ROM KHUAA MIHAI KUANGA TÎRTÔN PAULA LEKHATHON 8:9 - PATHIAN LEKHABU IRTHIANG C.L. Bible (BSI)

⁹ Pathian Irtha kha nin kuang a omin chu taksa mi ni ta mak chêia, Irtha mi nin ni ual ta a ni. Tukhom Krista Irtha nei loi chu ama mi ni mah.

ROM KHUAA MIHAI KUANGA TÎRTÔN PAULA LEKHATHON 8:9 ပူးပေါင်းရင်းမြစ်များ

EZEKIELA 11:19

Anni chu lungrîl hmunkhatin siam ki ta, lungrîl thar pêk ki ti; khan an taksa ata lungrîl lung anga ngar chu la ki ta, an kuanga khan taksa lungrîl irnêm pe ki ti.

LUKA 11:13

Khasikin, nangni mi sualhai luan nin nâihai thil sa pêkna châng nin inhriatin te nin pa irvâna mi khan a nghituhai kha Irtha Irthiang a ipêk hrang mo ni mah!” a tia.

JOHANA 14:17

Irtha dik tak chu, rammualin nei thei maka, ama an hmu thei no sik le ama an inhriat no sikin. Nangni’n chu ama nin inhriat, nin kuang a om maia, nangnia a om mai sikin.

JOHANA 14:23

Jisua’n a sâma, “Mi’n lung an ni thungin chu ki thu khom zôm a ta, ka Pa’n ama kha lungthung a ta, a kuang zuang kin ta, a kuang om mai kin ti.

JOHANA 3:34

Pathian itîr khan Pathian thu an sîr ngai, Pathianin ama Irtha irkip a pêk sikin.

JOHANA 3:6

Taksaa irzir ka chu taksa mi a nia, irthaa irzir ka chu irthaa mi a ni.

TÎRTÔNHAI SINTHO 16:7

Musia ramri an tungin chu Bithunia rama fe an tuma, khannisian, Jisua Irtha khan phal maka.

ROM KHUAA MIHAI KUANGA TÎRTÔN PAULA LEKHATHON 7:5

Taksaa ei om lai khan dân sika ei inuamlam sual hong suakhai chu ei takpum ônhai thina hrang dôra ra hrangin sin a hong tho ngai.

ROM KHUAA MIHAI KUANGA TÎRTÔN PAULA LEKHATHON 8:1

Khasika khan atûn chu Krista Jisua omhai ta hrangin chu thiamno inchangtirna zel om ta mah.

ROM KHUAA MIHAI KUANGA TÎRTÔN PAULA LEKHATHON 8:11

Mithi lai ata Jisua kaithoi nôkpu irtha kha nangnia a omin chu, thina irthoka Krista Jisua kaithoi nôkpu khan nin takpum thi thei kha nangnia ama Irtha inomtirin nin takpum thi thei kha inhring a ti.

ROM KHUAA MIHAI KUANGA TÎRTÔN PAULA LEKHATHON 8:2

Krista Jisuaa hringna Irtha dân khan sual le thina dân ata chu a nin suaktir tâka.

1 KORINTH 15:23

Aniachu, mâni zoro senga kaithoi ni an ti; a masa taka Krista a nia, Krista tahai chu a zuang nôk tika kaithoiin om an ti.

1 KORINTH 3:16

Pathian in nin nih ti le Pathian irtha nangnia a om tih nin inhriat loi ma ni?

1 KORINTH 6:17

Khannisianlân, Rengpa irzompui mi kha chu irtha pumkhat an ni.

1 KORINTH 6:19

Nin takpum kha nin sûnga om Pathian nangni ipêk Irtha Irthiang in a nih ti nin inhriat loi ma ni? Mâni ta ni ta mak chêia,

2 KORINTH 10:7

Thilhai hi a chungphuaa an inlang dân nin ien a ni. Kha khan tu mo khat Krista mia irbe a iom ma ni? A sa, a omin chu, a bingin a chungchâng ngaitua nôk ri se, ama a ini ang takin keini khom Krista ta kin ni sikin.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

GALATIA 4:6

Nâi nin nih ti a felna hrangin, Pathian khan a Nâipa Irtha kha ei milung sûnga a hong tîra, “Abba, Ka pa” tiin a khêk suak ngai.

GALATIA 5:24

Jisua Kristaa omhai khan an taksa irzukna hai le nuamna hai khan an hembe ta a ni.

EFESI 1:13

Nin saninhringna Thurchi Sa, thutak kha nin inhriatna khan Pathian mihai nin hong ni ta. Krista nin iam sikin Pathianin Irtha Irthiang inkung kha nangni pêkin, Ama ta nin nih ti irsinsiana nin chunga a isia a ni.

EFESI 2:22

Nangni khom amaa khan Irthaa Pathian omna in hrangin mi danghai leh sia insa nin ni.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

FILIPI 1:19

Nin ni chongchai pe sik le Jisua Krista Irtha changpuina sikin sansuak ki ni hrang tih kin hriat ta.

2 TIMOTHEA toc2 2 TIMOTHEA 1:14

Ni chunga irnghat, thilpêk roiinpui tak kha, einia a om ngai, Irtha Irthiang hmangin a sân vong insa roh.

1 PETERA toc2 1 PETERA 1:11

Annia Krista irtha om chu, Krista tuangna le a hnunga chôiindôma a om hrang thu, a lei inhriattira, i zoroa mo zuang tunga, itina zuang tung hrang moh ti inhriat an tum ngai a ni.

1 JOHANA 3:24

Pathian thupêk zômtu chu Pathiana a om maia, Pathian khom a kuang a iom mai a ni. Khan, hi hi Pathian einia a om mai tih ei inhriatna a ni: Irtha a ni ipêk hi a ni.

1 JOHANA 4:13

A’rtha ni pêk hi Amaa ei oma, Ama khom einia a om tih ei inhriatna chu a ni.

1 JOHANA 4:4

Nâihaio, nangni chu Pathian ata suak nin nia, nangnia om Irtha kha rammuala om nêkin chu a roiinpui ual sikin deipu dolhai kha nin ngam tâk kêng.

THUPHUANG 13:8

Irnêng le irvân siam mâna that tâk Belrate hringna bua irhming chuanghai ti no’n chu irnêng chunga om mi murdi’n chubai mûk an ti.

THUPHUANG 20:15

Tukhom hringna lekhabua ar hming chuang loi ka chu meidîla khan an pai thâk sa ta.