THUPHUANG 17:4 - PATHIAN LEKHABU IRTHIANG C.L. Bible (BSI)

⁴ Nupangnu kha puan senduk le seninlârin a’rvoa, rângachak irthei hai, lung mantam hai, sailungvârhaiin a’rvoa. A kutin intirom le a hurna porinchena sip rângachak khilât a chôia.

THUPHUANG 17:4 ပူးပေါင်းရင်းမြစ်များ

1 RÊNGHAI 14:24

Khahai nêka la sual ual chu an millim siam laia nupang le pasal enhoi loitaka an om laihai siamin an oma, Israel nâihai Kanaan rama an hong lûta an inhriat suakhai nam an omdân saloi murdi chu Judahai hin an irchu tâk a ni.

2 RÊNGHAI 21:2

A mipuihai laia, Rengpa inhnotsuakhai nam tho dân intiromtak takhai khom Manasea’n a thoa, Rengpa mithmua thil saloi a thoa.

EZRA 9:11

ni siahlo deipuhai hmanga, nin fena hrang, nin ram lua hrang rama mi omhai, porchena sikin a porche tâka, hmun tin kil tin intir a iom zoi a ni ta.

ISAIA 66:3

Khannisian, hi mihai ta hrang hin chu sehrât thata inhlan mani, mihriam thata irbôl mani danglam ual mah. Belra inhlan mani, ui thata inhlan mani baidi irhlan mani, vok thisen inhlan mani, mirimhoi an hâl khoma, millim an biak khomin, anni hrangin danglam ual ma. An nuam lam takin sin an zonga thil intirom biak an nuam ngaia.

JEREMIA 51:7

Babulon ram chu ki kuta rângachak khilât ang a nia, rammual pumpui ki in intir hrang a ni. Nam tinin uain an ina, an invêt zoi ta.

CHAP HLA 1:9

A porinchena a silkaia kopin, thup thei ta loiin a om. A zoro hek hrang ngaitua ta loiin a oma, a siatna irkhêl hrai sikin, Irtharngam pêktu tûte nei ta loiin; En ro, Rengpa kin ngîrhmun siat lam hi, râlhai an ihrât a ni ta,

EZEKIELA 20:30

Khasikin, Israel insûngkuahai hril ro, Rengpa pathian khan hiang hin a ti: Nin pahai hnung zuiin porinchein nin oma, an millim biak intirom takhai tiang nin zui zêla.

EZEKIELA 24:11

Atûn chu sumsen bêlrong kha meichok chunga khan inchuan unglân, inhong rakin om ri se. Kha bêla êk imanhai kha a kâng zoi tena chu dân angin irthiang nôk ta a ti.

EZEKIELA 24:13

O Jerusalem ni sintho porinchehai khan irthiang loia nang a isia a ni hi. Nang irthiangtir ki lei tum nâka chu, irthiang loiin ni la om maia. Khasikin, ki ningmurna hi ni tuang mâka chu irthiangin om nôk ta no chi ni.

EZEKIELA 28:13

Pathian irhuan Eden-a khan ni lei oma, lunghlu chi tinrênghai leh ni’rvoa; rubi, topaz, barli, karnelian, jasper, safir, emeral, garnet le lunghlu danghai leh khan. Rângachak tukrivohai khom ni neia, khaanga siama ni om nî khan, nangma ta hranga siamin an iom a ni.

EZEKIELA 36:25

Tui kathâr nangni inthikkhum ki ta, nin millim murdihai ata le nangni a porinchetirtu thil tinrênghai ata kha nangni thâr irthiang ki ti.

DANIELA 11:38

Khannisian khahai nêkin kulhai pathian chu chôiindôm a ta, pathian, a pahai inhriat ngailoi khan, rângachak le sumru le, lunghluhai le thil indit omhai le chôiindôm a ti.

HOSEA 9:10

Israel kha ramchâra grep ra ang maiin ki hmua. Nin pahai kha theipui, zoro masaa a ihmin masa angin ki hmu; khannisian anni kha peor tânga Baal chu an pana, thil inzakom taka khan an irpumpêk tâka, an irngaiinhlu tak millimhai ang dên khan an iporinche a ni.

DÂN INHNINA 29:17

thing tum hai, lung tum hai, tangkarua le rângachaka siam millim intiromtak takhai an biaka,

THUPHUANG 14:8

Vântîrtôn inhnina khan vântîrtôn inkhatna kha a hong zuia, “Babulon kho roiinpui, a hurna uain hrât nam tin in-intir ngainu kha an rîl ta! an rîl ta!” a tia.

THUPHUANG 18:12

A nei sunhai chu rângachak hai, sum hai, lunghlu mantam hai, sailungvâr hai, puan irnêm hai, puan senlâr le senduk hai, sotor hai, puan seninlâr hai, thing mirimhoi zât tinrêng hai, sâihaa siam thil tinrêng hai thing hlutak le dâr, thîr, sailungvâra siam thil tinrêng hai;

THUPHUANG 18:16

“Kho roiinpui, puan irnêm le a senduk le a seninlâr sila, rângachak le lunghlu mantam le sailungvâra irvô ngai a chung a rik! A chung a rik e!

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 21:21

Mikot sômhleihnihai kha sailungvâr sômhleihni an nia, mikot tin kha sailungvâr inkhat senga siam a ni. Kha khopui tual kha chu rângachak irthiang hlîmen eninhlenthalthei anga hi a ni.

THUPHUANG 9:21

An mi that hai, dôi hmang hai, an irdit porinche hai, an inrûkhai ata khom irlet ual mahai.