THUPHUANG 15:4 - PATHIAN LEKHABU IRTHIANG C.L. Bible (BSI)

⁴ Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

THUPHUANG 15:4 ပူးပေါင်းရင်းမြစ်များ

INPÂKNA HLAHAI 105:7

Ama chu Rengpa ei Pathian chu a ni: A roirêlhai chu irnêng chung murdia hin a om.

INPÂKNA HLAHAI 111:9

Ama khan a mihai kuang irtanna a zu tîra, A thuthung chu kumkhua hrangin an kunga; A’rhming chu a’rthiangin a roiinpui a ni.

INPÂKNA HLAHAI 22:23

Rengpa chituhaio, ama kha inpâk roi; Jakoba irchi murdihaio, ama kha chôiindôm roi; Israela irchi murdihaio, ama kha chi roi.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 22:3

Khannisianlân, o nang Israelhai inpâknaa om ngai, Nang chu ni irthiang a ni.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

INPÂKNA HLAHAI 89:7

Mi irthianghai chong irkhômnaa Pathian ichiom tak, A kôl vêla mi murdi nêka chi ual tak hrang chu, tu mo om hrang?

INPÂKNA HLAHAI 97:8

Zion tâng khan an hriata, lôm takin a oma, Juda nâinuhai chu raifân takin om an ta; O, Rengpa ni roirêlna sikin.

INPÂKNA HLAHAI 99:5

Rengpa ei Pathian chu chôiindôm unglân, A ke irnghatsan bula khan chubai mûk roi: Ama chu a irthiang a ni.

INPÂKNA HLAHAI 99:9

Rengpa ei Pathian chu chôiindôm unglân, A tâng irthianga khan chubai mûk roi; Rengpa ei Pathian kha a’rthianga.

ISAIA 24:15

Nisua tianga mihai khomin Rengpa chôiindôm an ta, Israelhai Pathian Rengpa irhming chu tuipui kôla omhai khomin inpâk an ti.

ISAIA 25:3

Khanchu nam hrâthaiin, nan pâk an ta, Nam sualhai omna khua tinin nang chi an ti.

ISAIA 26:9

Zân a hong ni’n, nang kin nang ual uala, a ni ki’rtha hin nang a irzuk a ni, irnêng chunga ni roirêl hrang hi, a sûnga omhaiin roirêlna dik inhre ta an ti.

ISAIA 45:23

Mâni irhming sâmin khomâk ki’rsâma, Ki chonginkung chu iamom tak a ni. Ki thu hril sai tâk chu irlêk ta ngai ma ung; Ki makunga mitin khûksadelin ki’rhming sâm an ti.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

ISAIA 60:5

Ni hmu tena chu râifân hmêl irput ni ta, râifân hraiin a omna lam inhre no chi ni. Nam tin sum le pâi chu tuipui chunga hong chôi an ti.

JEREMIA 10:7

Nam tinhai rêng chu tu’n mo nang chôiirsâng loi hrang? Chôiirsângna hmu inruk ni ni. Nam tina mi vârhai laia le rênghai laia khan nangma ang zel hi om mahai.

JEREMIA 16:19

Rengpa, nang chu ni sûnghualtu le hrâtna ni petu ni nia, buaina ki tong zoro khomin ni ni changpui ngaia. Namhai chu kôlkila irthokin ni kuang an honga, an iti chu, “Kin irchibulhaiin pathian dik ni loihai ti no chu a dang ite nei mahai, hmanghmunboi millim ti no chu ite nei mahai.

JEREMIA 5:22

Keima hi Rengpa chu ki ni, itho mo nin ni ichi loi? Ki makunga hin nin inthing loi hrang mo? Tuipui idîl phâk ten indangna hrangin chiaiphoi ki siama, a ikhêl thei loi hrang ramri det chu. Tuipui irsok khomsian, khêl thei no nia, tuiirsok khomin pha thei no ni.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

HABAKUKA 1:12

O Rengpa ki Pathian, ki mi Irthiang, kumtuang mi ni ini loi ma ni? Thi ngai mak che. O Rengpa, nangin anni kha roirêlna hrangin nin thang tâka, O Lungpui, nangin anni kha ni sep hrangin ni inkunghai an ni.

ZAKARIA 14:16

Khanchu Jerusalem hong doitu nam tinhai laia a la om sunhai chu a kum tinin Rengpa Pathian chu biak hrangin le, kairêng kût hmang hrangin fe mai ngai an ti.

ZAKARIA 2:11

Kha nikhuaa khan nam tamtakin Rengpa kha hong zom an ta, ki mihai ni an ti: khan, ni kuanga khan lêng ki ta, khanchu, sipaihai Rengpa khan ni kuang a ni itîr a nih ti nin hriat tâk nin ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

ROM KHUAA MIHAI KUANGA TÎRTÔN PAULA LEKHATHON 15:9

Jentailhai khomin a lungkhamna sika Pathian chôiindôm theina hrangin. Pathian Thu bu’n, “Khanchu Jentailhai laia nang inpâk ki ta, Ni’rhming inpâkin zâi ki ti,” ti irziak ang khan.

1 PETERA toc2 1 PETERA 1:16

Pathian Lekha Thu’n, “Keima ki’rthiang sikin, nangni khom nin irthiang hrang a ni,” a iti ang khan.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 14:7

Ama khan hnukirhai inring takin, “Mihriamhai roirêl zoro a hong tung tâk sikin Pathian chu chi unglân, chôiindôm roi! Irvân, irnêng tuikhanglian le tuihnâr hai siamtu kha chubai mûk roi!” a tia.

THUPHUANG 16:5

Vântîrtôn tuia irchamneitu khan, “Om mai le a om tâka, Nang mi Irthiang, roi ni rêl indik!

THUPHUANG 16:7

Maichâm ata kha, “A ni, Rengpa, Pathian itinrêngthothei, ni roirêlna kha a dikin a fel a ni,” irhai kin hriat sa.

THUPHUANG 19:2

A roirêlnahai khom a dikin a ifel a ni! Ama khan notizuar inthang, a uirena sika irnêng insiat ngainu le a suakhai thisen insua ngai kha thiamno inchangin Pathianin deng an theitir tâk sikin,” an iti kin hriat.

THUPHUANG 19:8

Puan irnêm, fâitak le irtêk tak a sil hrangin pêk a ni,” a iti kin hriat. (Puan irnêm kha Pathian mihai sintho sa a ni.)

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

1 SAMUELA 2:2

Rengpa anga irthiang hi om mahai; Ama ang zel om mahai. Ei Pathian anga lungpui det zel tûte om mahai.