THUPHUANG 13:8 - PATHIAN LEKHABU IRTHIANG C.L. Bible (BSI)

⁸ Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 13:8 ပူးပေါင်းရင်းမြစ်များ

IRPHUTNA 22:7

Khan Isaka’n a pa Abrahama kha hiang hin a ti pea, “Ka pa,” a tia; khan ama’n, “Ki nâipa hin ki om,” a tia. Khanchu Isaka’n, “En ro, mei le thing chu a oma; khannisian hâlirvôm thil inhlan hrang belra tuai teh khôn mo a om?” a tia.

INPÂKNA HLAHAI 69:28

Anni chu hringna bu ata kâtpaiin omhai sianlân, mi felhai laia khan irziak sa no ri se.

FESUAKNA 32:32

Ngaihoi takin an sualna ngaidamin lân; khan ni ngaidam nuam zel no’n chu, ni mihai irhming chuangna bu ata kha, ki’rhming khom kâtpai ro,” a tia.

ISAIA 4:3

Zion-a a thi zoi loi le Jerusalema irhming irziakhai chu, “Mi irthiang,” ti an ti.

DANIELA 12:1

“Kha irzoi tena chu ni mipui nâihai san ngaitu, hruaitu roiinpuitak Mikaela kha ngîr a ta; buaina zoro, nam om phut ata, kha ni tena la om ngai loi kha, hong om a ta: kha nî tena chu ni mihai kha sansuakin om an ta, mi tin lekhabua irhming chuang murdihai chu.

MATHAIA 25:34

“Kha tika chu inlaltak rêng khan a chang tianga mihai kuang, ‘Hong roi, ka pa satvurhaio, hong unglân, rammual siam irphut ata nin ta hranga ram sinsiam kha chang roi.

LUKA 10:20

Aniachu, irthahai nin irchamin an om sika hin lôm no roi, irvâna nin irhming irziak a ni sikin lôm ual roi,” a tia.

JOHANA 1:29

A tûka chu Johana’n Jisua khan ama a hong ipan kha a hmua; “En u ta, Pathian Belrate, rammual sual pêl hrangtu so,” a tia.

EFESI 1:4

Irthiang le sêlnaboia a kuang ei om theina hrangin irnêng irsiang mân khan lung a ni thunga, Kristaa khan a nin thang ta.

FILIPI 4:3

Nang khom, ki ringkol irbunpui iamom tak, kha nupanghai kha changpui hrangin nang ki ngên a ni; anni khan Klemena le Hringna Bua irhming chuang danghai le, Thurchi Sa hrilna sina ni sinpui intam ngai an ni.

TITA toc2 TITA 1:2

sakho lam thudik, kumtuang hringna sabeina chu, inhriattir hranga inkung ki ni.

THUPHUANG 12:15

Nupangnu kha tuiin a tân theina hrangin a hnunga dragon khan tui, a bâia irthokin tuilian angin an phîsuaka.

THUPHUANG 13:12

Sahrâng masa irchamneina murdi kha sahrâng masa mit hmua a hmanga. Irnêng le a chunga mihriam om murdihai kha sahrâng masa thi theina dôra pop tâk, a dam nôk kha, chubai mûk hrangin an phût ta.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.

THUPHUANG 21:27

Khannisianlân, thil porinche ite hong lût thei no nia, thil intirom thohai le milak insîr uarhai lût thei no nihai; Belrate hringna bua irhming chuanghai vai kha Khopuia khan lût thei an ti.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

THUPHUANG 3:20

Irngai ta! mikota ngîrin ki intôk hi, tukhomin ki’rhâi an hriata; mikot an hongin chu, a ina lûtin a kuang bu nêk ki ta, ama khomin ki kuang nêk a ti.

THUPHUANG 3:5

An hnêtu ka chu khaang khan puan chekhai insiltir ni an ta, hringna lekhabua irthokin an irhming kha pai viat no ning. Ka Pa le vântîrtônhai makunga ki ta an ni tiin inpuang inlang ki ti.

THUPHUANG 5:12

Khahai khan hnukirhai inring takin, “Belrate that tâk hi, Sinthotheina hai, irchongna hai, vârna hai, hrâtna hai, chôiindômna hai, roiinpuina hai le inpâknahai hmurua a ni,” an tia.

THUPHUANG 5:13

Khabana, irvân le irnêng chung le irnêng hnuai le tuikhangliana thilhring tinrênghai le rammual sûnga thilhring om murdihaiin, “Rengtoihmuna toitu le Belrate kuanga khan, Inpâkna hai, chôiindômna hai, roiinpuina hai le sinthotheina hai, kumtuangin om ri se,” ti hla an isak kin hriat sa.

THUPHUANG 6:1

Belrate khan irsinsiana sari laia inkhatna kha an hong lai ki hmua, thilhring minlihai laia inkhat khan hnukirhai khonri ang dôra inringin, “Hong roh!” a iti kin hriata.