THUPHUANG 10:11 - PATHIAN LEKHABU IRTHIANG C.L. Bible (BSI)

¹¹ Khan, ki kuang “Mi tamtakhai, nam tamtakhai; chong tamtakhai le rêng tamtakhai chungchâng thu ni la insîr nôk hrang kêng,” an tia.

THUPHUANG 10:11 ပူးပေါင်းရင်းမြစ်များ

JEREMIA 25:13

Nam tinhai chu vânduaina irkhêl insum hranga irningna chong, Jeremia hmangin ki lei iti, hi lekhabua inchuanga om vânduaina irkhêlhai chu Babulon ram chunga dûk thôna’n nang hmang ki ti.

EZEKIELA 37:4

Khanchu ama’n, “Ruhai kuang hin thu hrilin lân, hi ru chârhai kuang hin Rengpa thu chu irngai roi tiin hril roh.

EZEKIELA 37:9

Khan Pathianin ki kuang, “Mihriam nâipa, phâivuahai kuang thu hrilin lân, an kuang khan Rengpa Pathianin kil tin ata honga, hi mithihai sûnga hin phûk pehaia, inhringtirhai nôk hrangin thu nangni a pêk ti hrilhai ro,” tiin a hrila.

THUPHUANG 10:10

Khanchu, vântîrtôn kuta irthokin lekhabu irzuat tê kha ki lâka, ki fâka; ki bâia chu khuaihlutui ang dôrin a thuma. Khannisianlân, kin vol zoiin chu ki sûnga chu a khâ zap ta.

THUPHUANG 11:1

Khanchu, khianghrol irkhîna khianghrol anga ipêkin ki oma, “Fe’n lân, Pathian biak in le maichâm kha irkhi’n lân, a sûnga Pathian biakhai kha tep sa roh.

THUPHUANG 11:9

Nam tina mihai, chi tina mihai, chong tina mihai le zât tina mihai khan an ruak kha sûn thum le chomân en an ta, phûm phal no ni.

THUPHUANG 14:6

Khan, irnênga mi murdi zât tina mihai, chi tina mihai, chong tina mihai le nam tina mihai kuang tânginsam hrang Thurchi Sa nei vântîrtôn dang irvânlaizôla vuang ki hmua.

THUPHUANG 17:10

ringa chu an inrîl tâka, inkhat chu a lan lala, inkhat chu la hong inlal mah, hong inlal khomsian sôtnote kêng a inlal hrang.

THUPHUANG 17:12

“Irki sôm ni ihmuhai kha rêng sôm a lan lal loihai an ni. Khannisianlân, sahrâng le rênghai angin dârkâr khat chu irchamneina ipêk la ni an ti.

THUPHUANG 17:15

Kha vântîrtôn ngîr khan ki kuang, Notizuarnu toina tui tamtak ni ihmu kha mihai, mipuihai, Jentail hai, le chong dang dang hai an ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.