ROM KHUAA MIHAI KUANGA TÎRTÔN PAULA LEKHATHON 8:36 - PATHIAN LEKHABU IRTHIANG C.L. Bible (BSI)

³⁶ Pathian Thu bu’n, “Nangma sikin sûn sôtin that zôi zel hmabâkin ki oma, Belra that hrang anga sia ki ni,” ti irziak ang khan.

ROM KHUAA MIHAI KUANGA TÎRTÔN PAULA LEKHATHON 8:36 ပူးပေါင်းရင်းမြစ်များ

INPÂKNA HLAHAI 141:7

Mi’n thing a hleka, a hlek hleka a irnôi chit ngai anga hin. An ruhai chu thân bâia irthekin a oma.

INPÂKNA HLAHAI 44:11

Belra that hrang angin ni ni siaa, Nam tin laia ni nin darhtir tâka.

INPÂKNA HLAHAI 44:22

A ni, nangma sikin sûn sôtin ithatin ki om ngai; Belra that hranghai anga irbe kin ni.

ISAIA 53:7

An soisaka, irngaiintôm takin a tuang maia, thuanhai loiin. Belra that hrang an kai lai khomin irchok loia a mul ep hrang khoma ite a hmûr phong viat mah.

JEREMIA 11:19

kei chu kêlbelrate that hranga an ihruai, lungirngam taka fe angin, keima siatna hrang thil saloi an iphan a nih ti ki inhriat loi a ni. “Thing chu a hrisêl lai takin lei phûr rei, tûte inhriat mai ta loi hrangin lei thatpai rei,” an tia.

JEREMIA 12:3

Rengpa nangma’n kei chu ni nin hriata, ki sin ni hmua, lung nang ki thungzia ngei khom hi mi pualoihai hi belra that hrang angin hruaipaiin lân. A that hrang zoro a phâk mân ama chu hrungin lân.

JEREMIA 51:40

Belratehai, kêlhai le belrachalhai angin that hrangin anni chu hruaihai ki ta, keima Rengpa’n ki iti a ni,” a tia.

JOHANA 16:2

Sinagok haia nangni kêlsua an ta; nangni that tumtuhaiin Pathian sin an itho anga an bê zoro la hong tung a ti.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 8:32

Pathian lekha thu irchâng a itep lai kha hi hi a ni: “Belra that hrang angin ama kha an hruaia, Belrate a mul eppu makunga a idâihrek angin ama kha a bâi âng mah,

1 KORINTH 15:30

Eini khom itho sikin mo dârkâr tina ichia ei iom ngai ma ni?

1 KORINTH 15:31

Urênghai, ei Rengpa Jisua Kristaa nangni ki songna kha sâmin, “A nitin thina ki tong ngai,” ki ti a ni.

1 KORINTH 4:9

Pathianin keini tirtônhai hi thi hranga inkung ang dênin, irnêng le irvân vântîrtôn le mi murdi enhoi hrangin a hnungkhôn taka a ni isia mani ki ti ngai.

2 KORINTH 1:9

Kin chunga thina roi an irêl tâkin kin hriat. Khannisianlân, kha kha chu nangnia irnghat loia Pathian, mithi kaithoi ngaitu kuang kin irnghat thei ualna hranga a lei ni.

2 KORINTH 11:23

Krista sinthotuhai mo an ini? Into ang riaiin hong hrilin lân, anni hrangin chu tirtôn sa ual ki ni! Sintho intam uala irnak song ual ki ni, intângna ina kin tâng intam uala, zêm laka ki tuang intam ual taka, thi zôi zel theina khom ki tong intam tâk a ni.

2 KORINTH 6:9

mi inhriatloi angin kin oma, khan khoma mi tinin an nin hriat; ithi ang dôra omin, khannisian, nin ni ihmu ang khan kin ihring a ni. Hremin kin tuang khomin, that chu ni ma ung;

FILIPI 3:10

Thil ki inuam tak chu hi hi a ni. Krista inhriathai, a thoinôkna sinthotheina dong hai, a ituang anga tuang hai, a thina irtemtuhai hi a ni.