THUPHUANG 1:6 - PATHIAN LEKHABU IRTHIANG C.L. Bible (BSI)

⁶ khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 1:6 ပူးပေါင်းရင်းမြစ်များ

FESUAKNA 19:6

Khanchu ki tah hrangin ochai chu, nam irthiang ni nin ti; iti hril roh. Hi hi Israelhai laia ni insîr hrang chu a ni, a tia.

ISAIA 61:6

Nangni hi chu ‘Rengpa Ochai’ tih ni nin ti. Pathian sinthotuhai nangni ti an ti. Nam tinhai irchongna chu fa nin ta, an roiinpuinahai leh irvô nin ti.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

JOHANA 5:23

mi murdi’n Pa an imahrip angin Nâipa khom mahrip an ti. Tukhom Nâipa mahrip loi chu ama tîrtu Pa khom an imahrip loi a ni.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

ROM KHUAA MIHAI KUANGA TÎRTÔN PAULA LEKHATHON 15:6

Khanchu, lungrîl inkhat inrualin ei Rengpa Jisua Krista Pa le Pathian kha zâi inrualin inpâk thei nin ti.

FILIPI 2:11

Pa Pathian roiinpuina hrangin mi tinrêngin, Jisua Krista kha Rengpa a ni tiin lan puang an ti.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

1 PETERA toc2 1 PETERA 4:11

Tukhomin thu an sîrin chu Pathian thu ngêt insîr ri se, sinthotu khomin Pathianin irzukna a ipêk angin sin ri se; khanchu Jisua Krista sikin Pathian chu itinrênga inpâka a om theina hrangin, roiinpuina le sinthotheina chu kumtuangin ama ta a ni. Amen.

1 PETERA toc2 1 PETERA 5:11

Ama kuang khan sinthotheina kumkhua’n om ri se. Amen.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.

JUDA 1:25

Pathian omsun, a ni saninhringtu kuang khan, ei Rengpa Jisua Krista zâra, roiinpuina hai, inlalna hai, sinthotheina hai, irchamneina hai zoro theng tâk murdihai ata atûn le kumtuang dênin om mai ri se. Amen.

THUPHUANG 1:9

Kei Johana, nin urêngpa le Jisua hnung zuinaa a Ram mihai chunga dengtheina hong tung diar taka tuangna lama nin chanpuipa ki ni, Pathian thu le Jisua’n thutak a inpuang thu kin puangna sikin Patmos chômbunga intângin ki oma.

THUPHUANG 20:6

Kha thoinôkna masa taka changhai kha chu an vân a sa’n an irthiang a ni. Khahai chunga khan chu thi hnina khan ircham rêng nei ta mah; Pathian le Krista Ochaihai ni an ta, ama leh kum sângkhat roirêl an ti.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 5:10

Kin Pathian sintho hrangin khua le tuia le ochaihaiin ni siam tâka; Khanchu, irnênga roirêl an ti,” tiin hla thar an saka.