RUTHI 4:11 - PATHIAN LEKHABU IRTHIANG C.L. Bible (BSI)

¹¹ Khanchu, dâi mikota mipui murdihai le upahaiin, “An hriatpuituhai kin ni. Ni ina nupang hong lût chu Israel in sûngkua indingtu inhni Rakili le Leaii angin Rengpa’n siam ri se. Nang khom, hi Efrata nam laia hin mi roiinpui tak nin lân, Bethlehem-a irhming inthang takin om roh.

RUTHI 4:11 ပူးပေါင်းရင်းမြစ်များ

IRPHUTNA 23:10

Khan Efrona chu Hit mihai laia a om maia; khanchu Hit mi Efrona chu Hit mihai inhriatin, a khua dâimitzînga lût murdi inhriatin,

IRPHUTNA 24:60

Khan, Rebeki chu bor a pêka, a kuang khan, “Kin farnu nang chu a sîng a sâng tamtak nu hong ni’n lân, nir chihai khom a doituhai ram khom lua zit ri sehai,” an tia.

IRPHUTNA 29:16

Khan Labana’n nâinupang inhni a neia: a uliannu irhming chu Leaii a nia, a nâipang ualnu chu, Rakili a ni.

IRPHUTNA 29:25

Khan, hiang hi a hong nia, zîng khua a vârin chu Leaii kha kêng a ni pe tâka; khanchu Jakoba chu Labana kuang khan, “Ki chunga ni thil tho hi imo a omzia a ini tâk? Rakili lua hrangin samâk ki ichang mo ni ma? Itho sika ni ni ihuang mo?” a tia.

IRPHUTNA 29:32

Khan Leaii chu an râia, nâipasal a neia, a’rhming chu Reubena a tia: “RENGPA’N ki dengtheizia a ni hmu sika a ni; atûn ata chu ki pasalin lung ni thung ta a ti,” a tia.

IRPHUTNA 35:23

Leaii nâihai chu Reubena (Jakoba nâilutîr) Simona, Levia, Juda, Isakara, le Jebuluna hai an nia.

IRPHUTNA 35:24

Rakili nâihai chu Josefa le Benjamina an nia:

1 RÊNGHAI 21:8

Khanchu, Ahaba irhmingin lekha a’rziaka, irsinsiana an danga, Nabota omna khuaa ulian roirêltuhai a thona.

1 THURCHI SUINA 2:51

A nâipa Salma chu Bethlehem khua indingtu a ni, a nâi mi tumtak Harefa chu Bethgadar khua indingtu a ni.

INPÂKNA HLAHAI 132:6

Irngai ta, Bethlehem-a a Thuthung Bôm thurchi ei inhriata, Jearim hmuna ei hmu tâka.

THUVÂRHAI 14:1

Nupang vârin in an sin ngaia, nupang into’n chu ama kut ngeiin in a set ngai.

THUVÂRHAI 31:23

a pasal chu mipui kâra ram dang ulianhai leh an toi lai khomin mi imahrip tak a ni ngai.

JEREMIA 32:10

irchôkna ngai lekhaa khan ki’rhming ki’rziaka, ki’rmantira, an hriatpuitu ki zonga, khanchu sum kha a varna leh ki vara.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

MATHAIA 2:6

“Nang, Bethlehem, Judai rama om, Judai ram khopui laia hin chîn ual hliak mak che, Ni sûng ata optu a zuang isuak hrang a ni, ki mi Israelhai hruaitu hrang chu iti hi,” tiin an sâma.

DÂN INHNINA 25:7

Thi tâk urêngpa’n a lua nuam no’n chu, kha hruaituhai kuang nupang kha fe a ta, ‘Ki pasal urêng hin urêng tho hrang, a urêng thi tâk irchi, Israel laia a’rhmang loina hrangin chi tha nuam ma,’ a iti hrang a ni.

DÂN INHNINA 25:9

kho hruaituhai makunga a kekok inkhat kha nupang khan khekpai pe a ta, ‘Mâni urêng irchi thâk pe nuam loi kha hianga tho ni a tih’ ti a ta, a hmâia a inchil hrang a ni.

RUTHI 1:2

A’rhming chu Elimelek a nia, a dôngma irhming chu Naomi a ni, a nâipasal hnihai irhming chu Mahlona le Kiliona an ni. Judai ram Bethlehem khuaa Efrata mi an ni. Moab rama khan an fea, kha khan an om mai tâka.