THUPHUANG 13:3 - PATHIAN LEKHABU IRTHIANG C.L. Bible (BSI)

³ Sahrâng lu inkhat kha thi theina dôra popin ki hmu, khannisianlân, kha sâbe kha a hong dam ta. Irnênga mi murdi’n ar khêl an tia, sahrâng kha an zui ta.

THUPHUANG 13:3 ပူးပေါင်းရင်းမြစ်များ

EZEKIELA 30:24

Khanchu Babulon rêng kuthai chu inhrâttir ki ta, ki khandai chu a kuta sia ki ti. Khannisian Aigupta rêng bânhai chu inkhiakpai pe ki ti, a râlhai makunga khêkin thi a ti.

LUKA 2:1

Kha laia khan, rêng Kaisara Augasta’n Rom sorkâr ram op murdia irhming irziak hrangin thu a pêka.

JOHANA 12:19

Farisaihai khan, “Ite nin ilo thei loi a ni hi te, en u ta, rammualin ama an izui tâk hi,” an irtia.

TÎRTÔNHAI SINTHO 8:13

Simona khomin a iam tâka, baptisma a changa, Filipa kha a kop khak ta, thilirkhêl le sinirkhêl roiinpui tak a ithohai kha a hmua, ar khêl a ti tak taka.

THUPHUANG 13:12

Sahrâng masa irchamneina murdi kha sahrâng masa mit hmua a hmanga. Irnêng le a chunga mihriam om murdihai kha sahrâng masa thi theina dôra pop tâk, a dam nôk kha, chubai mûk hrangin an phût ta.

THUPHUANG 13:14

Sahrâng masa mit hmua sinirkhêl sin hranga phalna a hmu sika khan irnênga mi murdihai a huanga; an kuang, sahrâng khandaia pop tâk la dam nôk chôiirsângna hrangin ama irlim siam hrangin thu a pêka.

THUPHUANG 17:10

ringa chu an inrîl tâka, inkhat chu a lan lala, inkhat chu la hong inlal mah, hong inlal khomsian sôtnote kêng a inlal hrang.

THUPHUANG 17:11

Sahrâng lei om tâk kha, om nôk ta no khom kha rêng sarihai pâla kiriatna a nia, irhmangnaa fe thiai tâk a ni.

THUPHUANG 17:13

Khante an thiltum inkhat a ni sikin an sinthotheina le an irchamneina sahrâng kuang pe an ti.

THUPHUANG 17:17

Pathian thu le a thil tumhai a hong tung indik theina hrangin, rêng sômkhathai khan an irchamneina sahrâng kuang pe hrangin Pathianin lung irrualna an neia.

THUPHUANG 17:6

Khan, kha nupang kha Pathian mihai thisen le Jisua mârtârhai thisen inruiin ki hmu. Ki hmu le chu a sân ki’rngai a’rkhêl tak taka

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.