THUPHUANG 19:6 - PATHIAN LEKHABU IRTHIANG C.L. Bible (BSI)

⁶ Khanchu, mipui tamtak hnukirhai angin le tuitâk irhai angin le khonripui irhai angin, “Haleluia, Rengpa ei Pathian Itinrêngthothei khan roi a rêl ta!

THUPHUANG 19:6 ပူးပေါင်းရင်းမြစ်များ

JOBA 40:9

Pathian anga hrât mo ni ni? Ama hê anga mi izôm thei inring hê mo ni neia?

INPÂKNA HLAHAI 47:2

Rengpa Anchungtak chu ichi a oma; Irnêng chung murdia Reng roiinpui tak a ni.

INPÂKNA HLAHAI 47:7

Pathian chu rammual murdi Reng a nia: Inhre thiama inpâkin zâi roi.

INPÂKNA HLAHAI 77:18

Ni khonri irhâi chu kêllaiherin a oma; Kôlirtêkhai khan rammual hi a êl dop dopa: Irnêng hi inthingin an hnîng dût dût a ni.

INPÂKNA HLAHAI 93:1

RENG chu rênga a toia, a roiinpuina’n ar bela; Rengpa chu ar bela, hrâtna’n a konga ar khit tâka: Rammual khom hi, an hnîng thei loina hrangin, indetin a oma.

INPÂKNA HLAHAI 97:1

Rengpa chu rênga a toia; irnêng hi raifân takin om sianlân; Chômbung tamtak takhai chu lôm takin om ri sehai.

INPÂKNA HLAHAI 97:12

Mi felhaio, Rengpaa lôm takin om unglân; A’rhming irthiang chu inpâk roi.

INPÂKNA HLAHAI 99:1

Rengpa chu rênga a toia; mi tin chu inthing ri sehai: Ama chu cherubhai chunga a toia; irnêng hi inhnîng ri se.

ISAIA 52:7

Zion kuang, “Ni Pathianin roi a rêl ta,” a tia. Suaka zôkna thu lômom hmun tina inpuanga, irngeina Thurchi Sa intungtuhai ke chu en a hoi vang na!

JEREMIA 51:48

Hmâr tianga irthokin mi a se hranga honghai kuta Babulon ram a dok tena chu, irnêng le irvâna thil tinrêng raifânin pâi an ti.

EZEKIELA 1:24

Khan, an vuangin chu an mitha irhâi kha tuipui irhâi anga inring, sipai pâl irhâi anga om mur mur le Itinrêngthotheia irhâi anga om kin hriata, an ngîrin chu an mitha kha an thepin an irtumtir nôka,

EZEKIELA 43:2

khan, irngai ro, nisua tianga irthokin Israel Pathian roiinpuina chu a hong tung ta, khan arhâi khom tui tamtak ang a ni. Khanchu a roiinpuina khan hnuai kha an vârtira.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

THUPHUANG 1:15

a kezaphahai chu dâr irtêk, meipuia hâl irthiang tâk angin a oma, a hnuk irhai chu tuitâk irhai angin a ni.

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 12:10

Kha hnung chu, irvâna hnukirhai inring takin, “Atûn chu ei Pathian saninhringna le a Reng ninaa a sinthotheina le a Krista irchamneina hai kha a zuang tung ta! Ei Pathian makunga ngîrin, a sûn a zâna ei urênghai hnôl ngaitu kha irvân ata an paithâk tâk sikin.

THUPHUANG 14:2

Irvâna irthokin hnukirhai, tuitâk irhai le a sâna khonri inring angin kin hriat; Serânda âthaiin an Serânda an i-ât irhai angin kin hriat.

THUPHUANG 19:1

Kha zoiin chu irvâna mipui tamtakhai khêk irhai inring tak angin, “Haleluia! Saninhringna, roiinpuina, sinthotheina hai ei Pathian ta a ni!

THUPHUANG 19:4

Khanchu, upa sômhni minlihai le thilhring minlihai khan inbokin, “Amen! Haleluia,” tiin Pathian, rêngtoihmuna toitu kha chubai an mûka.

THUPHUANG 21:22

Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.

THUPHUANG 4:5

Rengtoihmuna irthokin kôlirtêk, hnukirhai, khonri hai an hong suak dur dura. Rengtoihmun matona khan meiser sari a choka, khahai kha Pathian Irtha sarihai kha an ni.

THUPHUANG 6:1

Belrate khan irsinsiana sari laia inkhatna kha an hong lai ki hmua, thilhring minlihai laia inkhat khan hnukirhai khonri ang dôra inringin, “Hong roh!” a iti kin hriata.

THUPHUANG 8:5

Khan, vântîrtôn khan mirimhoi hâlna kok kha a lâka, maichâma meiin an sipa, irnênga a paithâka, khanchu, hnukirhai, khonri hai, kôlirtêk hai, hnîngnu hai a hong om zôi ta.