ROM KHUAA MIHAI KUANGA TÎRTÔN PAULA LEKHATHON 7:18 - PATHIAN LEKHABU IRTHIANG C.L. Bible (BSI)

¹⁸ Keimaa mihriam hi chu thil sa ite om mah ti kin hriat; thil sa tho nuamna nei ngai khom inlân, tho thei ma ung.

ROM KHUAA MIHAI KUANGA TÎRTÔN PAULA LEKHATHON 7:18 ပူးပေါင်းရင်းမြစ်များ

IRPHUTNA 6:5

Khan Rengpa’n irnênga a mihriam siamhai sual dân chu a’rkhêl hrai a nih ti le, an lungrîl ngaituana murdi hi sual ringot a nih ti a’rhriat suaka.

IRPHUTNA 8:21

Khan Rengpa’n, kha rimhoi kha an hriata, Rengpa’n a lungrîlin, “Irnêng chung hi chu mihriam sikin khuasâl ta no ninga, mihriam lungrîl ngaituana hi an chînte ata an sual sikin, atûna ki isoisak ang hin chu thilhring murdihai khom hi soisakhai ta no ning.

JOBA 14:4

Tu mo irthiang loi ata irthiang la suak ngai? Tukhomin la thei no nihai.

JOBA 25:4

Itin mo mihai hin Pathian makunga thiam an ichang thei hrang? Itin mo nupang inei nâi a irthiang thei hrang?

INPÂKNA HLAHAI 119:173

Ni kut chu ni changpui hrangin irfûk diamin om ri se, Ni thupêkhai chu kin thang sikin.

INPÂKNA HLAHAI 119:176

Belra irhmang angin kin vâi irhmanga; Ni suak hi zong ro, Ni thupêkhai chu ki’rnghil ngai no sikin.

INPÂKNA HLAHAI 119:32

Ni thupêkna lam tiang khan intân ki ta, Inhriat thiamna ni ni pêk hrang sikin.

INPÂKNA HLAHAI 119:40

Irngai ta, ni thupêkhai chu zôm ki nuam tak tak ngaia; Ni felnaa khan hringna thar ni pe roh.

INPÂKNA HLAHAI 119:5

O, ni roizêkhai chu zôm hrangin Ki om dânhai hi indetin om ta sianlân chu o!

INPÂKNA HLAHAI 51:5

Irngai ta, pualoinaa dên ki oma; Ka nu’n sualin a ni vonga.

ISAIA 64:6

Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.

MATHAIA 15:19

Milung ata nin ngaituana sual hai, mi thatna hai, uirena hai, irditna hai, inrûkna hai, milaka irsêlna hai, Pathian hril siatna hai a ihong suak ngai a ni.

LUKA 11:13

Khasikin, nangni mi sualhai luan nin nâihai thil sa pêkna châng nin inhriatin te nin pa irvâna mi khan a nghituhai kha Irtha Irthiang a ipêk hrang mo ni mah!” a tia.

JOHANA 3:6

Taksaa irzir ka chu taksa mi a nia, irthaa irzir ka chu irthaa mi a ni.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

ROM KHUAA MIHAI KUANGA TÎRTÔN PAULA LEKHATHON 7:15

Ki châng lam dân hi inhre thei ma ung, ki itho nuam chu tho loiin ki inuam loi kêng ki itho hen a ni.

ROM KHUAA MIHAI KUANGA TÎRTÔN PAULA LEKHATHON 7:19

Ki itho nuam thil sa kha tho loiin ki itho nuam loi thil sual chu ki tho ngaia.

ROM KHUAA MIHAI KUANGA TÎRTÔN PAULA LEKHATHON 7:25

Pathian vaiin kêng! ei Rengpa Jisua Krista zâra ei Pathian kuanga lômthu ki insîr a ni. Khanchu, ki milung sûngrîl taka chu Pathian Dân a zôma, ki takpum hin chu sualna sin a itho a ni.

ROM KHUAA MIHAI KUANGA TÎRTÔN PAULA LEKHATHON 7:5

Taksaa ei om lai khan dân sika ei inuamlam sual hong suakhai chu ei takpum ônhai thina hrang dôra ra hrangin sin a hong tho ngai.

GALATIA 5:17

Taksa nuamlam chu irtha lam tianga thil ar kal khaka, Irtha lakin taksa tiang thil chu ar kal khak saa, an irkal irhlôm khak sikin, nin itho nuam tak ite nin itho thei ngai loi a ni.

GALATIA 5:24

Jisua Kristaa omhai khan an taksa irzukna hai le nuamna hai khan an hembe ta a ni.

FILIPI 2:13

Ama nuamlam tho tum hrang le tho thei hranga nangnia sintu kha Pathian a ni.

FILIPI 3:12

Ki hmu tâk irti ni ma unga, ki’rkip tâk irti khom ni ual ma ung, “Krista ni man nasan hi ki man rôi mo,” tiin irzûlin ki irzûl mai a ni.

TITA toc2 TITA 3:3

Tiana khan chu eini khom inmôltak, tukullian tak, hruai irhmanga om, irzukna le inhoina chi tinrêng suaka om ei nia, mi hnarsaa êsêlin ei oma; nunse tak, irkhôkmâk irhlôm uar mi ei ni ngai.

1 PETERA toc2 1 PETERA 4:2

Atûn rengata chu taksaa nin hring sûng chu mihriam irzuknahai irzûl ta loia Pathian nuamlama om theina hrangin.