THUPHUANG 19:7 - PATHIAN LEKHABU IRTHIANG C.L. Bible (BSI)

⁷ Râifân le lôm takin a roiinpuina chôiindôm ei ti! Belrate dôngma nei zoro a ni ta, a moi khom ar siam zoi ta.

THUPHUANG 19:7 ပူးပေါင်းရင်းမြစ်များ

INPÂKNA HLAHAI 107:42

Mi diktakhai khan kha kha hmu an ta, lôm an ti; pualoina murdi khan a bâi hîp a ti.

INPÂKNA HLAHAI 48:11

Ni roirêlna sikin Juda nâinuhai chu raifân takin om ri sehai.

INPÂKNA HLAHAI 9:14

Nangma inpâkna murdi chu kin hriattir theina hrangin; Zion nâinu mikothaia chu, Ni ni saninhringna hin râiinfân ki ti.

THUVÂRHAI 29:2

Hruaitu fel an omin chu mihai an lôm ngaia, hruaitu sia omna rêk chu mihai chap inrungin an om ngai.

HLAHAI HLA 3:11

O, nangni Zion nâinuhai, hong unglân, Rêng Solomona hi hong en roi, ama chu dôngma a nei nî, a lôm nia le a raifân nia, a nu’n rênglukhum a inkhumtir kha a khuma.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

ISAIA 62:5

Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

ISAIA 66:10

Jerusalem tuangpuituhaio, lômpui unglân, hi khopui indittuhaio, lôm ving roi.

ISAIA 66:14

Ama kha nin hmu tena chu lômin hong har thei nin ta, ilhling incher thar angin irnoi nutin om nin ti. Kei Rengpa hin ki siahlohai ki changpuihai ngaia, ki râlhai chunga ki ning an mur ngai ti inhre ta nin ti.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

MATHAIA 1:20

Khannisianlân, kha thu kha ar ngaitua laiin, irngai ta, ar manga Rengpa itîr vântîrtôn a hmua, “Josefa, Davida nâipa, ni dôngma hual Mari kha a nei chitinrîm no ro, a nâi vong chu Irtha Irthiang ata kêng, a tia.

MATHAIA 22:2

“Irvân Ram chu rêng inkhat a nâipa ta hranga irneina hruaithe leh khan irkhek thei a ni.

LUKA 12:36

Siahlo, an pu irnei hruaithe ata zuang hrang lei nghâk chianhai angin. A zuanga mikot a hong intôk le, inhong zôi hrangin.

JOHANA 3:29

Moi pasal chu moineitu kha a ni, moi neitu rual, a thu hong uksak maitu khan moineitu irhai an hriatin a lôm ngai, khaang khan kei khom ki lôm ar kip tâk a ni.

2 KORINTH 11:2

Pathian hnarsâna angin kêng nang ki hnarsa; dôngmate irthiang ang nin nia, pasal ruathar inkhat, Krista ngei kha, nangni innei hranga ki lei inkung pehai nin ni.

EFESI 5:23

Krista chu ama takpum Koiindang saninhringtu a nia, Koiindang lu a ini angin pasal chu dôngma lu a ni.

EFESI 5:32

Hi hi thurîl inthûk tak a ni, keima’n chu Krista le Koiindang thu a insîrna niin kin hriat.

DÂN INHNINA 32:43

Namhaio, Rengpa mihai hi inpâk roi, anni thattuhai kha hrem thiai a ta, a râlhai chunga phubâ la a ta, a mihai sual a ngaidam ngai.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 19:9

Vântîrtôn khan ki kuang, “Belrate irneina hruaithea fialhai chu an vân a sa,” ti irziak roh, a tia. Ama dênin ki kuang, “Hihai hi Pathian thu dikhai a ni,” a ti saa.

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.

THUPHUANG 21:9

Khan, berbu sari hremna hnungkhôn tak sari chôitu, vântîrtôn sarihai laia inkhat kha ki kuang a honga, “Hongin lân, Moi, Belrate dôngma hrang nang irhmutir ki ti,” a ni tia.

1 SAMUELA 2:1

Hani kha a chongchaia, “Rengpa chunga ki lungrîl a lôm tak taka, ki hrâtna chu Rengpa chôiirsângin a om ta, ki râlhai chu ki bâiin a phenênga, Pathian saninhringna khan ki lôm tak tak a ni ta.