Ram dang chubai nang mûk ngai loihai chunga khan le nang hnôltu mihai chunga khan ni ningmur chu insum roh. Ni mihai an thata, an ni insiat chita, kin ram khom an ni inramtir zoi tâk a ni.
Mi puan irnêm silpu kuanga khan thu a hrila, “Cherubhai hnuaia thîr sakor ke irhêlhai kongkâra khan fe’n lân, cherubhai kongkâra meihol chu ni kut kianghni’n insip sa ro; khan khopui chunga khan inthekindarh ro,” tiin. Khan, ki mit ngeia khan a va lût tâka.
Khasikin râllâk la hranga ki thoi ni dênin ni nghâk roi, ti hi Rengpa thu suak a ni. Ki thil tum kha an chunga ki ninginmurna ichiom tak kha insum hranga inlalna ramhai irbuktira namhai koi buk hi a nia; irnêng murdi hi ki khôkmâkna meia a la ikâng fâi zit hrang a ni.
Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.
Khan, vântîrtôn dang Pathian biak ina irthokin a hong suaka, sûm chunga toitu kuanga khan hnukirhai inring takin, “Ni kôite kha hmangin lân, bu kha ât roh; a ât zoro tâk kêng; irnêng buhai kha an hmin tâk sikin!” a tia.
Vântîrtôn dang, mei chunga ircham neitu, maichâma irthokin a hong suaka. Kôite ngaihtak chôitu kuang khan hnukirhai inring takin, “Ni kôite kha hmangin lân, irnênga grep ra khu zu ât roh, an hmin tâk sikin!” a tia.
Khanchu, irvâna thilirkhêl dang roiinpui tak le irkhêltak ki hmua. Vântîrtôn sariin hripui sari an chôia, kha kha dengintheina hnungkhôn takhai an ni; kha tena khan Pathian ningmurna a hek tâk sikin.