THUPHUANG 17:15 - PATHIAN LEKHABU IRTHIANG C.L. Bible (BSI)

¹⁵ Kha vântîrtôn ngîr khan ki kuang, Notizuarnu toina tui tamtak ni ihmu kha mihai, mipuihai, Jentail hai, le chong dang dang hai an ni.

THUPHUANG 17:15 ပူးပေါင်းရင်းမြစ်များ

INPÂKNA HLAHAI 18:4

Thina hruihrualhaiin a ni zêla, Pathian ngaisak loina tui lianhai khan a nin chitira.

INPÂKNA HLAHAI 65:7

Tuikhanglian inri dur dur, ar sôn inri dur durhai leh, Mipui irhel sup sup khom a’rngamtir ngaitu ni ni.

JEREMIA 47:2

“En roh hmâr tiang tui ar sôna, ivadung tuilian angin a hong iluang zut hrang a ni. Irnêng le a sûnga thil om murdi irkhu zit a ta; khopuihai le a sûnga mi a om murdi ngîmhai a ta; khopui le a sûnga mi omhai an rêngin. Lungzîngin mihai khêksoi an ta. Irnêng chunga mi tin inrung tatak an ti.

JEREMIA 51:13

Kha rama khan ivadung tamtak le sum le puan a inei ok a nia, a zoro a hekin, a hringna hrui chu insatin a om tâk.

JEREMIA 51:42

Tuipui chu Babulon chunga a hong luanga, a’rsok khan a hor khu zoi tâk.

JEREMIA 51:55

Babulon chu insiatchitin inthimvalin ki isia hrang a ni. Sipaihai chu tuiirsôn irkhêl tak angin hong lûtin khêk vungin an idoi a ni.

EZEKIELA 31:4

A’rsônna hrangin tui a tama, ama infâna hrangin tuirîlpût a tama, thing môngna hmun kha tui leh an inzotir maia. Khan rampui sûnga thing murdihai ta hrang khan tuidunghai a om saa.

THUPHUANG 10:11

Khan, ki kuang “Mi tamtakhai, nam tamtakhai; chong tamtakhai le rêng tamtakhai chungchâng thu ni la insîr nôk hrang kêng,” an tia.

THUPHUANG 11:9

Nam tina mihai, chi tina mihai, chong tina mihai le zât tina mihai khan an ruak kha sûn thum le chomân en an ta, phûm phal no ni.

THUPHUANG 17:1

Berbu sari chôi vântîrtôn sarihai laia inkhat kha a honga, a ni hong chongpuia. “Hong ta, tui tamtak chunga toi, notizuar irhming inthang tak chunga hremna om hrang kha nang irhmutir ki ti.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.