ROM KHUAA MIHAI KUANGA TÎRTÔN PAULA LEKHATHON 8:7 - PATHIAN LEKHABU IRTHIANG C.L. Bible (BSI)

⁷ Taksa nuamlam chu Pathian a doia; Pathian Dân zôm maka, zôm khom zôm thei ual mah;

ROM KHUAA MIHAI KUANGA TÎRTÔN PAULA LEKHATHON 8:7 ပူးပေါင်းရင်းမြစ်များ

2 THURCHI SUINA 19:2

Deipu inkhat, Hanana nâipa, Jehua’n rêng kha a hmua, a kuang, “Mi sual changpuia Rengpa ihruaihai tianga kop hi a sa mo ni ti? ni sintho hin Rengpa ning an murtir pe ok a ni.

JOBA 15:13

Pathian chunga ningmur nir lâka, ni doia; Ni hmûrin ni ihnôl a ni hi.

INPÂKNA HLAHAI 53:1

Mi’nvêtin chu a lungrîlin, “Pathian reng om mah,” a ti ngaia. An siat zoia, thil sual intirom tak an thoa; Tûte thil sa tho reng om mahai.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

JEREMIA 13:23

Ethiopia mi dukin a vun rông indanglamtirin, keiârsi’n a zia a ithûl thei ma ni? An theiin chu, nangni sualna ti loiin thil dang tho ngai loihaiin thil dik sin irchu thei nin ti.

EZEKIELA 14:5

Israel insûngkuahai chu an millim sika an ni irheisan tâk sikin an lungrîl tak ki man theina hrangin zuang sâmhai ki ti.

MATHAIA 12:34

Mirûl irchihaio, nangni’n sual nei chianin itin mo thu sa nin insîr thei hrang? milunga lêt raka sip hi kêng bâiin a insîr suak ngai.

MATHAIA 5:19

Khanchu, hi thupêk laia poimo loitak inkhat khom hi ngainêpa, khaanga mihai irchutir ka chu irvân Rama mi chîn tak ti an ti; aniachu, tukhom, zôma irchutir ka chu irvân Rama mi lian ti an ti.

JOHANA 7:7

Rammualin nangni khôkmâk thei maka, kei chu a ni khôkmâk, an sin thohai sa mah ti kin hriattir ngai sikin.

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ROM KHUAA MIHAI KUANGA TÎRTÔN PAULA LEKHATHON 1:30

An irnuisoa, an irhrilsiata, Pathian an khôkmâka, an irlôi irhlôma, an irpâka, an irsonga, thil saloi thar an uar suak nôk maia; an nu le pa mahrip tho mahai,

ROM KHUAA MIHAI KUANGA TÎRTÔN PAULA LEKHATHON 3:31

Khano’nte, iamna ei insîr poimo sikin Dân chu ite ni loia ei isia ta tihna ma ni? Ni mak e. Dân chu ei ithop ual a ni.

ROM KHUAA MIHAI KUANGA TÎRTÔN PAULA LEKHATHON 5:10

Râl ei ni lai lua khan a Nâipa thina zâra Pathian leh ei irngei tâkin chu Pathian leh irngeina ei om hnunga vâng chu Krista hringna sikin saninhring ni ngêt ei ti!

ROM KHUAA MIHAI KUANGA TÎRTÔN PAULA LEKHATHON 7:22

Ki mihriam sûngrîlin chu Pathian Dân kha a lôma;

ROM KHUAA MIHAI KUANGA TÎRTÔN PAULA LEKHATHON 8:4

taksa dâna om ta loi, irtha dâna om tâkhai, keinia hin dânin a inphût kha hlen suaka a om theina hrangin.

1 KORINTH 2:14

Tukhom Irtha nei loiin chu Pathian Irtha ata thil pêkhai kha dong thei ma. Kha mi khan chu kha thilhai kha inhre thei mah; ama ta hrangin chu invêtna kai a ni, a hlutzia kha irtha vaia inhre thei a ni sikin.

1 KORINTH 9:21

Khaang dênin, Jentailhai ki lâklût theina hrangin Jentailhai laia chu Jentailhai angin, Juda dân pên tiang ki om ngai. Kha kha Pathian Dân zôm ma ung ki itihna ni mah; Krista Dân hnuaia ki iom a ni.

KOLOSA 1:21

Nangni khom tiana khan chu Pathian ata mikhual nin nia, thil sual nin irngaituaa nin tho ngai sikin râl nin ni.

KOLOSA 2:18

Takpum irngainêp hrang, vântîrtônhai khom biak hrang tia inlârna danglam bîk hmua irbe, taksa lungrîl tak irputa, ite ni loia irpâkhai hi nin chunga ircham inneitirhai no roi.

2 TIMOTHEA toc2 2 TIMOTHEA 3:4

Vârirlet hai, milung hrât hai, irngaiinhlu hai Pathian lungthung nêkin mâni lômna vai lungthung ualhai la suak an ti.

HEBRAI toc2 HEBRAI 8:10

Nikhua hong tung hranga Israelhai kuang thu ki ithung hrang chu hi hi a ni. An milung sûnga ki dânhai sia ki ta, An lungrîla irziak sa ki ti. Keima an Pathian ni ki ta, Annihai kha ki mihai ni an ti.

JAKOBA toc2 JAKOBA 4:4

Iamna boihaio! Rammual rual irchangpui hi Pathian râl nina a nih ti nin inhriat no ma ni? Rammual rual ni hi a nuam murdi’n chu Pathian râla a irsiam a ni.

2 PETERA toc2 2 PETERA 2:14

An mitin uire hrang an en vêl maia, sual tho hnông thei mahai. An lungrîla huatirhamna lam a sân an inhriata, Pathian khosâl tong an ni.