THUPHUANG 17:1 - PATHIAN LEKHABU IRTHIANG C.L. Bible (BSI)

¹ Berbu sari chôi vântîrtôn sarihai laia inkhat kha a honga, a ni hong chongpuia. “Hong ta, tui tamtak chunga toi, notizuar irhming inthang tak chunga hremna om hrang kha nang irhmutir ki ti.

THUPHUANG 17:1 ပူးပေါင်းရင်းမြစ်များ

ISAIA 1:21

I thoa khopui iamom tak chu Notizuar angin teh a om tâka? Dik taka, roirêlna, mi dikhai omna chu, mi thathai omna teh a hong ni tâka!

ISAIA 57:3

Nangni, dôi hmanghaio, hong inrang ta hi roi, uire nâi le mi hur irchi nin nia.

JEREMIA 2:20

Rengpa Pathianin a ti, “Tiana khan Israel, ki thuneina ni hnôla, ki thu zôma chubai ni mûk hrang khom nuam mak chea; Tâng irsâng chunga hai, thingkung dâihlîm hnuaia chîmu insatir ngai pathian ni chongpuia.

JEREMIA 51:13

Kha rama khan ivadung tamtak le sum le puan a inei ok a nia, a zoro a hekin, a hringna hrui chu insatin a om tâk.

EZEKIELA 31:4

A’rsônna hrangin tui a tama, ama infâna hrangin tuirîlpût a tama, thing môngna hmun kha tui leh an inzotir maia. Khan rampui sûnga thing murdihai ta hrang khan tuidunghai a om saa.

LUKA 24:32

Anni’n, “Lampuia a ni chongpui laia Pathian Lekha thuhai a ni hril lai khan, ei milung a hong vâr ual mo ni ma?” an irtia.

LUKA 9:30

Irningloiin mi inhni an zuanga, an chongpuia. Mosia le Elija an ni.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 15:1

Khanchu, irvâna thilirkhêl dang roiinpui tak le irkhêltak ki hmua. Vântîrtôn sariin hripui sari an chôia, kha kha dengintheina hnungkhôn takhai an ni; kha tena khan Pathian ningmurna a hek tâk sikin.

THUPHUANG 16:19

Kho roiinpui kha hmun thumin a hong koia, ram tina khopuihai a chim tâka. Babulon kho roiinpui kha Pathianin an hriat chiana, a ningmurna khilât kha an intir tâka.

THUPHUANG 18:1

Kha zoiin chu vântîrtôn dang irvân ata zuang chum ki hmua. Ama khan irchamneina lian tak a neia, a roiinpuina’n irnêng pumpui a êl invâra.

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 19:9

Vântîrtôn khan ki kuang, “Belrate irneina hruaithea fialhai chu an vân a sa,” ti irziak roh, a tia. Ama dênin ki kuang, “Hihai hi Pathian thu dikhai a ni,” a ti saa.

THUPHUANG 21:15

Khan, vântîrtôn ni chongpuitu khan khopui le a mikothai le kulpui irkhîna hrangin rângachak irkhîna khianghrol a chôia.

THUPHUANG 21:9

Khan, berbu sari hremna hnungkhôn tak sari chôitu, vântîrtôn sarihai laia inkhat kha ki kuang a honga, “Hongin lân, Moi, Belrate dôngma hrang nang irhmutir ki ti,” a ni tia.

THUPHUANG 4:1

Kha irzoiin chu inlârna dang ki hmua, ki hong ena, irvâna mikot irhong ki hmu. Khanchu, bekul irhai ang hnukirhai kin hriat masaa ni chongpuitu khan, “Hi hin hongin lân, inhnunga thil hong om hranghai nang inhmutir ki ti,” a tia.