THUPHUANG 12:4 - PATHIAN LEKHABU IRTHIANG C.L. Bible (BSI)

⁴ A’rmeiin irvâna ârsi hmun thuma sena hmunkhat chu a zêma, irnênga a paithâk ta. Nupangnu nâi kha a zuang suak le chu a lei fâk theina hrangin nupangnu matona khan a ngîr ngita.

THUPHUANG 12:4 ပူးပေါင်းရင်းမြစ်များ

FESUAKNA 1:16

“Hebrai mi nâi nei thar, nâipasal an ni photin chu thatpaihai unglân, nâinupang an niin chu thathai no roi”, a tia.

ISAIA 27:1

Kha ni tena chu, Rengpa’n a khandai lianpa, ngaih tak chu Leviathan, tuia rûlpui intân Dragon irchok soisakna hrangin irlek a ta, that a ti.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

THUPHUANG 12:7

Khanchu, irvâna irdoina a om ta. Mikaila le vântîrtônhaiin dragon kha an doia, dragon le a tirtônhai khomin an doi dêna;

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 13:2

Sahrâng ki ihmu kha keiârsi a anga, a kehai chu savom ke a anga, a bâi chu kâmkeibaknei bâi a ang. Dragonin sahrâng kuang khan a sintho theina le a rêngtoihmun le ar chamneina liantak kha a pêk.

THUPHUANG 13:4

Sahrâng kuang ar chamneina a pêk sikin dragon kha mi tinin chubai an mûk. Sahrâng khom kha an mûk saa, “Sahrâng anga hi tu mo a om? Tu mo a doi thei hrang?” an tia.

THUPHUANG 16:13

Khan, Dragon bâi ata, sahrâng bâi ata, deipu dol bâi ata hong suak irtha porinche inthum, uichok anga om ki hmu sa.

THUPHUANG 17:18

Khan, “Nupangnu ni ihmu kha kho roiinpui, irnênga rênghai chunga roirêltu kha a ni,” a tia.

THUPHUANG 20:2

Dragon, rûlpui tar Diabola le Setana kha a chela, kum sângkhat hrangin a khit ta.

THUPHUANG 8:10

Vântîrtôn an thumna khan a bekul a hong tuma, ârsi lianpa, meiser anga chok, irvân ata zuang tâkin vadung hmun thuma sena hmunkhat le tuikhanglian kha a dela.

THUPHUANG 8:11

(Kha ârsi irhming kha “A khâ” a ni). Tui hmun thuma sena hmunkhat chu a hong khâ tâka, kha tui kha an ina, mi tamtak an thi ta, a kha tâk sikin.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

THUPHUANG 8:7

Vântîrtôn inkhatna khan a bekul a hong tuma, irial le mei thisen leh irpol a hong oma; ama kha irnênga bunpaiin a om ta. Khanchu, irnêng hmun thuma sena hmunkhat chu a kânga, thingkunghai khom hmun thuma sena hmunkhat a kânga, hloisûl hringhai murdi khom a kâng sa ta.

THUPHUANG 8:8

Vântîrtôn an hnina khan a bekul a hong tuma, tâng lianpa meiin a ikâng lai ang tuikhangliana an paithâka. Khanchu, tuikhanglian hmun thuma sena hmunkhat chu thisen a chang tâka,

THUPHUANG 8:9

a sûnga thilhringhai khom hmun thuma sena hmunkhat chu an thia, irkuanghai khom hmun thuma sena hmun khat chu an siat sa tâka.

THUPHUANG 9:10

Âinuvêt angin irmei le sêna hrang an neia, tha ringa sûng mihriamhai innatir theina khom an irmeia khan a iom a ni.

THUPHUANG 9:19

Sakorhai sinthotheina kha an bâia le an irmeia khan a oma; an irmeihai kha mirûl angin a oma, lu an nei saa, ama khan mi an innatir ngai a ni.