THUPHUANG 18:21 - PATHIAN LEKHABU IRTHIANG C.L. Bible (BSI)

²¹ Khanchu, vântîrtôn hrât tak hin bu nôina lung lianpa ang dôr lung a lâka, tuikhangliana an zuana, “Babulon kho roiinpui chu kha dôra na khan inzuan ni a ta, tûte’n hmu nôk ta no nihai.

THUPHUANG 18:21 ပူးပေါင်းရင်းမြစ်များ

NEHEMIA 9:11

Khan an matona tuikhanglian chu ni’rsentira, khanchu tuikhanglian kha tui kangin an fe thei tâka; khan a hong irzûltuhai chu, tui inthûk taka lung ei inthâk angin ni pai lûthaia.

JOBA 20:8

Irmang angin hek a ta, hmu thei ta no nihai, zân inlârna angin boi nôk zel a ti.

INPÂKNA HLAHAI 37:36

Khannisianlân ki va fe nôkin chu, irngai ta, ama chu lei om ta maka, a ni, ki zonga, khannisianlân, hmuthei ni ta mah.

FESUAKNA 15:5

Tui inthûk takin a ngîmhai tâka, an thûkna taka khan lung angin an tâk zoi ta.

EZEKIELA 26:21

Nang chu inentirna ichiom takin nang siam ki ta, kha kha ni hekna chu ni ta a ti. Mihaiin nang zong an ta, khannisian nang hmu ta ngai no nihai,” Rengpa Pathianin a tia.

DANIELA 11:19

Khanchu an rama kul omna tiang irhei a ta, khannisian kal khatin irlet a ta, hmu thei ni ta no ni.

THUPHUANG 10:1

Khan, vântîrtôn hrât tak dang irvân ata zuang chum ki hmua. Sûmin ar tuama, a lua sumrisâng ar zâma, a hmâi kha misa angin a oma, a kehai kha mei chopui angin a om.

THUPHUANG 12:8

khannisianlân, dragon kha inhnêpaiin a om tâka, ama le a tirtônhai kha irvâna om hrangin phal ni ta mahaia.

THUPHUANG 16:20

Chômbung murdi a boia, tânghai khom ar hmang zit ta.

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.

THUPHUANG 18:22

Serânda irhai, mihriam hla sak irhai, theihle irhai le bekul irhai, ni sûnga inhre nôk ni viat ta no ni! Sin zongna lam rêng rênga sin thiam mi ni sûnga om nôk viat ta no nia, bunôina irhai khom ni sûnga inhre nôk ni ta no ni!

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.

THUPHUANG 5:2

Vântîrtôn hrâttak, hnukirhai inring takin, “Tu’n mo hi irsinsiana hi inhonga, lekhabu irzuat hi a phar thei hrang tâk?” tia tânginsam ki hmu sa.