THUPHUANG 11:3 - PATHIAN LEKHABU IRTHIANG C.L. Bible (BSI)

³ Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

THUPHUANG 11:3 ပူးပေါင်းရင်းမြစ်များ

IRPHUTNA 37:34

Khanchu Jakoba chu a puan le diarkaihai a ir-ek seta, bora puan silin zoro sôttak a chûlpuia.

2 SAMUELA 3:31

Kha hnung chu Davida khan Joaba le a kuanga mipui om murdihai kuang khan, “Nin puanhai inpotthêr unglân, bora puan sil unglân, Abnera kha sûn roi,” ti thu a pêka. Reng Davida khan irlâng kha a chela.

1 RÊNGHAI 21:27

Elija’n kha thu a hril zoiin chu Ahaba khan a puansil an potthêra, bora puan a sila, bu a ngheia, bora puan leh a zâla, ngûi takin a om tâka.

2 RÊNGHAI 19:1

Reng Hezekia’n kha thu kha an hriatin chu a puan an potthêra, bora puan a sila, Rengpa tempila a lûta.

1 THURCHI SUINA 21:16

Davida’n a hong ena, Jerusalem insiat hrang vântîrtôn khandai chôi, irnêng le irvân kâra ngîr a hmua, Davida le mipui hruaituhai khan bora puan an sil vinga, hnuai enin an kûna.

NEHEMIA 9:1

Khanchu kha tha sûnga sûn sômhni minli nî chu Israel irchihai chu bu an ngheia, bora puan silin, irnêng tôn duangin an fea.

JOBA 16:15

Bora puan ki sila, mualphoi takin nêngpila ki toia.

INPÂKNA HLAHAI 69:11

Ki puan sila bora ki hmang le, An ta hrangin siatna tiang irkhekna hong ni thiai ki ta.

ISAIA 22:12

Kha ni khan chu, Rengpa itinrêng Rengpa chapa khêk hrang le lu ep inkola, bora puan sil hranga titu khan;

JEREMIA 1:10

A vuan hin namhai le rêng ram chunga hin ircham ni inei tâk a ni, phâi hrang le insimpai hrangin, insiatchit le indok hrangin, sin inding hrang le phun nôk hrangin,” a tia.

CHAP HLA 2:10

Zion-a ulianhai chu hnuaia dâihrekin an toia, an lu vâiphin polin bora puan an sila, Jerusalem-a dôngmatehai khom hnuai enin an kûna.

EZEKIELA 4:6

Kha zoia khan ni chang tiang delin zâl nôk ni ta, sûn sômminli sûng Judahai sual tuang nôk ni ti, an kum khat sual sik kha sûn khat ni ituang hrang a ni.

DANIELA 12:7

Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

DANIELA 8:14

Khan vântirtôn dang iti hi kin hriata, “Sûn sânghni irzathum sûng chu om mai a ta, kha sûng rêng rênga chu zîng tiang le khohloi tiang thilinhlan inhlan ni no ni. Khanchu tempil chu irthiangtir ni nôk a ti,” tiin.

JOELA 1:13

Nangni ochaihaio, bora puan sil unglân, chap roi; nangni, maichâm sinthotuhaio, khêk rak rak roi; nangni ki Pathian sinthotuhaio, hong unglân, bora puan silin zân sôtin zâl roi: nin Pathian in ata kha baidi inhlan le in hranga inhlan kha khap a nia.

JONA 3:5

Ninevi mihai khan Pathian an iam tâka; bu nghei hrang tiin an inpuanga, an laia a lian tak ata a chîn tak dênin bora puan an sil tâka.

JONA 3:8

Mihriam le sahai khan bora puan sil ualhai sianlân, a satêrengin Pathian insam ri se: a ni, mi tinin mâni lam saloi le an kuta sin sualna kha irheisan ri sehai.

NAMBAR 11:26

Khanchu hruaitu sômsarihai laia mi inhni, Eldada le Medada chu Biakbuk sûnga khan an la oma, puan in tiang la fe mahai, kha khan irtha kha an chunga a zuang chum pehai nôka, anni khom deipuhai angin thu an hril tâka.

MATHAIA 11:21

“Korazin! ni chung a rik e! Bethsaida, ni chung a rik e! Nangnia sinirkhêl sinhai kha Tura le Sidon khuaa sin, ni ta sian chu bora puan silin irvut irpolin an sual ata irlet ta an ti.

MATHAIA 18:16

Khannisianlân, ni chong ar ngai no’n chu mi dang inkhat mani, inhni mani hruai sa’n lân, khanchu nin thu murdi chu inhretu inhni mani, inthum mani bâia indet ni thei a ti.

LUKA 10:13

Korazin! Ni chung a rik e! Bethsaida khom ni chung a rik e! Nangnia sinirkhêl thohai kha Tura le Sidon khuaa tho ni sianlân chu, bora silin irvut irnôtin an sual ata irlet ta an ti.

LUKA 24:48

Hi thilhai hi an hriattuhai nin ni.

JOHANA 15:27

Nangni khom ki thu inhrepuhai nin ni, a phut ata ki kuang nin om sikin.

JOHANA 3:27

Johana’n a sâma, “Pathianin a pêk no’n chu tukhomin ite dong thei mahai.

TÎRTÔNHAI SINTHO 1:8

Khannisianlân, Irtha Irthiang nin chunga a zuang tung tika sinthotheina la nei nin ti; khanchu, Jerusalema, Judai le Samari ram pumpuihaia kôlkung dênin ki thu inhretuhai nin ini hrang a ni,” a tia.

TÎRTÔNHAI SINTHO 13:31

Galili ram ata Jerusalema ama pâla hmunkhata lei lêng suam ngaihai kuang sûn tamtak sûng an lâr ngaia; kha mihai kha atûn hin Israel mihai kuang a thu inhretuhai an ni.

TÎRTÔNHAI SINTHO 2:32

A ni, kha Jisua kha Pathianin a kaithoi nôk tâka, kha thu kha ei rêngin an hriatuhai ei ni.

TÎRTÔNHAI SINTHO 3:15

Hringna pêktu kha nin thata, khannisianlân, Pathianin ama kha mithi lai ata a kaithoi tâka, kha thu’nhretuhai kha kin ni.

1 KORINTH 12:28

Pathianin a Koiindanga hi mihai hi a siaa: inkhatnaa tirtônhai, an hninaa deipuhai, an thumnaa Irchûtirtuhai, thilirkhêl thohai, indam theina thilpêk hai, mi changpui nuamhai, roirêl thiamhai, chong inhriat loia thu’nsîr theina thilpêk donghai kha an ni.

2 KORINTH 13:1

Atûna nin kuanga ki izuang hrang hi a voi thumna hrang a ni. Pathian Thubu’n a iti ang khan, “Hnôlna kha inhriatpuitu inhni mani, inthum mani an om vaiin indet ni a ti,” ti a ni.

EFESI 4:11

Khanchu, “Mihriamhai kuanga thilpêkpu” kha ama hi a ni: mi senkhat chu tirtôn hrangin, senkhat chu deipu hrangin, senkhat Thurchi Sa hriltu hrangin, senkhat pastor le irchutirtu hrangin a zuang inkunga.

DÂN INHNINA 17:6

Thu’nhretu inhni dôr mani, thu sika vaiin kêng dêng that thei nin ti; mi inkhat ringot sika chu nin ithat hrang ni ma.

DÂN INHNINA 19:15

Thu’nhretu inkhat vai sikin mi an thil thoa thiam no nin inchangtir hrang ni ma; mi inhni inthuma namindet hrang a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

THUPHUANG 11:2

Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

THUPHUANG 11:6

Khahai khan Pathian thu an insîr sûng chu rua tholoi hranga irvân khâr theina irtha an neia, tui, thisen, inchang theina irtha an nei sa, khabana rammual hi an nuam dôr dengintheina tinrênga dengintheitir theina irtha an nei sa a ni.

THUPHUANG 12:6

Nupangnu kha chu ramchâra Pathianin hmun ar fûk pea, sûn sângkhat irzahni sômruk sûnga enkola a omna hrang tianga khan a rot ta.

THUPHUANG 13:5

Khan, sahrâng kha irpâk thei hrang le Pathian hrilsiat thei hrangin phal a ni, tha sômminli tha hni sûng ircham nei hrangin phal a ni sa.

THUPHUANG 19:10

Khanchu, chubai mûk hrangin a ke bula kin boka, khannisianlân, ama khan ki kuang, “Hiang hin chu tho no roh, kei khom nangma le ni urênghai le Jisua thutak inpuang pomhai suak chanpui kêng ki ni. Pathian chubai mûk roh!” a tia. Thutak Jisua inpuang kha thu’nsîr theina irtha a ni.

THUPHUANG 20:4

Khan, rêngtoihmunhai ki hmua, a chunga mi an toia, kha a toihai kuang khan roirêl thei hrangin irchamneina pêkin an om. Khabana, Jisua inhriatpuitu an nina sik le Pathian thu an inpuangna sika an lu an itan pehai irtha kha ki hmu sa. Anni khan sahrâng le a’rlim chubai mûk mahaia, sahrâng irsinsiana kha an michala mo an kuta mo se mahai. Khahai kha an hong hringa, kum sângkhat sûnga hrangin Krista leh roirêlin an om ta.