RUTHI 3:7 - PATHIAN LEKHABU IRTHIANG C.L. Bible (BSI)

⁷ Boaza chu fâk nêk ar zoiin raifân takin bu pông kôla khan zâl hrangin a fe tâka.

RUTHI 3:7 ပူးပေါင်းရင်းမြစ်များ

IRPHUTNA 43:34

Khan Josefa’n an dongtum hranghai chu semin, a bîkin Benjamina dongtum hrang chu mihai nêkin voiringa’n a tam ual bîka, khanchu uainhai inin a sân a hoi ti takin an om ta a ni.

2 SAMUELA 13:28

Absaloma’n a zuituhai kha chong a bêhaia, “Amnona’n uain a ina an rui kha lei en chak unglân, that hrangin thu nangni ki pêkin chu, that roi, chi no roi. A mophurna chu keima’n pêl ki ti. Hâitakin om unglân, lungôkinchain om no roi duah,” a tia.

1 RÊNGHAI 21:7

Khan a dôngma Jezebeli’n, “Thoiin lân, raifân takin bu ne ro, Jezreel mi Nabota grep irhuan ni lâk thei hrang dân nang ngaitua pe ki ti,” a tia.

ESTHERI 1:10

Sûn sari nia chu, uain sikin rêng lungrîl a hong lôm tâka, khanchu, thainuzel sarihai Mehumana, Biztha, Harbona, Bigthana, Abagtha, Zethara, Karkasa ama siahlo bîkhai chu a koihaia.

INPÂKNA HLAHAI 104:15

Mihriam lungrîl inlômtirna hrang sahriak le mihriam lungrîl inhrâttirna bai le.

THUHRILTU 10:19

Hruaithena hi raifânna hranga a nia, uainin nunchan chu irthafân takin a siama. Khannisian sum le puan boiin chu an ruai khan nei thei ni mah.

THUHRILTU 2:24

Mihriam ta hranga satak chu fâk le nêka raifân taka a ihmang hi a ni. Khannisian hi khom hi Pathian ata a nih ti kin hriat suaka.

THUHRILTU 8:15

Khasikin nunkhonhoi taka hringnun hmang hi a poimo a nih ti kin hriata, i sika mo ei tia ni’n chu mihriamin hi hring sûnga, a ta hranga satak le a itho theisun chu fâk le nêka nunkhonhoi hmang hi a ni sikin. Kha kha irnêng chunga Pathianin an sin hrang a ipêkhaia khan raifânna’n zuihai ta a ti.

THUHRILTU 9:7

Fe’n lân, lôm takin ni bai fa ro, ni uain chu milung raifân takin in ro; ni sinthohai chu Pathianin a pom tâk sikin.

1 KORINTH 10:31

Khaang khan, nin isin murdi, nin ifâk le nin i-in murdi Pathian roiinpuina hrangin tho roi.

EFESI 5:18

Uain inrui uar ta no roi, siatna bul a ni, Irtha sip ual roi.

ROIRÊLTUHAI 16:25

An lôm tak taka, “Samsona kh a hong hruai u ta, nuiza siamna’n lei hmang rei,” an tia. Intângna in ata Samsona chu an hong hruai suaka, nuiza siamna’n an hmang tâka, chopui le chopui inhni kâra an inngîrtira.

ROIRÊLTUHAI 19:22

Râifân le lômtaka bu an fâk laiin khopuia mi sual pôlin in kha an hong irhuala, mikot chu an hong suk tuk tuka, in neipu tarpa kuang, “Ni ina mikhual tunghai kha hong hruaisuak ta, lei irpôlpuihai ro ung,” an tia.

ROIRÊLTUHAI 19:6

Khanchu, an toi khôma, an ruaiin an fâkin an in tâka. A tarpu’n, “A vuan zân chu riak nôk phot roi, nin lungrîl chu râifân takin om roi,” a tia.

ROIRÊLTUHAI 19:9

Khan ama chu a lâksîr le a siahlo leh ile fe hrangin an irthokin chu a tarpu’n, “Irngai ta, khohloi a ini tâk kêng, la châm nôk hi roi. Misa a tâk hrang reng a ni tâka, hi hin riak unglân, bu le anh la hei fa nôk hi rei. Nangtûk zînga thoi nin ta, in tiang fe nin ti,” a tia.

RUTHI 3:6

Khanchu, hruizôla khan Ruthi a zu fea, a tarpi ihril lam ang takin a thoa.

RUTHI 3:8

Zân chimrip tena chu Boaza a hong hara, a va’rheiin chu a ke thuana nupang lei zâl mai kha a hmu tâka.