THUPHUANG 1:11 - PATHIAN LEKHABU IRTHIANG C.L. Bible (BSI)

¹¹ “Ni thil hmuhai hi irziakin lân, Koiindang sarihai: Efesi, Smurna, Pergamos, Thuatira, Sardis, Filadelfia le Laodikei hai kuang thon roh,” a iti kin hriat.

THUPHUANG 1:11 ပူးပေါင်းရင်းမြစ်များ

ISAIA 30:8

Fe’n lân, an mit hmu ngêta irziakna khan irziak ro: kumtuanga inhriat maina hrangin lekha bua irziak lût roh.

JEREMIA 30:2

“Rengpa Israelhai Pathianin hiang hin a ti: Ni kuanga ki thuhril murdi kha lekhabua irziak roh.

HABAKUKA 2:2

Khan, Rengpa khan hiang hin a ni sâma: “Inlârna kha irziakin lân, a teptu’n intân puma a tep thei dôra felin lung phêk chunga irziak roh.

TÎRTÔNHAI SINTHO 16:14

Khahai laia mi ar hming Ludi Thuatira kho mi puan senduk zuar ngai, Pathian chi mi nupang inkhatin kin chong an hriata, khanchu, Paula thu’nsîr kha zôm hrangin Rengpa’n a lungrîl an vâr pea.

TÎRTÔNHAI SINTHO 18:24

Kha laia khan Juda inkhat a’rhming Apolova, Alexandria suak, Efesi-a a zuanga. Ama chu thu’nsîr thei tak a nia, Pathian Thuhai khom an hriat oka.

TÎRTÔNHAI SINTHO 20:17

Mileto-a irthokin Paula’n Efesi khuaa mi a tîra, koiindang upahai an koitira.

1 KORINTH 15:32

Mihriam tho lam ringota Efesi-a sahrânghai irsualpui ki ni’n teh, ki ta hrangin, imo ar fêna om hranga? Mithi kaithoiin an om no hrangin chu senkhathai iti ngai ang khan “Tho fa ei ta, lei in rei, nangtûka ei thi zôi hrang sikin,” an ti ngai.

1 KORINTH 16:8

Efesi khua hin pentikos nî tena chu om ki ti.

EFESI 1:1

Pathian nuam lama Krista Jisua Tirtôn Paula khan, mi irthiang Efesi khuaa om, Krista Jisua mi iamomhai chubai ki mûk.

DÂN INHNINA 31:19

‘Khasikin, hi hla hi irziak suakin lân, Israel mihai kha irchutir ro; an chunga ki milung hoiloizia an inhriatna hrang ni a ti.

KOLOSA 2:1

Nangni le Laodikei khua mi le taksaa ki hmêl hmu loihai khomin idôr tena irnak songin mo nin ta hrangin ki isin ngai nin inhriat ki inuam a ni.

1 TIMOTHEA toc2 1 TIMOTHEA 1:3

Makedonia rama ki fe hrang laia nang ki ingên ang khan Efesi khuaa om mai hrangin nang ki ngên nôk. Mi senkhat thurin dikloi irchutir ngaihai kha khaphai ngêt roh.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

THUPHUANG 1:19

Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 1:2

khanchu, Johana’n a ihmu murdihai kha an sîra. Ama hi Pathian thu le Jisua Krista’n thutak a inpuang an sîrna a ni.

THUPHUANG 1:20

Ama hi ki kut chang tianga ârsi sari ni ihmuhai le rângachak meiser siana sarihai omzia irthup chu a ni: Ârsi sari chu Koiindang sarihai vântîrtôn an nia, meiser siana sari chu Koiindang sarihai an ni.

THUPHUANG 1:4

Johana khan Asia rama Koiindang sarihai kuang: Pathian, A om mai le, om tâka le, la om hranga kuanga irthok ata, A rêngtoihmun makunga irtha sari omhai kuanga irthok ata,

THUPHUANG 1:8

“Keima hi a maton tak le a hnungkhôn tak ki ni,” Rengpa Pathian om mai tâk le om tâka le la om mai hrang, Itinrêngthothei khan a ti.

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.

THUPHUANG 14:13

Khanchu, irvâna irthokin hnukirhaiin, “Hi hi irziak roh: Atûna irthokin Rengpaa thihai chu an vân a sa,” a iti kin hriat. Irtha khan, “A ni tak tak! An sinsôlna irthokin irngam ta an ti; an sinthôna ra khan a zui sikin,” tiin a sâma.

THUPHUANG 19:9

Vântîrtôn khan ki kuang, “Belrate irneina hruaithea fialhai chu an vân a sa,” ti irziak roh, a tia. Ama dênin ki kuang, “Hihai hi Pathian thu dikhai a ni,” a ti saa.

THUPHUANG 2:1

Efesi koiindanga vântîrtôn kuang hi ang hin irziak roh: “Hi thu hi a kut chang tianga ârsi sari chôia, rângachak meiser siana sarihai laia ar lôi maitu khan hi thu hi a insîr a ni.

THUPHUANG 2:12

Pergamos koiindang vântîrtôn kuang hiang hin irziak roh: “Hi thu hi khandai bê hni nei ngaihtak neitu khan a insîr a ni.

THUPHUANG 2:18

Thuatira Koiindanga vântîrtôn kuang hiang hin irziak roh: “Hi thu hi Pathian Nâipa, a mit meichok anga om, a kezaphahai dâr irtêk anga om khan a insîr a ni.

THUPHUANG 2:24

“Khannisianlân, nangni Thuatira kho mi, hi irchutirna saloi pom loia, ‘Setana thu irthup inthûk’ an iti irchu kakai chunga chu puakrik dang ite nangni bôk pe no ning ki iti a ni.

THUPHUANG 2:8

“Smurna koiindanga vântîrtôn kuang hiang hin irziak roh: Hi thu hi a maton tak le a hnungkhôn tak, a thia hong hring nôk taktu khan a insîr a ni.

THUPHUANG 21:5

Khanchu, rêngtoihmuna toitu khan, “Atûn chu thil tinrêng ki siam inthar ta!” a tia. Khabana, “Irziak roh, hi thuhai hi iam a omin an idik kêng,” a ti saa.

THUPHUANG 22:10

Khanchu, ama khan ki kuang, “Hi lekhabu lei hrilna thuhai hi ip no roh, hihai murdi hong tungna hrang hi anai tâk sikin.

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 3:1

“Sardis koiindanga vântîrtôn kuang hiang hin irziak roh: Hi thu hi Pathian irtha sari le ârsi neitu khan a insîr a ni. Ni sinthohai murdi kin hriat; thi chianin, hring irhming ni irput a ni!

THUPHUANG 3:14

Laodikei koiindanga vântîrtôn kuang hiang hin irziak roh: “Hi thu hi Amen, inhriatpuitu diktak le iamom tak Pathian thilsiam bul khan a insîr a ni.

THUPHUANG 3:4

Khannisianlân, Sardis-ah khan an puanhai innimloi, mi tômte nin om. Anni kha puan chek silin ki kuang om ngai an ti, khaanga tho inruk an ni ngai sikin.

THUPHUANG 3:7

“Filadelfia koiindang vântîrtôn kuang hiang hin irziak roh: Hi thu hi mi irthiang tak le a dik tak, Davida châbi neitu, tûte ikhâr theiloi hrang inhong, tûte inhong theiloi hrang khârtu khan a insîr a ni.