THUPHUANG 11:2 - PATHIAN LEKHABU IRTHIANG C.L. Bible (BSI)

² Khannisianlân, Biak in pên tiang chu irkhî no roh, Jentailhai kuang pêk a ni tâk sikin. Anni khan khopui Irthiang kha tha sômminli le tha hni sirpha an ti.

THUPHUANG 11:2 ပူးပေါင်းရင်းမြစ်များ

INPÂKNA HLAHAI 79:1

O Pathian, iamloi namhai chu nir chona hin an lûta, ni biak in irthiang hi an porinchetira, Jerusalem hi an insiat tâka.

ISAIA 48:2

Khopui irthiang mi kin nih nin irtia, Israelhai Pathian iamtu nin irtia, ama irhming chu itinrêng Rengpa a ni.

ISAIA 5:5

Itin ual takin mo ki la isoisakhai hrang? Nang hong hril nôk ki ti, a dôn chin ki ta, inramtir ki ti, a dôn irdoihai insiatpai ki ta, ramsahaiin sirpha an ti.

ISAIA 52:1

O! Jerusalem, har ro, har ro, O Jerusalem, hong thoi inhar ta ro, khopui irthiang Jerusalem, roiinpui takin hor sinsiam ro, sertan loihai le porinche hai, hong lût ta no nihai.

CHAP HLA 1:10

A neinun sa neihai râlhaiin an suta, Nam dang fe phal loina hmuna, Tempila an inlûthai hmuin a om chiana,

EZEKIELA 4:6

Kha zoia khan ni chang tiang delin zâl nôk ni ta, sûn sômminli sûng Judahai sual tuang nôk ni ti, an kum khat sual sik kha sûn khat ni ituang hrang a ni.

EZEKIELA 42:20

A sîr minli khan a’rkhia, a sei lam irzaringa, a khang khom irzaringa a nia, a irhîlin bang a neia, hmun papai le hmun irthiang theithâkna hrangin.

DANIELA 12:7

Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”.

DANIELA 7:19

Khanchu sahrâng minlina, a danghai nêka danglam tak chu ichiom tak, a hahai khom thîr, a mitinhai chu dâr, fâk chût chûta inpotthêra, a ifâk ban chu sirphatu ata kha thutak inhriat ki nuama;

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

DANIELA 8:10

Irvâna omhai phâk rakin a liana, ârsihai khom hnuaia an thâkpaihai theia, a sirphahaia.

DANIELA 8:13

Khanchu, vântirtôn inkhat hin vântirtôn dang kuang hianga ar don hi kin hriata, “I dôr ten mo hi inlârnaa thil hmua omhai hi a iom hrang? I dôr ten mo sualna hin a ni tina thilinhlanhai hmun hi a ilâk mai hrang? I dôr ten mo irvân sipaihai leh hi tempil hi sirbea a iom hrang?” tiin.

DANIELA 8:14

Khan vântirtôn dang iti hi kin hriata, “Sûn sânghni irzathum sûng chu om mai a ta, kha sûng rêng rênga chu zîng tiang le khohloi tiang thilinhlan inhlan ni no ni. Khanchu tempil chu irthiangtir ni nôk a ti,” tiin.

NAMBAR 14:34

Ram nin va enirchikna sûn dôr, sûn sômminli chu, sûn khat irthûla kum khat angin, kum sômminli chu nin tho’nsualna sikin kum sômminli tuang nin ta, khanchu keima nin ni idoina hi a omzia inhre suak ta nin ti.

MATHAIA 27:53

Thânhai kha an mâka, Jisua, thina irthoka thoinôk hnungin khopui irthianga an lûta, kha khan mi tamtak kuang an inlâr ta.

MATHAIA 4:5

Kha hnung chu Diabola khan Jisua kha, Jerusalem khopui irthianga a hruai lûta, tempil sîpa an ngîrtira,

MATHAIA 5:13

“Irnêng michi nin ni, khannisianlân michi hi dong ta ngân sianlân, itina inaltir nôk hrang ma ni? Pai suaka, sirpha chian ti no chu ia khom hmang inruk ni ta no ni.

LUKA 21:24

Khandaiin thi an ta, nam tin kuang suaka hruai indarin om an ta, khan, Jentailhai zoro a mong mâka chu Jerusalem hi Jentailhai isirbe ni a ti.

HEBRAI toc2 HEBRAI 10:29

Pathian Nâipa hnuaisiaa, Pathian thuthung thisen ama irthiangna kha itea bê loia, lungkhamna Irtha êro mi kha idôra dûk rik ual mo tuang sian nin irhoitir?

THUPHUANG 11:11

Khan, sûn thum le chomân hnunga chu Pathian kuang ata hringna phûk an sûnga a zuang lûta, an ke’n an ngîra; khanchu a hmuhai khan an chi ok ta.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

THUPHUANG 12:6

Nupangnu kha chu ramchâra Pathianin hmun ar fûk pea, sûn sângkhat irzahni sômruk sûnga enkola a omna hrang tianga khan a rot ta.

THUPHUANG 21:10

Khanchu, ama khan Irtha’n tâng irsâng lianpa sîpa a ni fepuia, Jerusalem, Khopui Irthiang, Pathian kuang irvân ata zuang chum kha a nin entira.

THUPHUANG 21:2

Khabana, Khopui Irthiang, Jerusalem thar kha, moiin a pasal don hranga a irvô ngai ang khan irzoi diamin Pathian kuang irvân ata zuang chumin ki hmua.

THUPHUANG 22:19

Khan, tukhomin hi hrilna lekhabua thu a paiin chu hi lekhabua a ihril a dongtum hringna thing kunga thei ra le Khopui Irthianghai kha Pathianin indoktir a ti.