THUPHUANG 2:23 - PATHIAN LEKHABU IRTHIANG C.L. Bible (BSI)

²³ A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.

THUPHUANG 2:23 ပူးပေါင်းရင်းမြစ်များ

1 THURCHI SUINA 17:18

Imo nang ki la izong ual hrang? Ni siahlo hi ni nin hriat suak ving a ni.

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

1 THURCHI SUINA 29:17

Mi lungrîl ni fia ngaia, mi nun sahai chu ni lôm ngai. Keima’n chu hi thilhai hi phal taka lungrîl fel le dik tak irputin ki hong inhlan a ni, ni mi hong pungkhômhai khomin thilinhlan hong pêk nuam dân ki ihmu a ni.

2 THURCHI SUINA 6:30

an izong kha inhren lân, irvân ata le’rngaiin lân, ngaidamhai ro, nangma vai hin mihriam sûngrîl ngaituana ni hmu theia,

JOBA 24:23

Zôkna lampui ar hmuhaia, Khatak khan an irngam ngai. An lampui hro lai khom a ensui mai ngai.

INPÂKNA HLAHAI 139:1

O Rengpa, nangma’n satakin ni ni ena, Ni nin hriat tâk.

INPÂKNA HLAHAI 26:2

O Rengpa, ni enfiain, ni fia’nlân; Lunghla loiin Rengpa kha ki iama. Ki lungrîl le ki milung hi irthiangtir roh.

INPÂKNA HLAHAI 44:21

Pathianin chu a izong suak loi hrang ma ni? Lungrîla thuphai hi an irhriat mai a ni.

INPÂKNA HLAHAI 62:12

O Rengpa, lungkhamna hi ni ta ngêt a ni: Mi tin an sintho ang taka ni thuan ngai a ni.

INPÂKNA HLAHAI 7:9

O, mi siahai pualoina chu hong mong ta sianlân, mi felhai chu indet roh: Pathian fel tak chu milunghai a fia ngaia.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 20:12

A ni, itinrêng sinthei Rengpa nangin dik takin nin hriat ngaia, an lungrîl le ngaituanahai om chu nin hriat hleta. Khaangin ki râlhai chunga phuba ni ilâk chu nir hmutir ro, ki chungthu ni kuta om hlet a ni tâk sikin.

ZEFANIA 1:11

Maktes mihaio, Kanaan mi chu an irhmang sikin khêk rak rak roi! Tangkarua pêl murdihai an thi zoi zit tâk a ni.

MATHAIA 16:27

Mihriam Nâipa hi vântirtônhai le a Pa roiinpuina le, a izuang hrang a nia; kha tika chu mi tin an sintho ang zêlin thuan seng a ti.

LUKA 16:15

Jisua’n an kuang, “Mi mit hmu’n mi fel anga inlang mai mai nin ni; khannisian, Pathianin nin lung sûng an hriata. Mihriamhai irngaisâng hi Pathian mit hmu’n intirom a ni.

JOHANA 21:17

A voithumna khan a kuang, “Simon, Johana nâipa, nangin lung ni ni thung mo?” a tia. Jisua’n a voithumna’n, “Nangin lung ni ni thung mo?” a ti pe nôk sikin, Petera irngai a siat tâka. “Rengpa itinrêng nin hriat, lung nang ki thung ti nin hriat,” a tia. Jisua’n a kuang, “Ki belrahai infa roh.

JOHANA 4:16

Jisua’n, “Ni pasal va koiin lân, hong kîr nôk ro,” a tia.

TÎRTÔNHAI SINTHO 1:24

Kha hnung chu an chongchaia, “Rengpa, nang mihriam murdi lungrîl inhretu, hihai hi a tu khôk hi mo ni inthang nin hriattir roh.

ROM KHUAA MIHAI KUANGA TÎRTÔN PAULA LEKHATHON 14:12

Khanchu, ei rêngin Pathian makunga mâni thurchi insîr seng hrang ei ni.

ROM KHUAA MIHAI KUANGA TÎRTÔN PAULA LEKHATHON 8:27

Mi milung enfiatu Pathianin chu, Irtha insîr tum chu imo a nih ti an hriat; Irtha’n chu Pathian nuamlam ang takin a ni chongchai pea.

2 KORINTH 5:10

Mi tinin taksaa sinthohai, a sia mo, a sa mo, ei itho ang taka ei hmu theina hrangin Krista roirêlna toihmun makunga khan inlangin ei iom zit hrang a ni.

GALATIA 6:5

Mi tinin mâni hrang puak ei nei seng.

DÂN INHNINA 13:11

Khanchu, Israel mi murdi’n inhria an ta, chi an ta; nin laia khaanga thilsual kha tho nôk ta ngai no chin ni.

DÂN INHNINA 17:13

Mi tinin inhriat an ta, chi an ta, thil tho papai ta no nihai.

DÂN INHNINA 19:20

Khaang tho saloihai khan an inhriatin chi an ta, khaang thil saloi kha nin laia tukhomin an itho loi hrang a ni.

DÂN INHNINA 21:21

Kho sûnga mi murdi khan lungin an idêng that hrang a ni; khaang thil saloi kha nin lai ata nin inboipai zit hrang a ni. Israel mi murdi’n inhria an ta, chi an ti.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.

1 PETERA toc2 1 PETERA 1:17

Theibîk nei loia mi tin an sintho ang taka ngaitua petu kha “Pa” tia nin koiin chu, hi rammuala nin om sûng hin ama chi pumin om roi.

THUPHUANG 2:11

“Irtha’n koiindanghai kuang thu a insîr hi mikuar nei murdi’n chu irngai roi! An hnêtu ka chu thina inhnina khan ite nangni lo no ni, a ti,” tiin.

THUPHUANG 2:7

“Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 20:12

Khanchu, mithihai, a lian a chînin, rêngtoihmun makunga ngîr ki hmua. Lekhabuhai an phara, lekhabu dang hringna lekhabu khom kha ar phar saa. Khanchu, mithihai kha an sintho seng lekhabua chuang ang takin roirêl pêkin an om ta.

THUPHUANG 20:13

Khanchu, tuikhanglian khan a sûnga mithi omhai kha an suaktira, thina le mithi khua khan an sûnga mithi omhai an insua saa, an rêngin an sintho ang sengin roirêl pêkin an om tâka.

THUPHUANG 22:12

Jisua’n, “Irngai roh! Ki izuang zôi zel hrang tâk kêng! mi tin an sintho ang senga pêk hrangin ki lômman ki kuang a om.

THUPHUANG 6:8

Ki hong ena, sakor dâng ki hmua. A chunga chuangtu irhming kha Thina a nia, mithi khua’na zui sa. Khandai hai, châm hai, hri hai, ram sahrâng hai hmanga that hrangin irnêng hi hmun minlia sena hmunkhat chunga irchamneina an pêka.

1 SAMUELA 16:7

Khannisianlân Rengpa khan Samuela kuang, “A hmêl satna mani, a dung sei dân mani, en no ro. Ama hi chu ki inuam loi a ni. Keima’n chu mihriam en dân angin ki ien loi a ni. Mihriamin chu pên tianga inlang an en ngaia. Rengpa’n chu lungrîl a ien ngai a ni,” a tia.