THUPHUANG 14:4 - PATHIAN LEKHABU IRTHIANG C.L. Bible (BSI)

⁴ Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

THUPHUANG 14:4 ပူးပေါင်းရင်းမြစ်များ

INPÂKNA HLAHAI 45:14

Puan insui sa silin inlaltak kuang hruai an ta; Ama zuitu, a rual dôngmatehai chu, Ni kuang hruai an ti.

INPÂKNA HLAHAI 74:2

Ni mihai inkhômhai, tianlaia ni irchôk, Nam irchon hrangin ni irtan kha, inhre mai ro; Ni omna ngai Zion tâng le.

HLAHAI HLA 1:3

Ni rimtui nang pol ngaitu hin mirim hoitak a nei; Ni’rhming chu mirimhoi irpai angin a vuang; Khasikin dôngmatehaiin lung nang an inkham a ni hi.

HLAHAI HLA 6:8

Rêngnu sômruk le, lâksîr sômriat le dôngmate tep zoiloi chu an oma.

JEREMIA 2:3

Israel keima ta vai ni nia; ki thil nei irthiang ni lei hong nia, nang innatirtu, tu chunga khom tuangna le siat irkipna kin tungtir ngai. Keima Rengpa’n ki iti a ni,” tiin.

AMOSA 6:1

Zion tânga hoi ta hraia omhai le Samari tânga raifân taka omhai le nam lian tak mi roiinpuihai, an kuanga Israela sûngkuahai an fenahai chung kha a zîng e!

MATHAIA 19:12

Pasalin dôngma a inei loi nasan chu tamtak a om; senkhat chu nei loi hrang piala suak an ni; senkhat chu khaang hranga mihriamin an isiam khom an om; senkhat chu irvân Ram sikin an inei loi a ni. Tukhom hi irchutirna a pom thei murdi’n chu zôm ri se,” tiin a sâma.

MATHAIA 25:1

“Kha zoi hnung chu irvân Ram chu dôngmate sômhai, an meiserhai chôia, moineitu don hranga fehai leh irkhek ni ta a ti.

MATHAIA 8:19

Dân irchutirtu inkhat a honga, a kuang, “Irchutirtu ni fena kipa nang zui ki ti,” a tia.

JOHANA 10:27

Ki belrahaiin ki hnukirhai an inhriata, kei khomin anni kha kin hriat ngaia, an ni zui ngai;

JOHANA 12:26

Tukhom ki sintho nuam murdi’n chu ni zui ngêt ri se, ki sin thotu chu ki omnaa a om sa theina hrangin. Tukhomin ki sin tho chu ka Pa’n chôiindôm a ti,” a tia.

JOHANA 13:37

Petera’n, “Rengpa, itho sikin mo atûn hin nang ki izui thei loi hrang? Nangma hrangin chu thi khom ki’rhuam kêng,” a tia.

JOHANA 8:12

Jisua’n Farisaihai kuang thu an sîr nôka, “Keima hi rammual êl invârpu ki ni. Tukhom a ni zuitu chu inthima lêng viat no nihaia, hringna vâr nei ual an ti,” a tia.

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

1 KORINTH 16:15

Stefana le a in mihai thurchi kha nin inhriat, anni kha Akaia rama Kristian chang masa tak an nia, khabana, Pathian mihai sintho hranga irpêk an ni.

1 KORINTH 6:20

mana irchôk kêng nin ini tâk, khasikin nin takpum kha Pathian roiinpuina hrangin hmang roi.

1 KORINTH 7:28

Khannisianlân dôngma ni nei leh khom tho’nsual mak che; dôngmate khomin pasal a neiin tho’nsual mah. Khannisianlân, in nin neiin chu rammuala dengthei nin ti; kha kha nangni inzôk ki inuam a ni.

2 KORINTH 11:2

Pathian hnarsâna angin kêng nang ki hnarsa; dôngmate irthiang ang nin nia, pasal ruathar inkhat, Krista ngei kha, nangni innei hranga ki lei inkung pehai nin ni.

EFESI 1:14

Kha kha Pathian roiinpuizia inpâkna hranga ama ta ngei irtan suakna hranga ei irchon luana hranga khapna a ni.

EFESI 5:27

Koiindang roiinpui tak, chuai loi, innimna koploi le khaang thil porinche koploi, irthiang le chukloina dang rêng rêng om loi, ama ta hranga inding hrangin a irpêk a ni.

1 TIMOTHEA toc2 1 TIMOTHEA 4:3

Mi senkhatin innei le thil senkhat fâk hi dik mah tiin mi an khapa. Khannisianlân, Thutak inhre tâk, iamtuhai chu lômthu insîr puma fâk hrangin Pathian isiam a nih ti an inhriat.

HEBRAI toc2 HEBRAI 12:23

Nangni chu Pathian nâi lutîr irvâna an irhming chuang tâkhai râifâna an irbûmnaa nin ingîr a ni. Pathian, mi murdihai roirêltu kuang le mi felhai irtha famirkipa siam tâkhai kuang nin ingîr a ni.

JAKOBA toc2 JAKOBA 1:18

A thil siamhai laia ra masa hrangin ama nuamlam ang takin thutaka a ni inei a ni.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 21:22

Khopui sûnga khan tempil hmu ma ung, Rengpa Pathian Itinrêngthothei le Belrate chu a tempil a ni sikin.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 3:4

Khannisianlân, Sardis-ah khan an puanhai innimloi, mi tômte nin om. Anni kha puan chek silin ki kuang om ngai an ti, khaanga tho inruk an ni ngai sikin.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.