ROM KHUAA MIHAI KUANGA TÎRTÔN PAULA LEKHATHON 9:2 - PATHIAN LEKHABU IRTHIANG C.L. Bible (BSI)

² Ki lungrîl intak lam irkhêlzia le ki chardongna a iboi thei loizia hi!

ROM KHUAA MIHAI KUANGA TÎRTÔN PAULA LEKHATHON 9:2 ပူးပေါင်းရင်းမြစ်များ

INPÂKNA HLAHAI 119:136

Ki mitrithi hi tuidung angin a luang dût dûta, Mihaiin ni dân an zôm no sikin.

ISAIA 66:10

Jerusalem tuangpuituhaio, lômpui unglân, hi khopui indittuhaio, lôm ving roi.

JEREMIA 13:17

Nin mikuar nin sung nuam noa ni’n chu, nin irsongna sikin dâihrekin chap ki ti: chap ngûi ngûi ki ta, ki mitrithi luang zun zun a ti. Rengpa mihai chu intângna ina intâng hranga hruai an ni tâk sikin.

JEREMIA 9:1

Ki lu hi tuikuang ni sian, ki mitrithi hi tuipût ni ri se, ti ki inuam chu! Ki mi thata omhai hrangin, a sûn a zân ki ichap hrang a ni.

CHAP HLA 1:12

Khualinzin chaiirvâkhai kuang khan, Ni en roi, tukhom keima anga tuang hi la om ngai mahai. Rengpa ningmurna nikhua a tunga, ki itong a ni ta hi:

CHAP HLA 3:51

Khopui sûnga nupanghai tuang lam ki hmu ualin, ki milung a na u ual ngai a ni.

EZEKIELA 9:4

Khan, Rengpa’n a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

ROM KHUAA MIHAI KUANGA TÎRTÔN PAULA LEKHATHON 10:1

Urênghaio, ki chipuihai kha saninhringin omhai sian tih hi ki inuamlam le Pathian kuanga ki ingên tak ngai a ni.

ROM KHUAA MIHAI KUANGA TÎRTÔN PAULA LEKHATHON 9:1

Kristaa khan thu dik tak ki insîr a ni; milak ma ung: Irtha Irthiang zâra ki sia le sa inhriatna khomin an hriat infel a ni.

ROM KHUAA MIHAI KUANGA TÎRTÔN PAULA LEKHATHON 9:3

Ki urênghai, taksa tianga ki chipuihai irthûla hin khosâl tongin Krista kuang ata indang ni inlân, ki ti rak ngai a ni.

FILIPI 3:18

An om dâna Krista kros râl tamtak an om ti nangni ki hril mai ngai kha, atûn khom chap pumin nangni ki ihril nôk a ni.

THUPHUANG 11:3

Ki inhriatpuihai inhni bora puan silin tîr ki ta, sûn sângkhat irzahni sômruk sûnga khan Pathian thu insîr an ti,” a tia.

1 SAMUELA 15:35

Khaangin Samuela chu a thi nî dênin Saula chu va’rtongpui nôk ta maka; khannisianlân, Samuela kha Saula sikin beiindong takin a iom tâk a ni. Rengpa khan Israelhai rêng ni hranga Saula a lei iphun kha a irsîr tâk a ni.