihriam a porinchetir ngai.

MARKA 7:16

Tukhom inhriatna hranga mikuar nei murdi’n chu irngai ri sehai,” a tia.

LUKA 23:43

Jisua’n a kuang, “Thudik tak nang ki hril, ki kuang a vuan hin Paradisa om sa ni ti,” a tia.

LUKA 8:8

Senkhat irnêng saa a tâka, a hong irsôn liana, a bâk irza’n a vûi tâka,” a tia. Kha thu kha an sîra, “Irngaina mikuar nei murdi’n chu irngai ri sehai,” tiin a tia.

JOHANA 16:33

Keimaa irtharngamna nin hmûna hrangin nin kuang hi thu hi ki insîr a ni; rammuala hin intak nin tuang ngai; khannisian hâi takin om roi! Keiin rammual kin hnê ta,” a tia.

1 KORINTH 2:10

Eini chu Pathianin a thutak irthup kha Irtha’n a nin hriat tâka. Irtha khan tinrêng a suisuak ngai Pathian thil tum inthûk tak khom.

1 JOHANA 2:13

Pahaio, ama chu a phut ata om mai kha nin inhriat tâk sikin nin kuang ki irziak a ni. Vânglaihai, Setan kha nin inhnê tâk sikin nin kuang ki irziak a ni.

THUPHUANG 13:9

“Mikuar nin neiin chu irngai roi!

THUPHUANG 14:13

Khanchu, irvâna irthokin hnukirhaiin, “Hi hi irziak roh: Atûna irthokin Rengpaa thihai chu an vân a sa,” a iti kin hriat. Irtha khan, “A ni tak tak! An sinsôlna irthokin irngam ta an ti; an sinthôna ra khan a zui sikin,” tiin a sâma.

THUPHUANG 15:2

Khan, hlîmen mei leh irpol tuikhanglian nia irhoi taka inlang ki hmua. Sahrâng le a’rlim le a’rhming nambar inhnêtuhai kha ki hmu sa. Pathian perkhuang chôiin, hlîmen tuikhanglian muanga khan an ngîra.

THUPHUANG 2:11

“Irtha’n koiindanghai kuang thu a insîr hi mikuar nei murdi’n chu irngai roi! An hnêtu ka chu thina inhnina khan ite nangni lo no ni, a ti,” tiin.

THUPHUANG 2:17

“Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

THUPHUANG 21:7

An hnêtuhaiin chu hihai hi ki kuang ata dong an ti: Keima an Pathian ni ki ta, annihai kha ki nâihai ni an ti.

THUPHUANG 22:14

Hringna tuikuanga thei ra kha an fâk theina hrang le khopui kha an lût theina hranga an puan irsûk infâihai chu an vân a sa.

THUPHUANG 22:17

Khan, Irtha le moi khan, “Hong roh!” an tia. An hriat murdi’n, “Hong roh!” ti sa ngêt ri se. Tukhom a tuiinhrâl murdi chu hong roi; a nuam murdi’n hringna tui hi manboiin in ri se.

THUPHUANG 22:2

Khopui kholai inlaina taka a luanga. Khan, muang kiang tiang, kiang tianga hringna thing, thatin voikhat, a kuma voi sômhleihni ra a oma; kha thing hnahai kha nam tin damna a ni.