RUTHI 1:17 - PATHIAN LEKHABU IRTHIANG C.L. Bible (BSI)

¹⁷ Ni thinaa thi ki ta, kha khan phûmin om ki ti. Nang le kei hi thina ni loia thil dangin ni sen hrang nêkin chu Rengpa’n i ang khomin a nuam nuamin ni lo ri se,” a tia.

RUTHI 1:17 ပူးပေါင်းရင်းမြစ်များ

2 SAMUELA 15:21

Khannisianlân, Itaia khan rêng kuang khan, “Rengpa hringna le rêng, ka pu hringna irhming sâmin ki ti, thi le thi, dam le dam, ni fena hmun tina ki ife sa hrang a ni,” a tia.

2 SAMUELA 19:13

Amasa kuang, “Ki thisen irzompui mo ni mak che? Atûna irthokin Joaba irthûla ki sipai hruaituin nang ki siam no’n chu, Pathianin a nuam nuamin ni lo ri se, kha nêka na ual khomin, a ti va ti roi,” a tia.

2 SAMUELA 3:35

Sûn sôtin mi murdihai khan Davida kha fâk inzongtir hrangin an inthêma; khannisianlân Davida khan, “Misa a tâk mâka chu bu mani, thil dang mani ite ki irtem a omin chu, Pathianin a ilo loin ni lo ri se, hi nêka irkhêl ual khomin,” tiin chong an kunga.

2 SAMUELA 3:9

Saula le a insûngkuahai kut ata ram kha lapai pea, Israelhai le Judahai chunga Dana irthokin Beerseba dênin Davida rêngtoihmun indingtir nôk hrangin Rengpa’n Davida kuang chong a irkhâm angin ki tho tuanintung no’n chu Pathianin Abnera chu a ilo lam takin lo ri se, kha nêka irkhêl ual khomin,” a tia.

1 RÊNGHAI 13:31

An irvûi zoiin chu a nâihai kuang khan, “Ki thi tena chu hi thâna hin kei khom ni phûm unglân hi pa kôla hin nin zâltir roi, a tia.

1 RÊNGHAI 19:2

Jezebeli’n Elija kuang khan, “Deipuhai chunga ni itho angin nangtûk, hiang zoro hin nang ki that no’n chu pathianhaiin an inuam angin ni lo ri sehai, a sate’n deng nin theitir ri sehai,” a tih tia hril hrangin mi a tîrhaia.

1 RÊNGHAI 2:23

Reng Solomona’n Rengpa irhming sâmin hiang hin chong ar chama, “Adonija’n chu a thina hrang a izong a ni no’n chu Pathianin a inuam angin a ni lo khoma a satea dengthei khomin a tia.

1 RÊNGHAI 20:10

Khan Benhadada’n hiang hin a hong hril nôka, “Samari khua irhmangtir chit hrangin ki mi tamtak zuang tîr ki ta, ite inzôk no ni ung. Khaang khan ki tho no tâkin chu, Pathianhaiin an inuam angin ni soisak ri sehai” a tia.

2 RÊNGHAI 6:31

“A vuan misa a tâk mân hin Safata nâipa Elisa lu hi ki lâk no zelin chu Rengpa’n a nuam a ningin ni soisak ri se,” a tia.

INPÂKNA HLAHAI 45:10

O, ki nâinu, irngaiin lân, irngaitua’n lân, ni mikuar sung ro; Ni mihai le ni pa ina mihai chu irnghil ro;

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

RUTHI 1:16

Khannisianlân Ruthi’n chu, “Nang mâksan hrang le nang zui loi hrangin chu nin thêm no ro; ni fena ti tiang fe ki ta, ni riakna ti tiang riak ki ta, nir chihai chu ki’rchihai ni an ta, ni Pathian chu ki Pathian ni a ti.

RUTHI 4:15

ama chu ni ta hranga hringna inthar nôktu le ni tar tianga nang a donsuitu la hong ni a ta, ni moinu nang lungthungtu hi nâipasal sari nêka tama hlu ual, ama chu nang a nei pe tâk a ni,” an tia.

1 SAMUELA 14:44

Saula’n a kuang, “Nang a that noa ni’n chu Pathianin nang a ilo lam takin nang lo ri se, kha nêka intak ual khomin,” a tia.

1 SAMUELA 20:13

Khanchu ka pa khan ni chunga thil saloi tho a tuma nang ki hong hril noa, ni zôkna hrang lampui nang ki zong pe no’n chu Rengpa’n a ni lo lam takin ni lo ri se. Kha nêka natinsat ual khomin. Rengpa chu ni kuang om ri se. Ka pa kuanga a iom ngai ang khan!

1 SAMUELA 25:22

Nangtûk zîng khovâr mân, kha pa ta murdi laia pasal nâipang inkhat lua khom ki hôi pea ni’n chu Pathianin Davida hi a nuam nuamin ni lo ri se. Hi nêka na ual khomin ni lo ri se,” a ti tâka.

1 SAMUELA 3:17

Elia khan, “I thil mo Rengpa’n ni kuanga a insîr? keima kuang ite ip nei no ro duah. Ni kuanga a insîr murdi kha keima kuang ip ni neiin chu, Pathianin irkhêl takin kuttum nan tuangtir ri se,” a tia.