THUPHUANG 12:17 - PATHIAN LEKHABU IRTHIANG C.L. Bible (BSI)

¹⁷ Dragon kha nupangnu chunga a ning an mur tak taka, nupangnu irchi la om Pathian thupêk zômhai le Jisua thutak inpuang pomhai kha doi hrangin a fe tâk.

THUPHUANG 12:17 ပူးပေါင်းရင်းမြစ်များ

IRPHUTNA 3:15

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

DANIELA 11:36

Reng khan a nuamlam takin tho a ta; ama chôiirsângin, Pathian tinrêng chunga a lian irti a ta, pathianhai Pathian sêlin thil irkhêl hril a ti: khan a ningmurna a hek pe ving mâka chu hlochuk a ta, a iti chu tho ngêt hrang a nia.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

1 KORINTH 2:1

Urênghaio, Pathian thutak irthup insîra nin laia ki hong laia khan thu roiinpui le vârna roiinpui leh hong ma ung.

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

1 JOHANA 2:3

Pathian thupêkhai ei zômin chu ama ei inhriat a nih ti a ifel a ni.

1 JOHANA 5:10

Tukhom Pathian Nâipa iamtu’n chu amaa hin inhriatna hi a nei a ni: Pathian iamloitu chu Pathian kha milaka a inchangtir a ni, Pathianin a Nâipa thurchi an hriattir kha a iamno sikin.

1 JOHANA 5:2

Pathian nâihai lung ei thung a ni ti ei inhriatna chu, Pathian lung ei thunga, a thupêkhai ei izôm hi a ni.

THUPHUANG 1:2

khanchu, Johana’n a ihmu murdihai kha an sîra. Ama hi Pathian thu le Jisua Krista’n thutak a inpuang an sîrna a ni.

THUPHUANG 1:9

Kei Johana, nin urêngpa le Jisua hnung zuinaa a Ram mihai chunga dengtheina hong tung diar taka tuangna lama nin chanpuipa ki ni, Pathian thu le Jisua’n thutak a inpuang thu kin puangna sikin Patmos chômbunga intângin ki oma.

THUPHUANG 11:7

Khan, an inhriatna thu an insîr zoiin chu khurmongboi ata sahrâng hong suak hrang khan doihai a ta, inhnêhai a ta, thathai a ti.

THUPHUANG 12:16

Khannisianlân, irnêngin nupangnu kha a changpuia, a bâi a ânga, dragon tui inphît kha an lem tâka.

THUPHUANG 13:7

Pathian mihai doia inhne hrangin phal a ni, chi tin, nam tin, chong tin, le zât tin chunga irchamneina a kuang pêk a ni sa.

THUPHUANG 14:12

Hi hin Pathian mihai, a thupêk zôma Jisua ta hranga iamomhai chu tuangdiarna an inei a ni.

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 17:6

Khan, kha nupang kha Pathian mihai thisen le Jisua mârtârhai thisen inruiin ki hmu. Ki hmu le chu a sân ki’rngai a’rkhêl tak taka

THUPHUANG 18:20

O irvân le Pathian mihai, tirtônhai le deipuhai, a ramna sika hin lôm ta roi! Nin chunga a tho lam angin Pathianin a irêl tâk a ni hi!

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.

THUPHUANG 19:19

Khanchu, sahrâng le irnênga rênghai le an sipaihai kha sakor chunga chuang le a sipaihai doi hrangin an irbûm ki hmua.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.

THUPHUANG 22:14

Hringna tuikuanga thei ra kha an fâk theina hrang le khopui kha an lût theina hranga an puan irsûk infâihai chu an vân a sa.

THUPHUANG 6:9

Khanchu, Belrate khan irsinsiana a ringana an hong le chu, Pathian thu an insîr sik le Pathian inhriatpuitu an nina tiang iam a om sika thata omhai irtha kha maichâm hnuaia ki hmua.