THUPHUANG 1:19 - PATHIAN LEKHABU IRTHIANG C.L. Bible (BSI)

¹⁹ Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 1:19 ပူးပေါင်းရင်းမြစ်များ

HABAKUKA 2:2

Khan, Rengpa khan hiang hin a ni sâma: “Inlârna kha irziakin lân, a teptu’n intân puma a tep thei dôra felin lung phêk chunga irziak roh.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 1:11

“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 1:12

Tu mo ni chongpui tih inhriat nuamin ki hong irhêlin chu, rângachak meiser siana sari ki hmua;

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.

THUPHUANG 19:9

Vântîrtôn khan ki kuang, “Belrate irneina hruaithea fialhai chu an vân a sa,” ti irziak roh, a tia. Ama dênin ki kuang, “Hihai hi Pathian thu dikhai a ni,” a ti saa.