ROM KHUAA MIHAI KUANGA TÎRTÔN PAULA LEKHATHON 9:5 - PATHIAN LEKHABU IRTHIANG C.L. Bible (BSI)

⁵ irchibulhai kha an puhai an nia, taksa tianga suiin chu Krista ngei khom kha an irchi a ni; itinrêng chunga om Pathian chu kumtuanga inpâkin om ri se! Amen.

ROM KHUAA MIHAI KUANGA TÎRTÔN PAULA LEKHATHON 9:5 ပူးပေါင်းရင်းမြစ်များ

IRPHUTNA 12:3

Khan sat nang vurtu murdihai satvurhai ki ti. Khua nang sâltu chu khuasâlhai ki ti, nangmaa khan irnênga nam tin satvurin la om an ti,” a tia.

IRPHUTNA 49:10

Reng khianghrol chu Juda kuang ata irsam no nia; roirêltu khianghrol khom a ke kâr ata irsam no ni. Nam tinin ama thu la zôm an ti.

1 RÊNGHAI 1:36

Jehoiada nâipa Benai khan, “Amen, ka pu, ni Pathian Rengpa’n namindet ri se.

1 THURCHI SUINA 16:36

Rengpa Israelhai Pathian chu inpâk unglân, Kumkhua, kumkhontuangin inpâk roi, Mi murdihaiin “Amen,” an lei tia, Rengpa chu an inpâka.

INPÂKNA HLAHAI 103:19

Rengpa khan a rêngtoihmun kha irvânhai khin an dettira; A ram chu itinrêng chunga roi a rêla.

INPÂKNA HLAHAI 106:48

Rengpa, Israelhai Pathian chu, inpâkin om ri se, Kumtuang ata kumtuang khomin. Mi murdi khan, “Amen,” ti ri se. Rengpa chu inpâk roi.

INPÂKNA HLAHAI 41:13

Rengpa, Israel Pathian chu kumtuang ata kumtuang dênin inpâkin om ri se. Amen, Amen.

INPÂKNA HLAHAI 45:6

O Pathian ni rêngtoihmun chu kumtuangin a iom hrang a ni: Theibîk nei loina rêng khianghrol chu ni ram rêng khianghrol chu a ni.

INPÂKNA HLAHAI 72:19

A’rhming roiinpui tak hi kumkhua’n inpâkin om sa sianlân; Irnêng pumpui khom hi a roiinpuinaa insipin om ri se. Amen, Amen.

INPÂKNA HLAHAI 89:52

Rengpa chu kumkhua’n inpâkin om ri se. Amen, Amen.

ISAIA 11:1

Thing phûrna bul a hong incher nôk ang hin, Jesaia irchi ata rêng thar hong suak a ti:

ISAIA 7:14

Rengpa ngêtin irsinsiana nang irhmutir a ti: Irngai ro, dôngmate’n nâi vong a ta, nâipasal nei a ta, a’rhming hrangin ‘Immanuel’ phua a ti.

JEREMIA 28:6

“Inhre mai hranga sa chu a ni. Rengpa’n tho a tih ti ki iam. Ni leihrilna chu a tak changin Babulon rama neinunhai chôia omhai le mipui sala hruaia omhai khom hong chôiin, hong hruai kîrhai a ti, ki iiam ngit a ni.

MIKA 5:2

Khannisian nang Bethlehem Efrata, Juda rama sâng tamtakhai laia kopa a sân chîn khomin lân, nangma ata hi Israelhai roirêltu hrang kha ki ta hrangin zuang suak a ta; a zuang suakna kha tianlai ata le kumtuang ata a ni.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

LUKA 20:44

Davida’n ama kha, ‘Rengpa’ a tiin teh, itin mo Mesia kha Davida nâipa a ini thei hrang?” a tia.

JOHANA 10:30

Keima le Pa chu pumkhat kin ni,” a tia.

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

TÎRTÔNHAI SINTHO 3:13

Abrahama, Isaka le Jakoba Pathian, ei irchibulhai Pathian khan a tîrtôn Jisua kha a ichôiindôm tâk a ni. Ama kha nin incheltira, Pilata’n insua a tum khomin nin sêl ngot kha a ni.

ROM KHUAA MIHAI KUANGA TÎRTÔN PAULA LEKHATHON 1:25

Pathian thutak nêkin milak an inthanga, a siamtu biak nêkin a isiam kha biakin a sin an tho tâka. A siamtu chu kumtuanga inpâkin om ri se. Amen.

ROM KHUAA MIHAI KUANGA TÎRTÔN PAULA LEKHATHON 1:3

A Nâipa, ei Rengpa Jisua Krista thu chu taksa tiang ei suiin chu Davida irchia suak a nia,

ROM KHUAA MIHAI KUANGA TÎRTÔN PAULA LEKHATHON 10:12

Juda mani, Grik mani ite danglamna om ual mah; Rengpa inkhat chu an rênga Rengpa a ni; ama irlamtu murdi hrangin itinrêng a nei intam a ni.

ROM KHUAA MIHAI KUANGA TÎRTÔN PAULA LEKHATHON 11:28

Thurchi Sa an hnôl sikin Judahai chu Pathian râl an nia; nangni dongtum a saa; Khannisian, Pathianin an thang sikin irchibulhai zâra a rual lungthunghai an ni.

1 KORINTH 14:16

Pathian kuanga irtha vaiin lômthu nin sîrin te, inkhôma hong chang mi narânhai khan nin chong kha inhriat no nihaia, nin lômthu insîra khan itin mo “Amen” an iti thei hrang?

2 KORINTH 11:31

Rengpa Jisua Pa le Pathianin milak ki itho loizia an hriat. Ama kha kumtuangin inpâkin om ri se.

DÂN INHNINA 10:15

khaang dôra mi roiinpui khan nin puhai kha a sân lung a thunghaia, nam dang murdihai nêkin nangni a inthang lik tâk a ni.

1 TIMOTHEA toc2 1 TIMOTHEA 3:16

Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.

1 TIMOTHEA toc2 1 TIMOTHEA 6:15

An lârna kha chu a zoro taka Pathian inpâkrua le Roirêltu om sun, rênghai rêngtak le rênghai Reng khan intung a ni.

2 TIMOTHEA toc2 2 TIMOTHEA 2:8

Thurchi Sa ki hril ngai, Jisua Krista, Davida irchia mi, mithi lai ata thoi nôk tâk thu kha inhre mai roh.

HEBRAI toc2 HEBRAI 7:24

Khannisianlân, Jisua chu Kumkhontuangin a hring mai sikin a ochai sin kha tûte’n thûl mahai.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 1:18

A hring kha ki ni! Thina chunga le mithi khua chunga khom ircham ki nei.

THUPHUANG 22:16

“Kei, Jisua’n, hi thuhai hi Koiindanghai nin kuanga inpuang hrangin ki vântîrtôn ki zuang tîr a ni. Davida bulpui le a chi, sikhovâr vârtak ki ni,” a tia.

THUPHUANG 22:20

Hi thu inhretuhai hin, “A ni tak tak! Ki izuang hrang tâk kêng!” a ti. Amen, zuang ta roh, Rengpa Jisua!

THUPHUANG 5:14

Thilhring minlihai khan “Amen!” an tia, upahai khan inbokin chubai an mûka.