THUPHUANG 17:12 - PATHIAN LEKHABU IRTHIANG C.L. Bible (BSI)

¹² “Irki sôm ni ihmuhai kha rêng sôm a lan lal loihai an ni. Khannisianlân, sahrâng le rênghai angin dârkâr khat chu irchamneina ipêk la ni an ti.

THUPHUANG 17:12 ပူးပေါင်းရင်းမြစ်များ

DANIELA 7:20

a lua irki sômkhat le irki dang hong suak, a matona inthum irtethai chungchâng le, kha irki mit nei thil tamtak hriltu, bâi neia an langdân khom a rual danghai nêka roiinpui ualhai leh khan.

DANIELA 7:24

Khan irki sômhai thu chu, hi ram ata hi rêng sômkhat la hong suak an ta; an hnunga inkhat hong suak a ta, matonahai nêkin danglam a ta, rêng inthumhai chu inhnêhai a ti.

THUPHUANG 10:11

Khan, ki kuang “Mi tamtakhai, nam tamtakhai; chong tamtakhai le rêng tamtakhai chungchâng thu ni la insîr nôk hrang kêng,” an tia.

THUPHUANG 12:3

Thilirkhêl dang irvâna an lang nôka. Dragon sen lianpa, lu sari le irki sôm nei, rênglukhum sari khum chit hi a oma.

THUPHUANG 13:1

Khan, sahrâng irki sôm le lu sari nei, tuikhanglian ata hong suak ki hmu. A’rkihaia khan rênglukhum a om senga, a luhaia khan Pathian hrilsiatna irhminghai a om sa.

THUPHUANG 17:16

Irki sôm le sahrâng ni ihmu khan notizuarnu kha hnôl an ti. Thil a inei murdi lapai pe zit an ta, bomboiin marak an ti. A hme khom fa an ta, meiin hâlirvôm an ti.

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.

THUPHUANG 18:17

Dârkâr khat sûngin te kha a irchongna murdi kha a irhmang zit tâk hi,” ti an ti. Irkuang hruaituhai le a chuanghai le a chalaituhai le tuia irhlo ngai murdihai khom khan hlataka ngîrin,

THUPHUANG 18:19

An lua bâli an phula, beidongin an châa, “Kho roiinpui ar chongna sika tuikhanglian irkuang neihai khom lei irchong sa thei! A chung a rik! A chung a rik! Dârkâr khat sûngin te ar hmang zit lam tâk hi,” tiin an khêka.