ROM KHUAA MIHAI KUANGA TÎRTÔN PAULA LEKHATHON 8:32 - PATHIAN LEKHABU IRTHIANG C.L. Bible (BSI)

³² Ama Nâipa ngei khom hôi loia ei rênga hranga pêktu khan itinrêng manboiin a ni ipêk sa loi hrang ma ni?

ROM KHUAA MIHAI KUANGA TÎRTÔN PAULA LEKHATHON 8:32 ပူးပေါင်းရင်းမြစ်များ

IRPHUTNA 22:12

Khan Pathianin, “Nâipang chunga khan ni kut insum no’n lân, ite tôn viat no ro: ni nâi neisun khom pêk hrangin nin hroi ta no sikin, Pathian ni chi ti kin hriat ta,” a tia.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

ISAIA 53:10

Rengpa’n, ‘Vîk intuangtir hrang a sa,’ a tia. Na a ituang tâk a ni. A hringna chu sual irbôlna’n ni pom tena, ar chihaiin hmu mai an ti, a dam lai sûn bôk pe ni a ta, a kuta Rengpa indit lam chu hlochuk a ti.

MATHAIA 3:17

Irngai ta, irvân ata hnuk irhâiin, “Hi hi ki nâipa, lungthung tak chu a ni, a chunga ki lôm tak tak,” a tia.

MATHAIA 7:11

Khanchu, nangni mi sualhai luan nin nâihai thil sa pêkna châng nin inhriatin te, nin Pa irvâna mi khan a nghituhai kha thil sa a ipêk intam ual hrang mo ni ma!

JOHANA 3:16

Pathianin rammual lung a thung tak taka, khanchu, a Nâipa khât neisun a pêka, ama iam tâk ka chu irhmang loia kumtuang hringna an neina hrangin.

ROM KHUAA MIHAI KUANGA TÎRTÔN PAULA LEKHATHON 11:21

Pathianin a ôn takhai kha a hôi no’n chu nang khom nang hôi ual no ni.

ROM KHUAA MIHAI KUANGA TÎRTÔN PAULA LEKHATHON 4:25

Jisua chu thil sual ei ithohai sika ithatpai a nia, Pathian kuang thiam ei changna hranga kaithoi a ni sa.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

ROM KHUAA MIHAI KUANGA TÎRTÔN PAULA LEKHATHON 8:28

Pathian lungthungtu, ama inkung anga a ikoihai hrangin chu, an satna hrangin itinrêngin a tho pe ngai tih ei inhriat;

1 KORINTH 2:12

Ei idong hi rammual irtha ni maka, Pathianin thil a ni ipêkhai tinrêng ei inhriat theina hrangin Pathian zu itîr Irtha kha ei idong ual a ni.

2 KORINTH 4:15

Hihai tinrêng hi nangni hrang sika a ni; Pathian lungkhamna’n mi tam ual a izo tîr tîr ang khan, khahai khan Pathian roiinpuina hrangin lômthu insîrna chongchai Pathian kuang inhlan ual ual an ti.

2 KORINTH 5:21

Krista khan sual nei mah, Khannisian, ama leh irzoma Pathian felna kha ei dong sa theina hrangin Pathianin ei sual a indong a ni.

2 KORINTH 6:10

Lungdûk irsak ni khom unglân, ki lôm mai; inriang kin ang, khannisian, mi tamtak kin irchong; ite neiloi kin ang, khan khoma thil tinrêng kin nei zit.

1 JOHANA 4:10

Hi ngêt hi a ni lungthungna chu: Eini’n Pathian lung ei ithung ni loiin, Ama’n lung a ni thunga, ei sual thuphachôina hrangin a Nâipa a zuang tîr tâk a ni.

THUPHUANG 21:7

An hnêtuhaiin chu hihai hi ki kuang ata dong an ti: Keima an Pathian ni ki ta, annihai kha ki nâihai ni an ti.