THUPHUANG 2:17 - PATHIAN LEKHABU IRTHIANG C.L. Bible (BSI)

¹⁷ “Irtha’n koiindanghai kuang thu a insîr hi mikuar nei murdi’n irngai roi! An hnêtu ka chu mana irthup kha pe ki ta, lung ngoi a chunga irhming thar irziak, a dongtu ti no’n chu tûte’n an inhriat ngai loi kha pe sa ki ti, a ti,” tiin.

THUPHUANG 2:17 ပူးပေါင်းရင်းမြစ်များ

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

INPÂKNA HLAHAI 36:8

Anni chu ni insûng thil sa’n inkhophai a ta; Ni lômna vadunga om kha in intir sahai ni ti.

FESUAKNA 16:33

Khaangin Mosia’n Arona kuanga, “Bêl va la’nlân, Omer inkhat Mana hi thun ro, nin irchihai dênin vong mai hrangin Rengpa makunga se ro,” a tia.

THUVÂRHAI 14:10

Ni lômna chu ni ta a nia, ni ngaisiatna khom ni ta a ni. Tûte’n nang irkoppui thei no ni.

THUVÂRHAI 3:32

Rengpa khan sual sin mihai kha a hnôl ngaia, mi felhai chu rual angin a bêhai ngai.

ISAIA 56:4

Thainuzel kuang Rengpa’n hiang hin a ti: Sabat sera, ki nuam thoa, ki thuthung chel indettu chu;

ISAIA 56:5

Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

ISAIA 62:2

Nam tinrêngin nin dikzia chu hmu’nfel an ta, Rengpa iphua irhming thar irput ni ti.

ISAIA 65:13

Rengpa Pathianin hiang hin a ti: “Ki siahlohaiin fâk hrang nei an ta, nangni chu nin phîngchâm a ti. Ki siahlohaiin in hrang nei intam an ta, nangni’n nin tuiinhrâl a ti.

ISAIA 65:15

Ki inthang ki mihriamhaiin nin irhminghai kha khosâlna’n hmang an ta, Rengpa Pathianin nangni thatpai a ti, ki siahlohai chu irhming thar phuahai ki ta.

MATHAIA 13:11

Jisua’n an kuang, “Irvân Ram thurîl inhriat theina nin kuang pêk a ni a, mi danghai kuang chu pêk ni ma,

MARKA 7:16

Tukhom inhriatna hranga mikuar nei murdi’n chu irngai ri sehai,” a tia.

JOHANA 4:32

Ama khan, “Nin inhriatloi bu nêk hrang ki nei,” a tia.

1 KORINTH 2:14

Tukhom Irtha nei loiin chu Pathian Irtha ata thil pêkhai kha dong thei ma. Kha mi khan chu kha thilhai kha inhre thei mah; ama ta hrangin chu invêtna kai a ni, a hlutzia kha irtha vaia inhre thei a ni sikin.

KOLOSA 3:3

Nin thi tâka, nin hringna kha Krista kuang Pathianin a vong insa a ni.

THUPHUANG 14:3

Rengtoihmun le thilhring minlihai le upahai makunga khan mi nuaikhat sîngminli le sângminli kha an ngîra, hla thar, anni vai irchu thei kha, an saka. Rammuala mi murdi laia kha mihai vai kha inhlan an ni.

THUPHUANG 19:16

A puan le a malpuia khan, “Renghai Reng le Hruaituhai Hruaitu,” tia irhming irziak a om.

THUPHUANG 2:11

“Irtha’n koiindanghai kuang thu a insîr hi mikuar nei murdi’n chu irngai roi! An hnêtu ka chu thina inhnina khan ite nangni lo no ni, a ti,” tiin.

THUPHUANG 2:7

“Irtha’n koiindanghai kuanga thu a insîr hi mikuar nei murdi’n chu irngai roi! An hnêtu ka chu Pathian Irhuana hringna thing ra infatir ki ti,” tiin.

THUPHUANG 3:22

Irtha’n koiindanghai kuang thu a insîr hi mikuar nei murdi’n chu irngai roi, a ti” tiin.

THUPHUANG 3:6

“Irtha’n koiindanghai kuang thu a insîr hi mikuar nin neiin chu irngai roi, a ti,” tiin.