THUPHUANG 16:8 - PATHIAN LEKHABU IRTHIANG C.L. Bible (BSI)

⁸ Vântîrtôn minlina khan a berbu kha misaa a bunpaia; misa lum khan mihriamhai em inlông hrangin phal a ni.

THUPHUANG 16:8 ပူးပေါင်းရင်းမြစ်များ

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

JONA 4:8

Khan, hi hi a nia, misa a hong suakin chu Pathianin nisua tianga phâivua lum a lei inkunga; khan, misa khan Jona lu kha a ema, a chinginrîla, a ta hrang khan thi a ngên tâka, “Keima hrang hin hring nêkin thi a sa ual,” a tia.

MATHAIA 13:6

Khannisianlân, misa a hong irsâng uala, a thêma, irzung a lâk thei no sikin a châra.

LUKA 21:25

“Khan, misa haia, tha haia, ârsi haia khin irsinsiana irkhêl tak tak hong om a ta; irnênga khom tuikhanglian irsôn le irhai an inhriatin nam tin thôna lam inhre loiin kamang an ta;

TÎRTÔNHAI SINTHO 2:20

Misa inthim a ta, tha thisen chang a ti; Rengpa nikhua roiinpui le poimo tak zuang tung mân.

THUPHUANG 14:18

Vântîrtôn dang, mei chunga ircham neitu, maichâma irthokin a hong suaka. Kôite ngaihtak chôitu kuang khan hnukirhai inring takin, “Ni kôite kha hmangin lân, irnênga grep ra khu zu ât roh, an hmin tâk sikin!” a tia.

THUPHUANG 6:12

Belrate’n irsinsiana ki rukna an hong lai kha ki ena, Hnîngnupui a hong inhnînga, misa kha samul puan vom angin a hong duka, tha khom thisen ang dôrin a hong sen tâka.

THUPHUANG 7:16

An phîngchâm ta no nia, an tui khom inhrâl ta no ni. Misa’n emhai ta no nia, a sâna lum rêng rêng tuang ta no nihai.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

THUPHUANG 9:2

Ârsi khan khurmongboi kha a inhonga, khur ata kha meikhu, meipui thi theiloi khu khak angin a hong suaka, kha meikhu sika khan misa le irvân hai a hong inthim ta.