THUPHUANG 13:11 - PATHIAN LEKHABU IRTHIANG C.L. Bible (BSI)

¹¹ Khan sahrâng dang irnêng ata hong suak ki hmua. Belrate irki angin irki inhni a neia, dragon angin a chonga.

THUPHUANG 13:11 ပူးပေါင်းရင်းမြစ်များ

DANIELA 7:8

A’rki omdân ki ngaituaa, irngai ro, an laia hin irki chînte a hong mônga, matona irki inthumhai chu a bulrêta rênin, ama irkia hin a mit, mihring mit ang hi a oma, bâi khom a neia, thil tamtak a hrila.

DANIELA 8:3

ki mit ki hong inlêngtira, ki hong ena, irngai ro, tui kôla khan kêlbelrachal irki inhni nei a ngîra; ar ki inhnihai chu an seia; inkhat kha a sei ual bîka, ar sâng ual kha a mông inhnung ual a nia.

MATHAIA 7:15

“Deipu dolhai ata irdîn roi, khahai kha belra vun silin nin kuang an hong ngai; an sûng tiang chu inê ang an ni.

ROM KHUAA MIHAI KUANGA TÎRTÔN PAULA LEKHATHON 16:18

Khaang mihai khan ei Rengpa Krista sintho mahai, mâni phîngpui sintho chian an ni. An chong hmang thiam le chong hoiin mi’nmôlhai kha an huanghai ngai a ni.

2 THESALONIKA toc2 2 THESALONIKA 2:4

Ama’n chu mihaiin Pathiana an inei, an ibiak murdihai kha doi a ta, anni nêka roiinpuiin irbe a ta, Pathian Tempil ngeia toiin Pathianin irbe a ti.

THUPHUANG 11:7

Khan, an inhriatna thu an insîr zoiin chu khurmongboi ata sahrâng hong suak hrang khan doihai a ta, inhnêhai a ta, thathai a ti.

THUPHUANG 12:17

Dragon kha nupangnu chunga a ning an mur tak taka, nupangnu irchi la om Pathian thupêk zômhai le Jisua thutak inpuang pomhai kha doi hrangin a fe tâk.

THUPHUANG 13:1

Khan, sahrâng irki sôm le lu sari nei, tuikhanglian ata hong suak ki hmu. A’rkihaia khan rênglukhum a om senga, a luhaia khan Pathian hrilsiatna irhminghai a om sa.

THUPHUANG 13:17

Sahrâng irhming mani, a’rhming nambar mani, indangna nei loihai ka chu, tûte’n ite irchôkin an zuar thei loina hrangin.

THUPHUANG 13:4

Sahrâng kuang ar chamneina a pêk sikin dragon kha mi tinin chubai an mûk. Sahrâng khom kha an mûk saa, “Sahrâng anga hi tu mo a om? Tu mo a doi thei hrang?” an tia.

THUPHUANG 16:13

Khan, Dragon bâi ata, sahrâng bâi ata, deipu dol bâi ata hong suak irtha porinche inthum, uichok anga om ki hmu sa.

THUPHUANG 17:6

Khan, kha nupang kha Pathian mihai thisen le Jisua mârtârhai thisen inruiin ki hmu. Ki hmu le chu a sân ki’rngai a’rkhêl tak taka

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.