THUPHUANG 1:17 - PATHIAN LEKHABU IRTHIANG C.L. Bible (BSI)

¹⁷ Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

THUPHUANG 1:17 ပူးပေါင်းရင်းမြစ်များ

IRPHUTNA 15:1

Kha zoiin chu Abrama kuang Pathianin, “Abram chi no ro, kei hi ni pho le lômman hlutak ki ni,” tiin Rengpa thu chu irmang angin an hriata.

INPÂKNA HLAHAI 139:5

Nang chu ki’rhîlin ni oma; Ni sinthotheina’n ni ni hrung ngaia.

FESUAKNA 14:13

Mosia khan mipuihai kuang khan, “Chi no unglân, lungthiriamin om roi, Rengpa saninhringna a vuan hin nangni a itho pe hrang hi a thîr vai tho roi, a vuana Aigupta mi nin ihmuhai hi, kumtuangin hmuhai nôk ta no chin ni.

FESUAKNA 20:20

Mosia khan, “Chi viat no roi, ama chitna lungrîl nin nei maia, sual sin ta loia nin omna hrangin nangni en irsin hrang vaia Pathian chu a izuang a ni,” tiin a sâma.

FESUAKNA 3:6

Khan kei hi ni pa Pathian, Abrahama Pathian, Isaka Pathian le Jakoba Pathian kha ki ni, a ti pe nôka. Kha tena chu Mosia kha a hmâi a thupa; Pathian a en ngam loi sikin.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 41:4

Hi hi tu moh a phut ata lei rêl, Thoitharhai chunga thil hon tungtirtu hi? Kei Rengpa hi a bul tumtu ki ni, a mongna khom keima ngêt ki ni.

ISAIA 44:6

Itinrêng Rengpa, Israelhai rêng, anni irtanpu Rengpa’n hiang hin a ti: ‘Kei hi a bul le a mong ki ni,’ Keima ti no hi Pathian dang om mahai.

ISAIA 48:12

O ki ikoi ngai Israel, O Jakoba ki thu hi irngai ro, kei hi a bul le a mongna ki ni.

CHAP HLA 3:57

Ki hong khêk tak takin chu a ni zuang nâia, ‘Chi no ro,’ a ni tia.

EZEKIELA 1:28

A kôlvêl vâr chu rotho nia sumrisâng rông ang hi a ni. Hi hi Rengpa roiinpuina inlang dân chu a ni. Kha kha ki hmu’n chu inbok rakin hnuaia ki’rteta, ni chongpuitu irhâi chu kin hriat tâka.

DANIELA 10:12

Ki kuang khan, “Chi no ro Daniela, ni Pathian kuang ni’rngaiintôm hrang le inhrethei hranga nir pêk ni ata ni thuhai chu irngaitua a nia, ni thu sika zuang ki ni.

DANIELA 10:15

Hi thu ang taka ki kuang a hril laiin, kei chu ki kûna, chong thei loiin ki oma.

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

MATHAIA 14:27

Jisua’n a lei chongpuihai zôi zela, “Lungirngam takin om roi, keima kêng ki ini, chi no roi,” a ti pehaia.

MATHAIA 28:4

Sipai a nghâkhai khan an chi hrai tâk sikin an inthinga, mithi angin an om ta.

MATHAIA 28:5

Vântîrtôn khan nupanghai kuang, “Nangni chu chi no roi, Jisua an ihêmbetu kha nin izong a nih ti kin hriat.

JOHANA 13:23

A irchutirhai laia inkhat, Jisua’n lung a ithung kha, Jisua kôla a toia.

JOHANA 21:20

Khan, Petera kha a hong irheia, irchutir, Jisua’n lung a ithung, zânbu fâk laia Jisua tiang va kûna, “Rengpa, tu mo nang a chel hrang?” tia irdontu kha a hnunga a hmua.

THUPHUANG 1:11

“Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 1:4

Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 2:8

“Smurna koiindanga vântîrtôn kuang hiang hin irziak roh: Hi thu hi a maton tak le a hnungkhôn tak, a thia hong hring nôk taktu khan a insîr a ni.

THUPHUANG 22:13

Kei Alfa le Omega, a maton tak le a hnungkhôn tak, a Bul le a Mong ki ni,” a tia.