THUPHUANG 14:6 - PATHIAN LEKHABU IRTHIANG C.L. Bible (BSI)

⁶ Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.

THUPHUANG 14:6 ပူးပေါင်းရင်းမြစ်များ

MARKA 16:15

Jisua’n an kuang, “Rammual pumpuia fe unglân, thil siam murdihai kuang Thurchi Sa hi insîr roi.

THUPHUANG 8:13

Khan, ki hong ena, irmupui vânlaizôla vuangin hnukirhai inring takin, “Vântîrtôn inthumhai bekul la tum hranga irhai hong om hrang sika khan irnênga omhai chung a rik e! a rik e! a rik e! a ti kin hriata.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

ISAIA 51:8

Puan irthiin a ifâk insiat angin, irnge’n samul puanhai a ifâk thei angin annihai khom la fa an ta, keima kuang chu kumtuanga hrang a ni, ki saninhringna khom kumtuanga hrang a ni.

ISAIA 51:6

Irvân tiang nin mit inlêngtir unglân, Hnuai tiang irnêng hi en unglân, irvân khi meikhu angin irzâm zoi a ti, puan angin irnêng hi milui a ta, a sûnga omhai khom thoivâi angin, thi pher phurin om an ti. Ki saninhringna hi chu, kumtuanga hrang a ni, ki inhnêna khom hek thei no ni.

INPÂKNA HLAHAI 139:24

Khanchu, keimaa hin siatna lam rêng rêng a om mo, om ma mo enin lân, Kumtuang lama khan ni hruai roh.

ROM KHUAA MIHAI KUANGA TÎRTÔN PAULA LEKHATHON 16:25

Pathian chu chôiindôm ei ti; Ama’n chu Jisua Krista thu, Thurchi Sa ei ihril le tiana thurîl irthup lei inpuang tâk ang khan nin iamnaa det takin nangni an dettir thei a ni.

INPÂKNA HLAHAI 145:13

Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

DANIELA 9:21

a ni, chongchaia ki zong lai takin, mi Gabriela, a phuta ki ihmu inlârna khan, khohloia thil inhlan zoro lai angin hrât takin a ni hong pana.

THUPHUANG 13:7

Pathian mihai doia inhne hrangin phal a ni, chi tin, nam tin, chong tin, le zât tin chunga irchamneina a kuang pêk a ni sa.

HEBRAI toc2 HEBRAI 13:20

Khan, ei Rengpa Jisua, a thina sika kumtuang thuthung deta om, Belrapu Roiinpuitak, thina irthoka a kaithoitu irngeina Pathian khan a lungdo nin sin theina hrangin thil sa nin innang murdi nangni pe sianlân, Jisua Krista zâra einia hin, ama a lungdo sin ri se. Krista kuang roiinpuina kumtuangin om mai ri se! Amen.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

MATHAIA 10:27

Inthima nangni ki ihril hi sûn khovâra insîr unglân, inrûka nin inhriat hi in chunga chuangin tânginsampui roi.

THUPHUANG 10:11

Khan, ki kuang “Mi tamtakhai, nam tamtakhai; chong tamtakhai le rêng tamtakhai chungchâng thu ni la insîr nôk hrang kêng,” an tia.

DANIELA 4:1

Rêng Nebukadnezara’n, mi tin, chong tin hmanghai laia, irnêng pumpui chunga omhai laia, irngeina inpungin om ri se.

EZEKIELA 1:14

Thilhring minlihai chu kôlirtêk anga inrang takin an va intân an hong intâna.

ISAIA 45:17

Rengpa’n Israelhai chu kumtuanga hrangin saninhringhai a ta, itiklai khomin mualinphoi no nihai,” a ti.

INPÂKNA HLAHAI 119:142

Ni felna chu kumkhua’n om mai a ta, Itiklai khomin ni dân chu a idik a ni.

2 SAMUELA 23:5

“Khaang khan Rengpa’n ki’rchihai hi sat a ivur hrang a ni, kumtuanga thuthung kha keima kuang a tung tâk sikin, thuthung inkhiak thei loi. A ni, chonginkung danglam thei loi ngêt kha, ama kha ki saninhringna irkip le ki lungdo irkip a nia. Rengpa’n intungtir ngêt a ti.

ISAIA 40:8

Sûlhring a châra, pârhai a chuai ngai, ei Pathian thu hi chu kumtuangin om mai a ti.

IRPHUTNA 1:6

Khan Pathianin, “Tui le tui kâra khan boiruak liantak om sianlân, kha khan tui le tuihai chu irsen ri se,” a tia.

ISAIA 6:2

A kôla khan Serafhai an oma, an rêngin mitha kiruk an nei chita, inhnihaiin an hmâi an hîpa, inhnihaiin an ke an tuama, inhni chu an vuanga:

1 PETERA toc2 1 PETERA 1:25

Rengpa thu chu kumtuangin a om mai,” ti a ni. Kha ngêt kha a ni Thurchi sa nangni an ihril kha.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.

THUPHUANG 10:7

khannisianlân, vântîrtôn a sarina khan a bekul a tum tena chu Pathianin a thu’rthup kha irkiptir ta a ti, a suak, deipuhai kuang a inpuang ang khan,” a tia.