THUPHUANG 14:7 - PATHIAN LEKHABU IRTHIANG C.L. Bible (BSI)

⁷ Ama khan hnukirhai inring takin, “Mihriamhai roirêl zoro a hong tung tâk sikin Pathian chu chi unglân, chôiindôm roi! Irvân, irnêng tuikhanglian le tuihnâr hai siamtu kha chubai mûk roi!” a tia.

THUPHUANG 14:7 ပူးပေါင်းရင်းမြစ်များ

IRPHUTNA 22:12

Khan Pathianin, “Nâipang chunga khan ni kut insum no’n lân, ite tôn viat no ro: ni nâi neisun khom pêk hrangin nin hroi ta no sikin, Pathian ni chi ti kin hriat ta,” a tia.

NEHEMIA 9:6

Israel mipuihai chu hiang hin an chongchaia, “Rengpa, nangma vai hi Rengpa ni nia, irvân le a sûnga om murdihai leh, irnêng le a sûnga om murdihai le, tuikhanglian le a sûnga om murdihai ni kut suak a nia; khan irvân tianga omhai khomin chubai nang an mûk ngaia.

INPÂKNA HLAHAI 115:15

Rengpa khan sat nangni vur ri se, Irnêng le irvân siamtu khan.

INPÂKNA HLAHAI 124:8

Ni changpuina hrang chu Rengpa, Irnêng le irvân siamtua irthokin a ni,” tiin.

INPÂKNA HLAHAI 33:6

Rengpa irchamin irvânhai chu siam a nia; Khaanga omhai murdi khom kha a bâia phûk khan siam an ni sa.

INPÂKNA HLAHAI 36:1

Mi sia tho’nsualna khan ki milung sûnga hin thu an sîra, “A mithmua Pathian chitna rêng rêng om mah,” tiin.

INPÂKNA HLAHAI 89:7

Mi irthianghai chong irkhômnaa Pathian ichiom tak, A kôl vêla mi murdi nêka chi ual tak hrang chu, tu mo om hrang?

INPÂKNA HLAHAI 95:5

Tuikhanglian hi a ta a ni, ama isiam a nia; Mual khom hi a kut suak a ni.

FESUAKNA 20:11

Rengpa khomin sûn ruk sûnga khan Tuikhanglian, irnêng le irvân le a sûnga om murdi a siama, sûn sari nî chu a irngam chian a ni, satakin sat a vura a iser a ni.

ISAIA 40:3

Irhâiin, “Ramchâra Rengpa lampui siam unglân, kin Pathian hrang ramchâra lampui intuantir roi.

ISAIA 40:6

Irhâiin, “Khêk ro,” a tia. Ama’n chu, “Imo ki iti hrang?” a tia. Mihriamhai hi sûlhring an nia, an roiinpuinahai khom sûl pârhai ang hi a ni.

ISAIA 40:9

Tâng irsânghaia lui maiin lân, Zion kuanga thu lômom chu inring takin hril ro, Jerusalem kuanga thu lômom chu inpuang ro, indîn loiin Judai ram khopuihai chu hrilhaiin lân, “Nin Pathian chu a hong tung ta,” ti roh.

ISAIA 42:12

Chômbunga omhaiin Rengpa chu inpâkhai sian, chôiindôm ri sehai.

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

ISAIA 58:1

Rengpa khan hiang hin a ti: “Khêk ra rakin lân, irdîn viat no ro, bekul irhâi angin ni hnuk insuak ro, ki mihai thil tho’nsual, Jakoba irchihai chu hrilhai roh.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

EZEKIELA 7:2

“Nang mihriam nâipa,” Rengpa pathianin Israel ram kuanga hiang hin a ti a ni; “Mongna, mongna chu ram kil minlia a hong tung tâk e.

EZEKIELA 7:6

Mongna a hong tung tâk, mongna a hong tung tâk e, ni chunga a hong tho tâk, irngai ro, a hong nâi tâk.

DANIELA 8:19

Ama’n, “Irngai ro, ningmurna hnungkhôna thil hong om hranghai chu nan hril ki ta; zoro hekna lei inkung a ni tâk sikin.

HOSEA 8:1

Bekul kha ni hmûra irsuntir ro, Rengpa sûngkuahai chunga irmupui angin a zuang e, ki thuthung an tho’nchâia, ki dân an lôipai sikin.

MALAKIA 2:2

Ki’rhming roiinpuitirna hrang nin irngaitua noa, milunga nin vong no’n chu, nin chunga khuasâlna zuang intungtir ki ti, Sipaihai Rengpa’n a ti, nin satvurna donghai kha khuasâlna ki ti: A ni, nin laia milunga vong nin om no sikin khua nangni ki isâl chian tâk a ni.

MATHAIA 25:13

Khasikin, irsiam diamin om roi, a nikhua le a zoro kha nin inhriat no sikin.

LUKA 17:18

Ithoa mo, hi ram dang mi vai hin, Pathian inpâk hrangin a hong ikîr nôk?” a tia.

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

JOSUA 7:19

Josua’n Akana kuanga, “Ki nâipa, Israelhai Pathian Rengpa makunga thu diktak hril ro duah. Sual thupha chôi mai roi, imo ni itho, thup loiin nin hril ro,” a tia.

1 PETERA toc2 1 PETERA 4:7

Thil tinrêng mongna zoro chu anai tâka, nin chongchai theina hrangin lungrîl irfîm tak irputin irvong infel roi.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 11:18

Jentailhai khan ningmurna an sip ta, Ni ningmurna zoro khom a hong tung tâk sikin, Mithihai roirêl pe zoro hai, Ni suakhai, deipuhai, ni mi irthianghai, Mi lian mi chîn nir hming chituhai, Lômman ni pêk zoro le irnêng insiattuhai kha insiat sa hrang zoro a tung ta!” tiin Pathian chubai an mûka.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

THUPHUANG 16:9

Mihriamhai kha misa lum taka em inlôngin an om tâka, kha dengintheina chunga irchamneitu Pathian irhming kha khomâk an sâma, an sual ata irletin ama inpâk ual mahai.

THUPHUANG 18:10

A hremna kha tuang sa an chi sikin hla tak ata thîr an ta, “Babulon kho roiinpui le kho det, ni chung a rik! Ni chung a rik! Dârkâr khat sûngin te ni chunga roirêlna a itung tâk hi,” an tia.

THUPHUANG 18:17

Dârkâr khat sûngin te kha a irchongna murdi kha a irhmang zit tâk hi,” ti an ti. Irkuang hruaituhai le a chuanghai le a chalaituhai le tuia irhlo ngai murdihai khom khan hlataka ngîrin,

THUPHUANG 18:19

An lua bâli an phula, beidongin an châa, “Kho roiinpui ar chongna sika tuikhanglian irkuang neihai khom lei irchong sa thei! A chung a rik! A chung a rik! Dârkâr khat sûngin te ar hmang zit lam tâk hi,” tiin an khêka.

THUPHUANG 19:5

Khan, rêngtoihmuna irthokin hnukirhai a hong suaka, “Nangni suakhai murdi le ama mahrip thohai ngai, mi lian le mi chînhai, ei Pathian inpâk roi!” a tia.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 4:9

Khan, thilhring minlihai khan rêngtoihmuna toi kumtuanga hring mai kuanga khan roiinpuina le chôiindômna hla an saka, lômthu an insîr rikipa,

THUPHUANG 8:10

Vântîrtôn an thumna khan a bekul a hong tuma, ârsi lianpa, meiser anga chok, irvân ata zuang tâkin vadung hmun thuma sena hmunkhat le tuikhanglian kha a dela.

1 SAMUELA 6:5

Pangpo millim ringa le nin ram insiattu châichek millim ringa nin isiamhai khan Israelhai Pathian kha chôiindôm roi. Khanchu nangni le nin pathianhai le nin ram kha kuttum nangni a tho ta no khom a ni thei.