RUTHI 1:16 - PATHIAN LEKHABU IRTHIANG C.L. Bible (BSI)

¹⁶ Khannisianlân Ruthi’n chu, “Nang mâksan hrang le nang zui loi hrangin chu nin thêm no ro; ni fena ti tiang fe ki ta, ni riakna ti tiang riak ki ta, nir chihai chu ki’rchihai ni an ta, ni Pathian chu ki Pathian ni a ti.

RUTHI 1:16 ပူးပေါင်းရင်းမြစ်များ

2 SAMUELA 15:21

Khannisianlân, Itaia khan rêng kuang khan, “Rengpa hringna le rêng, ka pu hringna irhming sâmin ki ti, thi le thi, dam le dam, ni fena hmun tina ki ife sa hrang a ni,” a tia.

INPÂKNA HLAHAI 45:10

O, ki nâinu, irngaiin lân, irngaitua’n lân, ni mikuar sung ro; Ni mihai le ni pa ina mihai chu irnghil ro;

THUVÂRHAI 17:17

Rual sain chu itiklai khom lungthungna an langtir ngai. Irzirpui hi chardong nia hmang hranga suak a ni.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

DANIELA 2:47

Rêngin Daniela kuang khan, “Hi thilirthup ni inpuang theinaa hin, nin Pathian chu pathiante-hai Pathian, rênghai RENG, thilirthup inpuangtu a lei ini pial kêng a ini,” a tia.

DANIELA 3:29

“Khasikin mi tin, nam tin, chong tinhaiin Sadraka, Mesaka le Abednego-hai Pathian chunga thil saloi hril murdi chu sâtpai ni an ta, an inhai khom insiat ni an tih ti thupêk ki siam nôk ta. Ama ang dôra sansuak theitu pathian dang rêng rêng om ta mahai,” a tia.

DANIELA 4:37

Khanchu kei Nebukadnezara’n irvân Rêng chu kin pâka, ki ichôiirsângin ki inzâ a ni, a sintho a fel sikin; mualinphoia omhai khom a irhnuaitir thei a ni.

HOSEA 13:4

Kei rêk hi chu Aigupta ram ata kha, Rengpa ni Pathian kha ki nia, kei ti no chu Pathian dang inhre ngai mak chea, keima ti no hi chu saninhringtu dang om mahai.

ZAKARIA 8:23

Kha nikhuahaia khan chu ram dang mi sômkhat chu Juda mi inkhat kuang zuangin, ‘Pathian chu nin kuang a om ti kin inhriat sikin, keini khomin nangni zui kin ti’ tiin la hril an ti, a tia.

MATHAIA 8:19

Dân irchutirtu inkhat a honga, a kuang, “Irchutirtu ni fena kipa nang zui ki ti,” a tia.

JOHANA 13:37

Petera’n, “Rengpa, itho sikin mo atûn hin nang ki izui thei loi hrang? Nangma hrangin chu thi khom ki’rhuam kêng,” a tia.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

JOSUA 24:18

Hi rama kin hong tung khomin Rengpa’n kin matona lei om, Amor mihai an hnotsuak zit a ni kha. Khasikin, Rengpa sin hi ei tho hrang chu, ama vai hi ei Pathian chu a ni,” an tia.

THUPHUANG 14:4

Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

RUTHI 1:15

Khan Naomi’n, “En ta, ni moi chanpuinu chu a mihai le a pathian tiang a kîr nôk tâk so, nang khom ni moi chanpuinu zuiin ni in tiang kîr nôk ta roh,” a tia.

RUTHI 1:17

Ni thinaa thi ki ta, kha khan phûmin om ki ti. Nang le kei hi thina ni loia thil dangin ni sen hrang nêkin chu Rengpa’n i ang khomin a nuam nuamin ni lo ri se,” a tia.

RUTHI 2:6

A siahlo, bu âttuhai chunga hruaitu’n, “Hi mi hi Moab nupang, Moab ram ata Naomi leh hong kha a ni.

RUTHI 4:15

ama chu ni ta hranga hringna inthar nôktu le ni tar tianga nang a donsuitu la hong ni a ta, ni moinu nang lungthungtu hi nâipasal sari nêka tama hlu ual, ama chu nang a nei pe tâk a ni,” an tia.