THUPHUANG 18:8 - PATHIAN LEKHABU IRTHIANG C.L. Bible (BSI)

⁸ Khasika khan, sûn khat sûngin hremnahai, natnathai, beidongna hai, le châm hai hong tung zit a ti. Meiin hâlirhmang ni a ti, a roirêltu Rengpa Pathian kha a hrât sikin,” a tia.

THUPHUANG 18:8 ပူးပေါင်းရင်းမြစ်များ

JOBA 9:19

Hrâtna ringot hin chu ama phâk om mahai! ir-otpui inlân tu’n mo doi ngam hrang?

INPÂKNA HLAHAI 62:11

Pathianin voikhat a hrila; E he! hi voihni kin hriat ta; Sinthotheina hi Pathian ta a nih ti hi:

ISAIA 27:1

Kha ni tena chu, Rengpa’n a khandai lianpa, ngaih tak chu Leviathan, tuia rûlpui intân Dragon irchok soisakna hrangin irlek a ta, that a ti.

ISAIA 9:14

Khasikin kêng Israelhai lu le irmei chu sûn khat sûngin Rengpa’n a itanpai pehai a ni. An tûm ôn le hnâhai khom a lâkpai pehai,

JEREMIA 50:31

“Babulon ram, nang chu irpâkna sip ni nia, khasika khan keima Rengpa Itinrêngthothei, Pathianin nang ki idoi a ni. Dûk nang tho zoro a hong itung a ni ta.

JEREMIA 50:34

Anni inzôktir hrang chu mi hrât a nia, ar hming chu Rengpa Itinrêngthothei a ni. Anni chu thophai mai a ta, irnênga irngeina inlêng a ta, Babulon ram mihai chunga rêk chu buaina intungtir a ti,” a tia.

JEREMIA 51:58

Babulon kulbang irsa tak chu irnênga ipai ni a ta, a dâi mikot irsânghai chu hâlirvôm ni a ti. Namhai sintho chu a korong a nia, an sinsôlnahai chu meichok a ichang hrang a ni. Keima Rengpa Itinrêngthotheiin ki iti a ni,” a tia.

JEREMIA 51:6

Babulon ram ata rot ta roi! Nin hringna inzôk hrangin intân ta roi! Babulon ram sualna sikin thatin om no roi. Ki phuba ki lâkin ar hoi lam takin dûk tho ki ti.

JOELA 2:11

Khan, Rengpa khan a sipai rualhai makunga ar hâi an suaa; a riakbukhai kha a sân a roiinpuia; a thu zômtuhai chu sinthothei tak an ni; Rengpa nikhua kha a roiinpuiin ar khêl tak taka; tu’n mo tuang thei hrang?

1 KORINTH 10:22

Rengpa chu ning ei inmurtir hrang ma ni? Ama nêkin ei ihrât ma ni?

THUPHUANG 11:17

“Rengpa Pathian Itinrêngthothei, A om mai le A om tâka! Ni sinthotheina roiinpuitak kha lâkin roi ni rêl tâk sikin ni kuang lômthu kin sir!

THUPHUANG 17:16

Irki sôm le sahrâng ni ihmu khan notizuarnu kha hnôl an ti. Thil a inei murdi lapai pe zit an ta, bomboiin marak an ti. A hme khom fa an ta, meiin hâlirvôm an ti.

THUPHUANG 17:18

Khan, “Nupangnu ni ihmu kha kho roiinpui, irnênga rênghai chunga roirêltu kha a ni,” a tia.

THUPHUANG 18:17

Dârkâr khat sûngin te kha a irchongna murdi kha a irhmang zit tâk hi,” ti an ti. Irkuang hruaituhai le a chuanghai le a chalaituhai le tuia irhlo ngai murdihai khom khan hlataka ngîrin,

THUPHUANG 18:19

An lua bâli an phula, beidongin an châa, “Kho roiinpui ar chongna sika tuikhanglian irkuang neihai khom lei irchong sa thei! A chung a rik! A chung a rik! Dârkâr khat sûngin te ar hmang zit lam tâk hi,” tiin an khêka.

THUPHUANG 19:3

Khan, an khêk nôka, “Haleluia! Kho kângna meikhu kha kumtuangin chung tiang intor mai a ti,” an tia.