ROM KHUAA MIHAI KUANGA TÎRTÔN PAULA LEKHATHON 8:31 - PATHIAN LEKHABU IRTHIANG C.L. Bible (BSI)

³¹ Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

ROM KHUAA MIHAI KUANGA TÎRTÔN PAULA LEKHATHON 8:31 ပူးပေါင်းရင်းမြစ်များ

IRPHUTNA 15:1

Kha zoiin chu Abrama kuang Pathianin, “Abram chi no ro, kei hi ni pho le lômman hlutak ki ni,” tiin Rengpa thu chu irmang angin an hriata.

1 RÊNGHAI 8:57

kin puhai lai ata a iompuihai angin, Rengpa ei Pathian chu ei kuang om mai ri se.

2 RÊNGHAI 6:16

Khan, Elisa’n, “Chi no ro, anni tianga kop nêkin eini tianga kop an tam ual,” a tia.

1 THURCHI SUINA 19:15

Amon mihaiin Suriahai rot an hmu’n chu Joaba upa Abisaia kuang an rota, an khua kul sûnga khan an lûta, Joaba’n Jerusalem tiang a rotsanhaia.

1 THURCHI SUINA 5:22

Pathian irhminga irdoi an nia, mi tamtak an ithathai a ni. Sala an intâng mân chu kha rama khan an om ta a ni.

INPÂKNA HLAHAI 118:6

Rengpa chu keima tiang a changa, chi no ning; Mihriamin imo a ni ilo hrang?

INPÂKNA HLAHAI 46:11

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

INPÂKNA HLAHAI 56:11

Pathian ki iama, chi no ning; Mihriamin imo an ni iti thei hrang?

INPÂKNA HLAHAI 56:4

Pathian ki iama, a thu inpâk ki ta: Pathian ki iama, chi no ning; Taksa’n imo a ni iti thei hrang?

INPÂKNA HLAHAI 56:9

Nang ki koi zoro ngeia khan a ni doituhai chu rot an ti: Hi hi kin hriat Pathian ni thop hi.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 54:17

Nangma doina hrangin an hriamhrei siamhai chu inhroi loiin. Nangma doituhai chu thei loi changin om an ti. Hi hi Rengpa siahlohai dong hrang chu a ni, zoina pe a ti, Rengpa thusuakin a ti.

ISAIA 8:10

Rot zoi tum unglân, hlochuk ual no ni. Nin nuam dôr ti khom unglân, ite ar fêna om no ni, kin Pathian kin kuanga a om sikin.

JEREMIA 20:11

Khannisian Rengpa, nangma hrâtna le sinthotheina chu keima tiang ni kopa, deng nin theitirtuhai chu inrîl an ti. Hlo an chuk thei no sikin mualinphoiin om thal an ti. An mualinphoina chu irnghil ni ta no ni.

JEREMIA 42:11

Nin ichi Babulon rama rêng hi chi ta no roi. Nin kuang ki oma; a thuneina irthokin nangni sansuak ki ti.

NAMBAR 14:9

Khasikin Rengpa chunga chiar no unglân, kha rama mihai khom kha chihai viat no roi, oltengin inhnêhai ei ti, Rengpa chu ei kuang a om sikin, an pathianhai chu a inhnêhai zoi tâk kêng, khasikin chi no roi,” an tia.

MATHAIA 1:23

‘Irngai ta, dôngmate irthiang khan nâi vong a ta, nâipasal nei a ta, A’rhming Imanuela,’ phua an ti. (kha kha “Ei kuanga Pathian a om,” tihna a ni.) tia a insîr kha a hong tung theina hrangin hihai murdi hi a hong iom a ni.

ROM KHUAA MIHAI KUANGA TÎRTÔN PAULA LEKHATHON 3:5

Ei dikloina khan Pathian felzia an langtir infel ualin te, itin mo ei irngai? Pathianin mi a hrem hin, mi felloi a ini ma ni? (Mihriam dân angin ki insîr a ni)

ROM KHUAA MIHAI KUANGA TÎRTÔN PAULA LEKHATHON 4:1

Khano’nte, taksa tianga ei irchibul Abrahama thu kha itin mo ei insîr hrang tâk?

DÂN INHNINA 33:29

O Israel, ni vânnei bâka, Nangma ang hi tukhom om mahai, Rengpa saninhringna nam nin nia, Rengpa kha ni pho le khandai a ni. Nang sûnghual hrang le inhnêtu ni ni theina hrangin ni râlhaiin lungkham an ngên tâka; nangin sirpha ni ti.

JOSUA 10:42

Kha rama rêng murdi leh an ram chu, Israelhai Pathian Rengpa’n a doipuihai sikin ram kha a mûtpumin Josua’n a lâk ta a ni.

1 JOHANA 4:4

Nâihaio, nangni chu Pathian ata suak nin nia, nangnia om Irtha kha rammuala om nêkin chu a roiinpui ual sikin deipu dolhai kha nin ngam tâk kêng.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.