THUPHUANG 2:18 - PATHIAN LEKHABU IRTHIANG C.L. Bible (BSI)

¹⁸ Thuatira Koiindanga vântîrtôn kuang hiang hin irziak roh: “Hi thu hi Pathian Nâipa, a mit meichok anga om, a kezaphahai dâr irtêk anga om khan a insîr a ni.

THUPHUANG 2:18 ပူးပေါင်းရင်းမြစ်များ

INPÂKNA HLAHAI 2:7

Reng khan, “Rengpa thuphuang chu hril ki ti,” a tia. Ama khan ki kuang, “Nang chu ki nâipa ni ni; A vuan hin nang ki inei tâk a ni.

DANIELA 10:6

a taksa khom Berul lung anga om a nia, a hmêl chu kôlirtêk anga om, a mit khom meiser anga, a bân le a kehai chu dâr irtêk anga, a chong irhâi khom mipui irhâi ang a ni.

MATHAIA 17:5

A la chonglai takin, sûm vâr takin anni chu a’rhlîkhuhaia, sûm ata hnuk irhaiin, “Hi hi ki Nâipa, lungthungtak, ki ilôm tak tak chu a ni; ama thu irngai roi,” a tia.

MATHAIA 27:54

Sipai sâp le a kuanga sipai om Jisua thîrhai khan hnîngnupui inhnîng le thil omzia kha an hmu’n chu, “Hi mi hi Pathian Nâipa a ni lele hi te!” an tia.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

LUKA 1:35

Vântîrtôn khan a sâma, “Irtha Irthiang kha ni chunga zuang om a ta, Anchungtaka sinthotheina khan nang irhli khu a ti; khasikin nâi zuang suak hrang chu mi irthiang, Pathian Nâipa tih an ti.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

JOHANA 1:49

Nathanaela’n, “Rabbi, Pathian Nâipa ni ni. Israelhai rêng inlaltak ni ni kêng,” tiin a sâma.

JOHANA 10:36

Keima len vâng chu Pa’n a nin thanga, rammuala a ni izuang tîr a ni. Itin mo Pathian Nâipa ki ni, ki ti sika hin Pathian ni hril insiat, nin ni iti?

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

JOHANA 3:18

Tukhom Pathian Nâipa iam ka chu atûn ata thiamloiin om mahaia, tukhom Nâipa iamloi chu atûn ata thiamloiin an iom tâk a ni. Pathian Nâipa khât kha an iam no sikin.

JOHANA 5:25

Thudik nangni ki hril, a zoro tung a ti, atûn khom a tung thiai ta; kha tika chu mithihaiin Pathian Nâipa hnukirhai inhriat an ta, an hriathai kha hring an ti.

TÎRTÔNHAI SINTHO 16:14

Khahai laia mi ar hming Ludi Thuatira kho mi puan senduk zuar ngai, Pathian chi mi nupang inkhatin kin chong an hriata, khanchu, Paula thu’nsîr kha zôm hrangin Rengpa’n a lungrîl an vâr pea.

TÎRTÔNHAI SINTHO 8:36

Khaanga lampuia an fe lai khan tui omna an tunga, thainuzel khan, “En ta, hi hin tui a om, baptisma ki ichang hrang hi, imo ni khâl?” a tia.

ROM KHUAA MIHAI KUANGA TÎRTÔN PAULA LEKHATHON 1:4

a irthiangna irtha tianga chu sinthotheina’n Pathian Nâipa a nizia an langtira;

ROM KHUAA MIHAI KUANGA TÎRTÔN PAULA LEKHATHON 8:32

Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

THUPHUANG 1:11

“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 2:1

Efesi koiindanga vântîrtôn kuang hi ang hin irziak roh: “Hi thu hi a kut chang tianga ârsi sari chôia, rângachak meiser siana sarihai laia ar lôi maitu khan hi thu hi a insîr a ni.

THUPHUANG 2:24

“Khannisianlân, nangni Thuatira kho mi, hi irchutirna saloi pom loia, ‘Setana thu irthup inthûk’ an iti irchu kakai chunga chu puakrik dang ite nangni bôk pe no ning ki iti a ni.