Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.
Pathian ngêtin a kuanga khan, “Kei Pathian Itinrêngthotheitu ki ni: irchi tam takin hong pung ro; irchi tep zoi loi rak, nam dang dang changin hon pungtir ni ta, nir chi ata rênghai khom la hong om an ti.
khanchu nin urêngpa le Benjamina hi an sua theihaina hrangin Pathian itinrêng tho theiin a lungrîla lungkhamin nangni hmu ri se. Ki nâihai chu an chân a ni le khom inchânhai ta ki ti,” a tia.
Ni pa Pathian, nangma nang changpui hranga Itinrêngthotheiin, chung tianga vân satvurnahai, hnuai tianga satvurnahai, dûttui le rîla ra satvurnahai, Nangma satvur hranga inhrâtin a oma.
Khanchu, Pathianin Mosia kuang khan, “Kei chu ‘OMA KI NI’, a tia. Khanchu nangma’n Israel irchihai kuanga khan, OMA khan nangnihai hruai suak hrangin a ni zuang itîr a ni, ni iti hrang a ni,” a tia.
Ki thu inhriattu ni nih Rengpa thusuakin a ti. Ki siahlo nang ki inthang ni ni, nin hre hrang le ni iam hrangin keima hi Pathian omsun ki nih ti inhriatpui hrangin. Ki om mâna om Pathian dang om mahaia, ki hnunga khom om ta no nihai.
Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.
“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.
Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.
Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,
Pathian suak Mosia hla le Belrate hla an saka, “Rengpa Pathian Itinrêngthothei, Ni sinthohai chu a roiinpuiin ar khêl tak tak! Nangma chu nam tinhai laia Inlaltak, Ni lampuihai chu a felin a dik tak tak!
A bâia irthokin khandai ngaihtak a hong suaka, ama khan nam tin inhnê a ti. Thîr khianghrolin an chunga roirêl a ta, Pathian Itinrêngthothei ningmur inrikna grep sômna khura khan sirpha a ti.
Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.