ROM KHUAA MIHAI KUANGA TÎRTÔN PAULA LEKHATHON 8:27 - PATHIAN LEKHABU IRTHIANG C.L. Bible (BSI)

²⁷ Mi milung enfiatu Pathianin chu, Irtha insîr tum chu imo a nih ti an hriat; Irtha’n chu Pathian nuamlam ang takin a ni chongchai pea.

ROM KHUAA MIHAI KUANGA TÎRTÔN PAULA LEKHATHON 8:27 ပူးပေါင်းရင်းမြစ်များ

1 THURCHI SUINA 28:9

Solomona kuang khan, “Nang ki nâipa Solomona, ni pa Pathian hi pomin lân, irzuk tak le dik takin a sin tho’n lân, kin ingaitua le kin itumhai hi an hriat ving a ni. Ama hi ni zong photin chu hmu ngêt ni ti, nir ngaitua no’n chu nang pai zôi a ti.

1 THURCHI SUINA 29:17

Mi lungrîl ni fia ngaia, mi nun sahai chu ni lôm ngai. Keima’n chu hi thilhai hi phal taka lungrîl fel le dik tak irputin ki hong inhlan a ni, ni mi hong pungkhômhai khomin thilinhlan hong pêk nuam dân ki ihmu a ni.

INPÂKNA HLAHAI 139:1

O Rengpa, nangma’n satakin ni ni ena, Ni nin hriat tâk.

INPÂKNA HLAHAI 38:9

Rengpa, ki nuamlam murdi hi ni makunga a om zita; Ki inrûm khom hi nangmaa thuppai ni mah.

INPÂKNA HLAHAI 44:21

Pathianin chu a izong suak loi hrang ma ni? Lungrîla thuphai hi an irhriat mai a ni.

INPÂKNA HLAHAI 7:9

O, mi siahai pualoina chu hong mong ta sianlân, mi felhai chu indet roh: Pathian fel tak chu milunghai a fia ngaia.

THUVÂRHAI 17:3

Rângachak le sumtak chu meiin a’rthîta, mihriam lungrîl rêk chu Rengpa’n a fia ngai.

JEREMIA 11:20

Khanchu ki chongchaia, “Itinrêng thothei Rengpa’n nang chu roirêltu fel ni nia, mihai irngaituana le nuamnahai ni fia ngaia. Ki chungchâng thu hi ni kuta ki bâng, khaangin ki mihai chunga phuba ni lâkin chu nir hmu ro,” ki tia.

JEREMIA 17:10

Keima Rengpa hin nin irngaituanahai ki suia, Mihriamhai lungrîl ki ifia ngai a ni. Mi tin an innun dân dungzuiin an sintho dungzuiin lômman ki pêk ngai,” a tia.

JEREMIA 20:12

A ni, itinrêng sinthei Rengpa nangin dik takin nin hriat ngaia, an lungrîl le ngaituanahai om chu nin hriat hleta. Khaangin ki râlhai chunga phuba ni ilâk chu nir hmutir ro, ki chungthu ni kuta om hlet a ni tâk sikin.

MATHAIA 6:8

Anni angin om no roi, nin zong mân khom nin Pa khan nin innanghai chu an hriat zit kêng.

LUKA 16:15

Jisua’n an kuang, “Mi mit hmu’n mi fel anga inlang mai mai nin ni; khannisian, Pathianin nin lung sûng an hriata. Mihriamhai irngaisâng hi Pathian mit hmu’n intirom a ni.

JOHANA 14:13

Ki’rhmingin i khom nin izong ka chu tho thiai ki ti; Pa kha Nâipa sika chôiindôm a ni theina hrangin.

JOHANA 21:17

A voithumna khan a kuang, “Simon, Johana nâipa, nangin lung ni ni thung mo?” a tia. Jisua’n a voithumna’n, “Nangin lung ni ni thung mo?” a ti pe nôk sikin, Petera irngai a siat tâka. “Rengpa itinrêng nin hriat, lung nang ki thung ti nin hriat,” a tia. Jisua’n a kuang, “Ki belrahai infa roh.

TÎRTÔNHAI SINTHO 1:24

Kha hnung chu an chongchaia, “Rengpa, nang mihriam murdi lungrîl inhretu, hihai hi a tu khôk hi mo ni inthang nin hriattir roh.

TÎRTÔNHAI SINTHO 15:8

Lungrîl inhretu Pathian chu keini a ni ipêk ang dêna an kuanga Irtha Irthiang pêkin Jentailhai a inuam a ni an langtir kha.

ROM KHUAA MIHAI KUANGA TÎRTÔN PAULA LEKHATHON 8:34

Tu’n mo thiamno inchangtir hrang? Krista Jisua mo? Ama chu ei ta hrangin a ithi vai ni loiin a thoi nôka, Pa Pathian chang tiang omin ni chong petu kha chu ama dên kêng a ini.

ROM KHUAA MIHAI KUANGA TÎRTÔN PAULA LEKHATHON 8:6

Taksa tianga thil nuamhai chu thina a nia, Irtha tianga thil nuam chu hringna le irtharngamna a ni.

EFESI 2:18

Krista zârin ei rêngin Judahai le Jentailhai, Irtha hmunkhatin Pa kuang ei itung suam thei tâk a ni.

1 THESALONIKA 2:4

Thurchi Sa inkoltir inruka Pathianin a ni inkung ang dênin, mihriam inlôm hrang ni loiin ei lungrîl fiatu Pathian inlôm hrangin thu kin ihril ngai a ni.

HEBRAI toc2 HEBRAI 4:13

Pathian hrangin chu ite thil irthup om mah, thilsiam tinrênghai khom a mithmu’n chu inlang pharin ar hong zit ngai a ni. Ama kuang ngei ei sik senga thurchi ei la insîr hrang a ni.

JAKOBA toc2 JAKOBA 5:16

Khanchu, nin sualhai thupha chôi irhlôm unglân chongchai irhlôm roi; khanchu indamin om nin ti. Sathnem irngai taka mi dik chongchaina khan thil roiinpuitak a tho thei a ni.

THUPHUANG 2:23

A zui ngaihai khom kha that pe ki ta, khanchu keima hi lungrîl le ngaituana inhre ngaitu ki nih ti koiindanghai murdi’n inhria an ti. Nin rêngin nin sintho ang sengin nangni pe ki ti.